Musk vs Trump: మస్క్ను అమెరికా నుంచి బహిష్కరించాలి.. సంచలన వ్యాఖ్యలు.
సారాంశం
అమెరికా అధ్యక్షుడు డొనాల్డ్ ట్రంప్, ప్రపంచ కుబేరుడు ఎలాన్ మస్క్ల మధ్య వ్యవహారం ఇప్పుడు ప్రపంచవ్యాప్తంగా చర్చనీయాంశమైంది. ఒకప్పుడు స్నేహితులుగా ఉన్న వీరిద్దరూ ఇప్పుడు బద్ధ శత్రువులుగా మారడం అందరినీ ఆశ్చర్యానికి గురి చేస్తోంది.
మొన్నటి వరకు స్నేహం ఇప్పుడు శతృత్వం
అమెరికా మాజీ అధ్యక్షుడు డొనాల్డ్ ట్రంప్ మరియు ప్రపంచ ప్రముఖ పారిశ్రామికవేత్త ఎలాన్ మస్క్ మధ్య తాజా వివాదం అంతర్జాతీయంగా ఆసక్తికర చర్చకు దారితీసింది. ఒకప్పుడు స్నేహితులుగా కనిపించిన ఈ ఇద్దరూ ఇప్పుడు పరస్పర విమర్శల దాడిలోకి దిగారు. అమెరికా అధ్యక్ష ఎన్నికల ముందు ట్రంప్కు తన పూర్తి మద్ధతును తెలిపిన మస్క్ ఇప్పుడు శత్రువుగా మారారు.
మస్క్ను అమెరికా నుంచి బహిష్కరించాలి.
ఈ పరిణామాల నేపథ్యంలో ట్రంప్కు అత్యంత సన్నిహితుడు, మాజీ శ్వేతసౌధ సలహాదారు స్టీవ్ బెనాన్ చేసిన వ్యాఖ్యలు తీవ్ర దుమారాన్ని రేపుతున్నాయి. మస్క్ను “అక్రమ గ్రహాంతరవాసి”గా అభివర్ణించిన ఆయన, అమెరికా ప్రభుత్వం ఆయనపై వెంటనే విచారణ జరపాలని, దేశం నుంచి బహిష్కరించాలని డిమాండ్ చేశారు. అంతేకాకుండా మస్క్కు చెందిన స్పేస్ఎక్స్ సంస్థను సీజ్ చేయాలని కోరారు.
అమెరికాలో ఉండడానికి అనర్హుడు
బెనాన్ మాట్లాడుతూ "ఎలాన్ మస్క్ వలె ఇతర గ్రహాల నుంచి అక్రమంగా వచ్చినవారు అమెరికాలో ఉండటానికి అర్హులు కారు. ఆయన ఇమ్మిగ్రేషన్ స్థితిని పూర్తిగా పరిశీలించాలని ప్రభుత్వానికి విజ్ఞప్తి చేస్తున్నాను. ట్రంప్ వెంటనే తన అధికారం ఉపయోగించి స్పేస్ఎక్స్ను ప్రభుత్వాధీనంలోకి తీసుకోవాలి" అని వ్యాఖ్యానించారు.
కోరియా యుద్ధ చట్టాల ప్రకారం, దేశ రక్షణకు సంబంధించిన ప్రాజెక్టుల్లో ప్రభుత్వం ప్రాధాన్యత కలిగిన ఒప్పందాల కోసం ప్రైవేట్ సంస్థలపై అధికారం కలిగి ఉంటుంది. ఈ అధికారాన్ని ట్రంప్ వినియోగించాలని బెనాన్ అభిప్రాయపడ్డారు. "పెంటగాన్ నుంచి చైనా చేతికి రహస్య సమాచారాన్ని చేరవేస్తున్నారన్న అనుమానాలున్నాయి. ఆయనకు భద్రత ఎత్తేయాలి. ప్రభుత్వ ఒప్పందాలను కూడా రద్దు చేయాలి" అని మస్క్పై సంచలన ఆరోపణలు చేశారు.
ట్రంప్, మస్క్ల మధ్య దూరం ఎప్పుడు మొదలైంది
మే నెలలో మస్క్, రిపబ్లికన్ ట్యాక్స్ బిల్లుకు వ్యతిరేకంగా మాట్లాడినప్పటి నుంచి వీరిద్దరి మధ్య దూరం మొదలైంది. లైంగిక కుంభకోణంలో నిందితుడితో ట్రంప్నకు సంబంధాలున్నాయంటూ మస్క్ చేసిన ఆరోపణలు ప్రపంచవ్యాప్తంగా సంచలనం సృష్టించాయి. దీంతో అప్పటివరకు ఉన్న సన్నిహిత బంధం పూర్తిగా తెగిపోయింది.