తెలంగాణలో టీఆర్ఎస్ ప్రభుత్వం రైతు సంక్షేమాన్ని, వ్యవసాయాన్ని గాలికొదిలేసిందంటూ తెలంగాణ బిజెపి కిసాన్ మోర్చా అసెంబ్లీ ముట్టడికి పిలుపునిచ్చిన విషయం తెలిసిందే. ఈ నేపథ్యంలో నగరంలోని పలు ప్రాంతాల్లో బిజెపి పార్టీ నాయకులను పోలీసులు ముందస్తుగా అరెస్టు చేశారు. ఇందులో భాగంగా ఇవాళ పార్టీ కార్యాలయం నుండి ముట్టడికి బయలుదేరిన ఎమ్మెల్యేలు కిషన్ రెడ్డి,రామచంద్రారెడ్డి ని పోలీసులు అదుపులోకి తీసుకున్నారు. అసెంబ్లీ సమావేశాలు, రాజ్యసభ ఎన్నికలు జరుగుతున్నందున ఎలాంటి అవాంఛనీయ సంఘటనలు జరగకుండా బిజెపి నాయకులు, కార్యకర్తలను అదుపులోకి తీసుకున్నట్లు పోలీసులు తెలిపారు.