వీటిని తింటే మీ ఎముకల బలం తగ్గుతుంది జాగ్రత్త..

కొన్ని రకాల ఆహారాలు ఎముకలను బలంగా ఉంచితే.. ఇంకొన్ని ఎముకల బలాన్ని పూర్తిగా తగ్గించి బోలు ఎముకల వ్యాధి, ఇతర ఎముకల వ్యాధులకు దారితీస్తాయి. అందుకే ఎముకల ఆరోగ్యాన్ని ఏ ఫుడ్ దెబ్బతీస్తుందో తెలుసుకోవడం చాలా ముఖ్యం.   

మన శరీరం ఇలా ఒక ఆకారంలో ఉండటానికి ఎముకలే ప్రధాన కారణం. ఎముకలే లేకుంటే మన శరీరం ఒక ముద్దలా ఉంటుంది. ఎముకలు అవయవాలకు మద్దతునిచ్చి మన శరీరానికి పునాదిని ఏర్పరుస్తాయి. అందుకే ఎముకల ఆరోగ్యాన్ని జాగ్రత్తగా కాపాడుకోవాలి. ఎముకల నిర్మాణానికి, అవి బలంగా ఉండటానికి కాల్షియం చాలా అవసరం. ముఖ్యంగా మహిళలకు ఎముకల ఆరోగ్యం చాలా ముఖ్యం. రుతువిరతి తర్వాత మహిళల ఎముకల బలం తగ్గే ప్రమాదం ఉంది. 

ఆరోగ్య నిపుణుల ప్రకారం.. ఎముకలు ఆరోగ్యంగా, బలంగా ఉండటానికి పెద్దలకు రోజుకు కనీసం 1000 మి.గ్రా కాల్షియం అవసరం. మెగ్నీషియం, విటమిన్ ఎ, విటమిన్ డి వంటి ఇతర పోషకాలు మన శరీరంలో కాల్షియం శోషణకు అవసరం. పేలవమైన ఎముక ఆరోగ్యం రికెట్స్, బోలు ఎముకల వ్యాధి వంటి పరిస్థితులకు కారణమవుతుంది. తర్వాత ఎముక విచ్ఛిన్నమయ్యే ప్రమాదాన్ని పెంచుతుంది. ఆరోగ్యకరమైన ఎముకల కోసం ఒక్క పాలు తాగితే సరిపోదు. మనకు తగినంత కాల్షియం అందించడానికి మన రోజువారీ ఆహారంలో కొన్నింటిని చేర్చుకోవాలి. 

ఎముకలు బలంగా ఉండాలంటే తినాల్సిన ఆహారాలు

• రోజూ ఒక గ్లాసు 6 పచ్చి క్యారెట్లు, 50 గ్రాముల పాలకూర రసం తీసుకోవాలి. దీనిద్వారా మీకు సుమారు 300 మి.గ్రా కాల్షియం అందుతుంది. దీనిలో యాంటీ ఆక్సిడెంట్లు పుష్కలంగా ఉంటాయి. ఇవి చర్మంపై ప్రయోజనకరమైన ప్రభావాన్ని చూపుతాయి.
• 200 గ్రాముల రాజ్మా, కాబూలీ శనగలు, నల్ల పప్పు నుంచి 250 నుంచి 100 గ్రాముల కాల్షియం ఉంటుంది.
• ప్రతిరోజూ 2-3 టేబుల్ స్పూన్ల తెలుపు, నలుపు నువ్వులు తినండి.
• బచ్చలికూర, కాలే, బ్రోకోలి వంటి ఆకుకూరల్లో ఫైబర్స్, విటమిన్స్, ఐరన్ ఉండటం వల్ల ఎముకలకు మంచి చేస్తుంది. 
• ఎముకల ఆరోగ్యానికి రోజూ సరిపడా ప్రోటీన్లను తీసుకోవడం కూడా చాలా అవసరం. గింజలు, గుడ్లు, చిక్కుళ్లు, కాయధాన్యాలలో ప్రోటీన్ పుష్కలంగా ఉంటుంది.
• విటమిన్ సి ఎక్కువగా ఉండే ఆహారాలను మీ భోజనంలో చేర్చండి. బెర్రీలు, నారింజ, ద్రాక్షలో విటమిన్ సి పుష్కలంగా ఉంటుంది. ఇవి కూడా ఎముకల ఆరోగ్యాన్ని కాపాడుతాయి.

ఎముకల ఆరోగ్యాన్ని దెబ్బతీసే ఆహారాలు ఇవి

• సోడియం ఎక్కువగా ఆహారాలు
• చక్కెర అధికంగా ఉండే స్నాక్స్
• కార్బోనేటేడ్ పానీయాలు: ఎందుకంటే వీటిలో చక్కెర, కెఫిన్ కంటెంట్ ఎక్కువగా ఉంటాయి. అంతేకాదు ఎముక సాంద్రతను పెంచే ఫాస్పోరిక్ ఆమ్లం కూడా ఉంటుంది. 
• జంతు ప్రోటీన్ ను ఎక్కువగా తీసుకోవడం కూడా మంచిది కాదని పోషకాహార నిపుణులు చెబుతున్నారు. 
• కాఫీ లేదా టీ  రూపంలో ఎక్కువ కెఫిన్ కంటెంట్ తీసుకోవడం వల్ల ఎముకల నుంచి కాల్షియం పోతుంది.
• ధూమపానం, పొగాకు వినియోగం కూడా కాల్షియం క్షీణతకు దారితీస్తుంది
• ఎముకలు ప్రధానంగా కాల్షియంతో తయారవుతాయి. అందుకే కాల్షియం అధికంగా ఉండే ఆహారాలను ప్రతిరోజూ తినాలి. ఇవేకావు నిశ్చల జీవనశైలి కూడా ఎముక సాంద్రతను ప్రభావితం చేస్తుంది.