సాగర్ కాలువలోకి దూసుకెళ్లిన కారు: నలుగురు దుర్మరణం
By telugu team | First Published Oct 16, 2020, 7:13 AM ISTఏపీలోని గుంటూరు జిల్లాలో ఘోర రోడ్డు ప్రమాదం చోటు చేసుకుంది. కారు మేజర్ కాలువలోకి దూసుకుని వెళ్లడంతో నలుగురు వ్యక్తులు మృత్యువాత పడ్డారు. మృతులు ప్రకాశం జిల్లాకు చెందినవారు.
గుంటూరు: ఆంధ్రప్రదేశ్ రాష్ట్రంలోని గుంటూరు జిల్లాలో ఘోరమైన రోడ్డు ప్రమాదం జరిగింది. రొంపిచెర్ల మండలం సుబ్బయ్యపాలెం వద్ద ఈ ప్రమాదం చోటు చేసుకుంది. తంగేడుమల్లి మేజర్ కాలువలోకి ఓ కారు దూసుకుని వెళ్లింిద.
ఆ ప్రమాదంలో కారులో ప్రయాణిస్తున్న నలుగురు మృత్యువాత పడ్డారు మృతులను ప్రకాశం జిల్లా పామర్రుకు చెందినవారిగా గుర్తించారు. వారు హైదరాబాదు నుంచి ప్రకాశం జిల్లాకు వెళ్తుండగా అద్దంకి - నార్కెట్ పల్లి జాతీయ రహదారిపై ఆ ప్రమాదం జరిగింది.
Latest Videos
ప్రమాదంపై పోలీసులు కేసు నమోదు చేసుకుని దర్యాప్తు చేస్తున్నారు. కారు అతి వేగమే ప్రమాదానికి కారణమని ప్రాథమికంగా నిర్ధారించారు. వివరాలు అందాల్సి ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి