హవ్వ.. ఇదేం చోద్యం..! రోబోతో శృంగారమా..?
మనుషులతో మనుషులు శృంగారం చేయటం సహజమే కానీ అదే మనుషులు మరమనుషులతో శృంగారం చేస్తే? వినడానికే విచిత్రంగా ఉంది కదా. కానీ భవిష్యత్తులో ఇదే జరగబోతోంది. ప్రస్తుతం టెక్నాలజీ రంగంలో కృత్రిమ పరిజ్ఞానం (ఆర్టిఫిషియల్ ఇంటెలిజెన్స్)పై అనేక రకాల పరిశోధనలు జరుగుతున్నాయి. ఈ దిశగా మనషి మేధస్సుకు ధీటుగా స్పందించే మరమనుషులను సృష్టిస్తున్నారు.
ఇప్పటికే సోఫియా రోబోట్ మనుషుల మాదిరగానే ఆలోచిస్తూ, ప్రవర్తిస్తూ ప్రపంచ వ్యాప్తంగా అందరి దృష్టిని ఆకర్షించింది. తాజాగా మరో కొత్త రోబోట్ ఇప్పుడు పురుషులను ఆకర్షిస్తోంది. పడక గదిలో ఓ సాధారణ మహిళ చేయగలిగిన అన్ని పనులను ఈ మరమనిషి చేయనుంది. అందుకే ఈ రోబో అంత స్పెషల్. ఈ రోబో పేరు సమాంత. సెర్గి శాంటోస్ అనే శాస్త్రవేత్త ఈ రోబోట్‌ను సృష్టించారు.
కేవలం శృంగారమే ప్రధమ ప్రయోజనంగా ఈ సమాంత రోబోను తయారు చేశారు. సిలికోన్‌ను ఉపయోగించి రోబో శరీర భాగాలను తయారు చేశారు. ఇందులోని ప్రతి భాగం నిజంగా మనిషి చర్మం లాంటి అనుభూతిని ఇస్తుందని దీని సృష్టికర్త చెబుతున్నాడు. ఈ సెక్స్ రోబోట్‌ను కొనాలనుకునే వారు సుమారు ఐదు వేల డాలర్లు (మూడు లక్షల రూపాయలకు పైమాటే) చెల్లించాల్సి ఉంటుంది.
అయితే, ఈ సెక్స్ రోబోట్స్‌ని ఎప్పుడు అందుబాటులోకి తీసుకొస్తారనే విషయాన్ని మాత్రం ఆయన స్పష్టంగా వెల్లండించలేదు. మరోవైపు ఈ రోబోట్ విషయంలో భిన్నాభిప్రాయాలు వినిపిస్తున్నాయి. ఇది సమాజానికి చెడు సంకేతాలను పంపిస్తుందని, ఇలాంటి పనికిమాలిన రోబోలను తయారు చేసే బదులు సమాజానికి ఉపయోగపడే అంశాలపై దృష్టి పెడితే బాగుంటుదని నిపుణులు భావిస్తున్నారు.