కన్నీళ్లు చాలా చాలా అవసరం.. లేకపోతే కళ్లు కూడా పోవచ్చు..!

ఏడుపు మంచిది కాదంటారు చాలా మంది కానీ.. నిపుణుల అభిప్రాయం ప్రకారం.. కన్నీళ్లు మన ఆరోగ్యానికి ఎంతో మేలు చేస్తాయి. ఎందుకంటే ఇవి కళ్లను ఆరోగ్యంగా ఉంచుతాయి. కంటి చూపు పోయే ప్రమాదాన్ని కూడా తగ్గిస్తాయి తెలుసా?   

స్మార్ట్ ఫోన్ల వాడకం ఈ రోజుల్లో చాలా పెరిగింది. పని కోసం కావొచ్చు.. లేదా ఇతరత్రా పనులకు కోసం ఉపయోగించొచ్చు. కానీ స్క్రీన్ ను ఎక్కువ సేపు చూడటం వల్ల ఎన్నో సమస్యలు వస్తాయి. ముఖ్యంగా కంటి సమస్యలు. దీనికి తోడు మారిన జీవన విధానం కళ్లకు ఒత్తిడిని కలిగిస్తుంది. దీంతో కంటిచూపు దెబ్బతింటుంది. రానురాను కంటిచూపు మొత్తమే పోతుందని నిపుణులు అంటున్నారు. కళ్లను ప్రభావితం చేసే కొన్ని సమస్యల గురించి ఇప్పుడు తెలుసుకుందాం.. 

డ్రై ఐ

'డ్రై ఐ' అనే సమస్య గురించి మనందరికీ తెలుసు. ఇది రెండు కళ్ల ఆరోగ్యాన్ని దెబ్బతీస్తుంది. అలాగే కంటిచూపును కూడా తగ్గిస్తుంది. ఈ సమస్య ఎక్కువగా కళ్లు పొడిబారడం వల్ల వస్తుంది.  అయితే కళ్లను తేమగా ఉంచడానికి, కళ్లను శుభ్రంగా ఉంచడానికి, అంటువ్యాధుల నుంచి రక్షించడానికి కన్నీళ్లు ఎంతో అవసరం. కానీ కళ్లలో తేమ అస్సలు లేకపోతే  'డ్రై ఐ' సమస్య వస్తుంది. కొంతమందిలో వయస్సు, కొన్ని ఆరోగ్య సమస్యలు, కొన్ని మందుల వాడకం వల్ల కూడా ఈ సమస్య వస్తుంది. అయితే కన్నీళ్లు  'డ్రై ఐ' వచ్చే అవకాశాన్ని తగ్గించడానికి సహాయపడతాయని నిపుణులు అంటున్నారు. 

గ్లాకోమా

గ్లాకోమా అనేది ఒక కంటి సమస్య. ఈ వ్యాధి ఆప్టిక్ నరాలపై ప్రభావం చూపుతుంది. ఇది దృష్టిపై కూడా ప్రభావం చూపుతుంది. గ్లాకోమా వంశపారంపర్యం, డయాబెటిస్ లేదా ఏదైనా కంటి గాయం  వల్ల ప్రభావితమవుతుంది. కానీ ఇది చివరికి కంటిచూపు కోల్పోయేలా చేస్తుంది. కంటి పరీక్షలు క్రమం తప్పకుండా చేయించుకోకుంటే ఈ వ్యాధిని ముందుగానే గుర్తించొచ్చు. కన్నీళ్లు ఈ సమస్యను కొంతవరకు తగ్గిస్తాయి.

మాక్యులర్ డీజెనరేషన్

మాక్యులర్ డీజెనరేషన్ అనేది ఎక్కువగా 50 ఏళ్లు దాటిన వారికే వస్తుంది. ఈ వ్యాధి సమీపంలో కూర్చున్న వస్తువులను చూడటం చాలా కష్టం. మాక్యులర్ క్షీణత ఒక మచ్చగా అభివృద్ధి చెందుతుంది. ఇది క్రమంగా దృష్టి మధ్యలో కనిపిస్తుంది. రానురాను ఇది కన్ను మొత్తం వ్యాపిస్తుంది. ఇది ఒక కన్ను లేదా రెండు కళ్లను ప్రభావితం చేస్తుంది. ధూమపానం చేసేవారికే దీని ప్రమాదం ఎక్కువగా పెరుగుతుంది.

మయోపియా

దగ్గరలో ఉన్న వస్తువులను చూడలేకపోవడం, అలాగే దూరంగా ఉన్న వస్తువులను చూడటంలో ఇబ్బంది ఉందా? అయితే మీకు 'మయోపియా' ఉన్నట్టే. మయోపియా వంశపారంపర్యంగా వస్తుంది.