Afghan Taliban: ఆఫ్ఘనిస్థాన్ లోని తాలిబన్ పాలకుల విచిత్రమైన ఉత్తర్వులను జారీ చేశారు. మహిళా యాంకర్లు తమ ముఖాలను కప్పి ఉంచి.. వార్తలను చదవాలని తాలిబన్లు ఆదేశించారు. ఆరో తరగతి తర్వాత అమ్మాయిలు పాఠశాలకు వెళ్లకూడదని ఆదేశించారు.
Afghan Taliban: ఆఫ్ఘనిస్థాన్ లోని తాలిబన్ పాలకులు మరోసారి విచిత్రమైన ఉత్తర్వు జారీ చేశారు. టీవీ చానెళ్లలో వార్తలు చదువుతున్నప్పుడు మహిళా యాంకర్లందరూ తమ ముఖాలను కప్పి ఉంచుకోవాలని ఆఫ్ఘనిస్థాన్ తాలిబన్ పాలకులు ఆదేశించారు. ఈ నెల ప్రారంభంలో.. తాలిబాన్ మహిళలందరూ తల నుండి కాలి వరకు దుస్తులు ధరించాలని బహిరంగంగా ఆదేశించారు.
అలాగే.. ఆరో తరగతి తర్వాత బాలికలు పాఠశాలకు వెళ్లకుండా నిషేధిస్తూ తాలిబన్లు డిక్రీ కూడా జారీ చేశారు. వార్తా సంస్థ ప్రకారం.. తాలిబాన్ డిప్యూటీ మంత్రిత్వ శాఖ, సమాచార, సాంస్కృతిక మంత్రిత్వ శాఖ ఈ ఉత్తర్వును జారీ చేసినట్లు టోలోన్యూస్ ఛానెల్ ఒక ట్వీట్‌లో తెలిపింది. ఈ ఆర్డర్‌ను అన్ని సంస్థ‌ల్లో పాటించాలని, ఇందులో ఎలాంటి మార్పు ఉండదని ఛానెల్ చెబుతోంది.
అన్ని మీడియా సమూహాలకు వర్తింపు
తాలిబన్ పాలకులు ఈ ప్రకటనను మోబి గ్రూప్‌కు పంపారు. ఈ గ్రూప్ Tolonnews, అనేక ఇతర TV, రేడియో నెట్‌వర్క్‌లను కలిగి ఉంది. ఇతర ఆఫ్ఘన్ మీడియా సంస్థ‌లు కూడా అమలు చేయాల‌ని ట్వీట్‌లో పేర్కొన్నారు. తమకు కూడా ఆర్డర్ వచ్చినట్లు ఆఫ్ఘన్ మీడియా ధృవీకరించింది. అందుకు అంగీకరించడం తప్ప మాకు వేరే మార్గం లేదని మీడియా ప్ర‌తినిధులు చెప్పుకొచ్చారు.
చాలా మంది మహిళా యాంకర్లు కెమెరా ముందుకు వచ్చినప్పుడు.. వార్తలు చదువుతున్న‌ప్పుడూ.. వారు తమ ముఖాలను మాస్క్‌లతో కప్పుకున్నారు. టోలో న్యూస్‌కి చెందిన ఓ యాంకర్ ఫేస్ మాస్క్ ధరించి ఉన్న వీడియోను క్యాప్షన్‌తో పోస్ట్ చేసింది. ఇలా చాలామంది యాంక‌ర్స్ తమ ఫోటోల‌ను సోషల్ మీడియాలో పోస్ట్ చేశారు.
1996-2001 మధ్యకాలంలో తాలిబాన్ తొలిసారిగా అధికారంలోకి వచ్చినప్పుడు మహిళలపై భారీ ఆంక్షలు విధించింది. ఇందులో బురఖా ధరించాలని, దానితో పాటు కళ్లకు మెష్ క్లాత్ కట్టుకోవాలని ఆదేశాలు జారీ చేసింది. ఆగస్టులో ఆఫ్ఘనిస్తాన్‌లో తిరిగి అధికారాన్ని చేజిక్కించుకున్న తర్వాత, తాలిబాన్ మొదట్లో మహిళలకు డ్రెస్ కోడ్‌ను ప్రకటించడం ద్వారా పరిమితులను సడలించింది. అయితే ఇటీవలి వారాల్లో, అతను మరోసారి మహిళల పట్ల భిన్నమైన ఉత్తర్వులు జారీ చేశారు. అటువంటి ఉత్తర్వులను జారీ చేయడం వ‌ల్లే తాలిబాన్ అపఖ్యాతి పాలైంది.