స్కూటీని ఢీకొన్న ఆర్టీసి బస్సు...టీసిఎస్ ఉద్యోగిని మృతి, డ్రైవర్ పై రాళ్లదాడి
By Arun Kumar P | First Published Nov 26, 2019, 1:38 PM ISTహైదరాబాద్ లోొ ఘోర రోడ్డు ప్రమాదం చోటుచేసుకుంది. ఆర్టీసి తాత్కాలిక డ్రైవర్ నిర్లక్ష్యపు డ్రైవింగ్ ఓ మహిళా సాఫ్ట్‌వేర్ నిండు ప్రాణాలను బలితీసుకున్నాయి.
హైదరాబాద్: బంజారాహిల్స్ రోడ్డు నెంబర్ 12 లో ఘోర రోడ్డు ప్రమాదం చోటుచేసుకుంది. ఆర్టీసి బస్సు తాత్కాలిక డ్రైవర్ నిర్లక్ష్యపు డ్రైవింగ్ ఓ యువతి ప్రాణాలను బలితీసుకుంది. ఈ ప్రమాదంతో బంజారాహిల్స్ ప్రాంతంలో ఉద్రిక్త వాతావరణం నెలకొంది.
ఈ ప్రమాదంతో మృతిచెందిన యువతి ప్రముఖ సాప్ట్‌వేర్ కంపనీ టీసిఎస్ లో పనిచేస్తున్న సోహిని సక్సేనాగా తెలుస్తోంది. ఆమె మాసబ్ ట్యాంక్ నుండి బంజారాహిల్స్ వైపు స్కూటీపై వెళుతుండగా ఈ ప్రమాదం జరిగింది.
Latest Videos
undefined
ఆర్టీసి బస్సును నడిపిస్తున్న తాత్కాలిక డ్రైవరే ఈ ప్రమాదానికి కారణమని ప్రత్యక్ష సాక్షులు ఆరోపిస్తున్నారు. అతడు నిర్లక్ష్యంగా డ్రైవింగ్ చేస్తూ సోహిని ప్రయాణిస్తున్న స్కూటీని ఢీకొట్టినట్లు చెబుతున్నారు.
TSRTC Strike: డిపోల దగ్గర ఉద్రిక్తత.. ఆర్టీసీ కార్మికుల అరెస్టు
ఈ ఘటనపై ఆగ్రహానికి లోనైన స్థానికులు తాత్కాలిక బస్సు డ్రైవర్ పై రాళ్ల దాడికి దిగారు. అంతేకాకుండా మృతదేహంతో రోడ్డుపైనే బైఠాయించి నిరసన తెలిపారు. బాధితురాలి కుటుంబానికి న్యాయం చేయాలని డిమాండ్ చేశారు. ఈ నిరసతో బంజారాహిల్స్ ప్రాంతంలో ట్రాఫిక్ జామ్ అయ్యింది.
ఈ ప్రమాదంపై సమాచారం అందుకున్న స్థానిక పోలీసులు ఘటనా స్థలానికి చేరుకుని మృతదేహాన్ని పరిశీలించారు. నిరసన చేపడుతున్న వారిని సముదాయించి ట్రాఫిక్ ను క్లియర్ చేయడానికి ప్రయత్నిస్తున్నారు. మృతదేహాన్ని పోస్టుమార్టం నిమిత్తం సమీపంలోని ఆస్పత్రికి తరలించే ఏర్పాట్లు చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి