కాలెయ వ్యాధులు ఇందుకే వస్తయ్.. జర జాగ్రత్త

కాలెయ వ్యాధులు రావడానికి ఎన్నో కారణాలున్నాయి. ఆల్కహాల్ ను మితిమీరి తాగితే కొవ్వు కాలెయ వ్యాధి వచ్చే అవకాశం ఉంటుంది. ఏదేమైనా లివర్ డిసీజ్ కు కారణాలేంటో తెలుసుకుంటే ఈ వ్యాధులకు దూరండా ఉండొచ్చు.   

కాలేయ ఆరోగ్యం దెబ్బతింటే ఎన్నో అనారోగ్య సమస్యలు వస్తాయి. అయితే కాలెయ ఆరోగ్యం దెబ్బతింటే మన శరీరం అందుకు సంబంధించిన ఎన్నో లక్షణాలను చూపిస్తుంది. అంటువ్యాధులు, వంశపారంపర్య వ్యాధులు, ఊబకాయం, ఆల్కహాల్ వాడకం వల్ల ఎన్నో రకాల కాలేయ వ్యాధులు వస్తాయి. ఫ్యూచర్ లో ఈ కాలేయ వ్యాధి ఎన్నో ప్రమాదకరమైన రోగాలకు దారితీస్తుంది. అందుకే ఈ సమస్యలను ప్రారంభంలోనే గుర్తించి చికిత్స తీసుకుంటే ముప్పు తప్పుతుంది. 

కాలేయం దెబ్బతినడానికి, కాలెయ వ్యాధి రావడానికి ఎన్నో కారణాలు ఉన్నాయి. అయితే ఈ సమస్యలు కాలేయ వ్యాధి సిరోసిస్ కు కారణమవుతుంది. దీనికి సకాలంలో చికిత్స తీసుకోకపోతే కాలేయ వ్యాధి,  కాలేయ నష్టం, కాలేయ క్యాన్సర్ కు దారితీస్తుందని నిపుణులు చెబుతున్నారు. అయితే సుమారు 10 మంది అమెరికన్లలో ఒకరికి ఈ వ్యాధి ఉందట. యుఎస్ లో సుమారు 5.5 మిలియన్ల మంది దీర్ఘకాలిక కాలేయ వ్యాధి లేదా సిరోసిస్ తో బాధపడుతున్నట్టు అధ్యయనాలు చెబుతున్నాయి.

పెద్దల వయసు వారిలో సుమారు 20% నుంచి 30% మందికి కాలేయంలో అదనపు కొవ్వు ఉందని అంచనా. ఇలాంటి పరిస్థితిని నాన్-ఆల్కహాల్-రికెట్డ్ ఫ్యాటీ లివర్ డిసీజ్ అంటారు. అయితే కాలెయ వ్యాధులు రావడానికి ఎన్నో  కారణాలు ఉన్నాయి. అవేంటంటే.. 

• వైరల్ ఇన్ఫెక్షన్లు: హెపటైటిస్ ఎ, హెపటైటిస్ బి, పటైటిస్ సి వైరల్ ఇన్ఫెక్షన్ల వల్ల కూడా కాలెయ వ్యాధులు వస్తాయి. 
• రోగనిరోధక వ్యవస్థతో సమస్యలు: రోగనిరోధక వ్యవస్థ వల్ల కూడా కాలెయ వ్యాధులు వస్తాయి. ఇది స్వయం ప్రతిరక్షక కాలేయ వ్యాధులకు కారణమవుతుంది.
• వంశపారంపర్య వ్యాధులు: కొన్ని కాలేయ సమస్యలు జన్యుపరంగా కూడా అభివృద్ధి చెందుతాయి . అంటే ఇవి మీకు మీ తల్లిదండ్రుల నుంచి వారసత్వంగా వస్తాయి. వారసత్వంగా విల్సన్ వ్యాధి, హిమోక్రోమాటోసిస్ వంటి కాలెయ వ్యాధులు వస్తాయి. 
• క్యాన్సర్: కాలేయంలో అసాధారణ కణాలు పెరిగినప్పుడు కణితులు ఏర్పడతాయి. ఈ కణితులు కాలేయ క్యాన్సర్ కు కారణమవుతాయి. ఆల్కహాల్  ను తాగడం వల్ల కొవ్వు కాలేయ వ్యాధి  వస్తుంది. నాన్-ఆల్కహాల్-రిలేటెడ్ ఫ్యాటీ లివర్ డిసీజ్  కొవ్వును ఎక్కువగా తీసుకోవడం వల్ల వస్తుంది. ఊబకాయం, మధుమేహం రేటు పెరిగే కొద్దీ ఎన్ఏఎఫ్ఎల్డీ వచ్చే ప్రమాదం ఎక్కువ. 
• కొన్ని రకాల కాలేయ వ్యాధులు అరుదుగా కొన్ని లక్షణాలను చూపిస్తాయి. వీటిలో అత్యంత సాధారణ లక్షణం కామెర్లు. కాలేయం బిలిరుబిన్ అనే పదార్థాన్ని బయటకు పంపనప్పుడు కామెర్లు వస్తాయి. 

కాలేయ వ్యాధి ఇతర లక్షణాలు..

పొత్తికడుపు నొప్పి.. ముఖ్యంగా కుడి వైపు
మూత్రం లేదా మలం రంగులో మార్పులు
అలసట
వాంతులు
చేతులు లేదా కాళ్ళ వాపు