విమానంలో పాడుపని.. ఆమె పక్కనే కూర్చుని లైంగిక స్వయంతృప్తి.. వైద్యుడి అరెస్టు

భారత సంతతికి చెందిన ఓ వైద్యుడు విమానంలో వికృత చేష్టలు చేశాడు. బాలిక పక్కన కూర్చుని లైంగిక స్వయంతృప్తి చేసుకున్నాడు. హస్తప్రయోగం చేసుకుంటుండగా గమనించిన ఆ 14 ఏళ్ల బాలిక భయంతో మరో వరుసలోకి మారింది. అధికారులు ఆయనను అరెస్టు చేసి కోర్టులో హాజరుపరిచారు. ఈ ఘటన అమెరికాలో చోటుచేసుకుంది.  

న్యూఢిల్లీ: అమెరికాలో ఓ వ్యక్తి విమానంలో పాడుపని చేశాడు. బాలిక పక్కనే కూర్చుని దుప్పటి మెడ వరకు కప్పుకుని హస్తప్రయోగం చేసుకున్నాడు. ఆ చర్య ఎవరికీ కనిపించకుండా కేవలం ఆ బాలికకు మాత్రమే కనిపించేలా జగ్రత్త పడ్డాడు. భయంతో వణికిపోయిన ఆ బాలిక ముందు వరుసలోని ఖాళీ సీటులోకి మారింది. ఫ్లైట్ దిగిన తర్వాత అధికారులకు ఫిర్యాదు చేయడంతో నిందితుడిని ఎఫ్‌బీఐ అధికారులు అరెస్టు చేశారు. నిందితుడు ఇండో అమెరికన్ వైద్యుడు కావడం గమనార్హం. 

ఈ ఘటన గతేడాది మే నెలలో జరిగింది. నిందితుడైన ఇండో అమెరికన్ డాక్టర్ సుదీప్త మొహంతిని పోలీసులు గురువారం అరెస్టు చేసి కోర్టులో హాజరుపరిచారు.

హవాయి రాష్ట్రంలోని హొనోలులు నుంచి బోస్టన్‌కు సుదీప్త మొహంతి ఓ మహిళతో కలిసి విమానంలో బయల్దేరాడు. అదే విమానంలో 14 ఏళ్ల బాలిక తన తాత, అమ్మతో ప్రయాణిస్తుంది. బాలిక పక్కనే సీటు కావడంతో అందులో మొహంతి కూర్చున్నాడు. కొద్దిసేపటికి బాలికను అదోరకంగా చూసి దుప్పటిని మెడ వరకు కప్పుకున్నాడు. చేతులు, కాళ్లు కదిలిస్తూ వికృతంగా వ్యవహరించాడు. కొద్దిసేపటికి కదలడం ఆగిపోయింది. ఇదంతా గమనించిన బాలిక అతను హస్తప్రయోగం చేసుకున్నట్టు గమనించింది. వెంటనే ఆమె మరో వరుసలోకి వెళ్లి కూర్చుంది.

అనంతరం, ఈ విషయాన్ని తనతోపాటే ఉన్న తాత, అమ్మకు ఆ బాలిక చెప్పింది. వారు ఈ విషయాన్ని అధికారుల దృష్టికి తెలియజేశారు. అధికారులు డాక్టర్ సుదీప్త మొహంతిని ప్రశ్నించగా.. తనకేమీ తెలియదన్నట్టుగా తొలుత బుకాయించాడు. ఆధారాలను పరిశీలించిన అధికారులు మొహంతి విమానంలో అసభ్యంగా ప్రవర్తించినట్టు గుర్తించారు. పలుమార్లు విచారించిన తర్వాత అసలు తనకేమీ గుర్తు లేదని ఎఫ్‌బీఐ అధికారులకు మొహంతి చెప్పాడు.

తాజాగా, మొహంతిని పోలీసులు కోర్టులో గురువారం హాజరుపరిచారు. నేరం నిరూపణైతే 90 రోజుల జైలు, 50 వేల డాలర్లు జరిమానా పడే అవకాశాలు ఉన్నాయి. అయితే, ఈ కేసులో బెయిల్ లభించడంతో మొహంతి విడుదలయ్యాడు. అయితే, బెయిల్ కాలంలో మొహంతి 18 ఏళ్లకు తక్కువ వయసున్న వారికి దూరంగా ఉండాలని కోర్టు కండీషన్ పెట్టింది.