హైదరాబాద్ పోలీసుల తనిఖీల్లో పట్టుబడ్డ కరెన్సీ నోట్ల సంచులు

హైదరాబాద్ పోలీసుల తనిఖీల్లో పట్టుబడ్డ భారీ నగదు ఆటోలో తరలిస్తుండగా పట్టుకున్న పోలీసులు

హైదరాబాద్ కోఠి మెడికల్ కాలేజీ వద్ద ట్రాఫిక్ పోలీసులు చేపట్టిన వాహనాల తనిఖీల్లో భారీగా నగదు పట్టుబడింది. జనరల్ తనిఖీల్లో భాగంగా పోలీసులు ఇవాళ కోఠిలో అనుమానాస్పదంగా కనిపించిన వాహనాలను ఆపి తనిఖీలు చేపట్టారు. ఇలా అనుమానాస్పదంగా కనిపించిన ఓ ఆటో ను ఆపి అందులోని తరలిస్తున్న సంచుల్ని పరిశీలించిన పోలీసులు ఆశ్చర్యపోయారు.దాదాపు ఆరు సంచుల్లో డబ్బుల కట్టలు ఉన్నాయి. దీంతో పోలీసులు ఈ డబ్బుల సంచులను, ఆటోను స్వాధీనం చేసుకుని ఆటో డ్రైవర్ ని సుల్తాన్‌ బజార్‌ పోలీసులు విచారించారు.

ఈ విచారనలో ఆటో డ్రైవర్ ప్రకాశ్ ఈ డబ్బులను నింబోలి అడ్డా నుండి తీసుకువస్తున్నట్లు తెలిపాడు. ఓ ఏజెంట్ నుండి పది రూపాయల నోట్లు సేకరించి వ్యాపారులకు కమీషన్ పై సరఫరా చేస్తున్నట్లు పోలీసులకు వెల్లడించాడు. పట్టుబడ్డ ఆరు సంచుల్లోని నగదును లెక్కించగా రూ.12 లక్షలు ఉన్నట్లు తేలిందని పోలీసులు తెలిపారు.