india pakistan conflict: ఇండియా ఎఫెక్ట్.. పాకిస్తాన్‌కు ఐఎంఎఫ్ షరతులు
india pakistan conflict: ఆర్థిక ఇబ్బందుల్లో ఉన్న పాకిస్తాన్‌కు ఐఎంఎఫ్ బెయిల్అవుట్ ప్యాకేజీని పొడిగించింది. కానీ, భారత్ ఆందోళనల మధ్య దీనికి 11 కొత్త షరతులు, 50 నిర్మాణాత్మక ప్రమాణాలు విధించింది.
)
India Pakistan Conflict: పహల్గామ్ దాడి తర్వాత భారతదేశం చేపట్టిన ఆపరేషన్ సింధూర్ తో ప్రపంచం ముందు పాకిస్తాన్ నిజస్వరూపాన్ని బయటపెట్టింది. ఐఎంఎఫ్ నిధులను పాకిస్తాన్ ఉగ్రవాదానికి ఉపయోగిస్తోందని భారత్ పదే పదే చెబుతూనే ఉంది. ఈ నేపథ్యంలో ఐఎంఎఫ్ పాకిస్తాన్‌కు ఆర్థిక సహాయం అందించడానికి కొన్ని షరతులు విధించింది.
ఆర్థిక ఇబ్బందుల్లో ఉన్న పాకిస్తాన్‌కు ఐఎంఎఫ్ బెయిల్అవుట్ ప్యాకేజీని పొడిగించింది. కానీ, దీనికి 11 కొత్త షరతులు, 50 నిర్మాణాత్మక ప్రమాణాలు విధించింది. (బెయిల్అవుట్ అంటే ఆర్థిక ఇబ్బందుల్లో ఉన్న సంస్థ లేదా దేశానికి అందించే ఆర్థిక సహాయం.)
ఎక్స్‌ప్రెస్ ట్రిబ్యూన్ ప్రకారం.. ఐఎంఎఫ్ విధించిన షరతుల్లో 17.6 ట్రిలియన్ రూపాయల బడ్జెట్‌కు పార్లమెంటు ఆమోదం పొందడం, విద్యుత్ బిల్లులపై అధిక సర్‌ఛార్జీలు విధించడం, మూడేళ్ల కంటే పాత కార్ల దిగుమతిపై నిషేధం ఎత్తివేయడం వంటివి ఉన్నాయి.
భారత్-పాకిస్తాన్ ఉద్రిక్తతల నేపథ్యంలో ఈ కార్యక్రమం విజయవంతం కావడంపై ప్రభావం చూపుతుందని ఐఎంఎఫ్ ఆందోళన వ్యక్తం చేసింది. భారత్-పాకిస్తాన్ ఉద్రిక్తతలు కొనసాగితే లేదా మరింత తీవ్రమైతే, కార్యక్రమం లక్ష్యాలకు ముప్పు వాటిల్లవచ్చని ఐఎంఎఫ్ హెచ్చరించింది.
పాకిస్తాన్‌కు ఐఎంఎఫ్ విధించిన 11 కొత్త షరతులు
1. 17.6 ట్రిలియన్ రూ.ల బడ్జెట్‌కు పార్లమెంటు ఆమోదం.
2. రాష్ట్ర స్థాయిలో వ్యవసాయ ఆదాయపు పన్ను సంస్కరణలు.
3. పాలనా సంస్కరణల కార్యాచరణ ప్రణాళిక.
4. 2027 తర్వాత ఆర్థిక రంగ వ్యూహం.
5. వార్షిక విద్యుత్ ధరల సవరణ.
6. అర్ధ-వార్షిక గ్యాస్ ధరల సవరణ.
7. క్యాప్టివ్ పవర్ లెవీ ఆర్డినెన్స్‌ను శాశ్వత చట్టంగా మార్చడం.
8. సర్‌ఛార్జీపై పరిమితిని తొలగించడం.
9. ప్రత్యేక సాంకేతిక మండళ్లకు ప్రోత్సాహకాలను దశలవారీగా తొలగించే ప్రణాళిక.
10. పాత కార్ల దిగుమతిపై నిషేధం ఎత్తివేయడం.
11. అభివృద్ధి వ్యయానికి 1.07 ట్రిలియన్ రూ.లు కేటాయించడం.
