ఈ రోజుల్లో చాలా మంది జుట్టు సమస్యలు ఎదుర్కొంటున్నారు. జుట్టు రాలడం, చుండ్రు ఇలా చెప్పుకుంటూపోతే చాలానే సమస్యలు ఉన్నాయి. అయితే.. వీటికి వెల్లుల్లితో చెక్ పెట్టవచ్చని మీకు తెలుసా? మీరు చదివింది నిజమే. ఇప్పటి వరకు వెల్లుల్లిని చాలా రకాల వంటల్లో వాడి ఉంటారు. దీనిలో అనేక ఔషద గుణాలు కూాడా పుష్కలంగా ఉన్నాయి. అయితే..దీనిని కేవలం వంటకు మాత్రమే కాదు...జుట్టుకు కూడా వాడొచ్చు. దీనిని వాడటం వల్ల జుట్టు రాలడం ఆగడమే కాదు.. పొడవుగా కూడా పెరుగుతుంది. అదెలాగో ఇప్పుడు చూద్దాం..
24
వెంట్రుకలకు వెల్లుల్లి ఎలా సహాయపడుతుంది?
వెల్లుల్లిలో విటమిన్ సి, విటమిన్ బి6, జింక్, సెలీనియం, మాంగనీస్ వంటి పోషకాలు ఉన్నాయి. అవి వెంట్రుకల ఆరోగ్యానికి చాలా మంచివి. వెల్లుల్లిలో ఉండే యాంటీవైరల్, యాంటీ ఫంగల్ గుణాలు చర్మ సమస్యలను పరిష్కరించడంలో సహాయపడతాయి. వెల్లుల్లి వెంట్రుకలు రాలడాన్ని తగ్గించి, వెంట్రుకల పెరుగుదలను పెంచుతుందని ఒక అధ్యయనం కనుగొంది. వెల్లుల్లిలోని సల్ఫర్, సెలీనియం వెంట్రుకలను బలపరుస్తాయి.
34
వెల్లుల్లి గుణాలు:
1. వెల్లుల్లిలో ఉండే యాంటీవైరల్, యాంటీ ఫంగల్ గుణాలు, వైరస్ లేదా ఫంగస్ వల్ల వచ్చే చర్మ సమస్యలను పరిష్కరించడానికి ఉపయోగపడతాయి.
2. వెల్లుల్లిని పేస్ట్లా చేసి తలకు రాసుకుంటే రక్త ప్రసరణ పెరిగి, చుండ్రు సమస్య తగ్గుతుంది.
3. వెల్లుల్లిలోని యాంటీఆక్సిడెంట్లు సూర్యుని అతినీలలోహిత కిరణాల నుండి వెంట్రుకలను రక్షిస్తాయి.
4. వెల్లుల్లి విటమిన్ సికి మంచి మూలం, ఇది వెంట్రుకల పెరుగుదలను ప్రోత్సహిస్తుంది.
44
వెంట్రుకలకు వెల్లుల్లిని ఎలా వాడాలి?
వెంట్రుకల సమస్యల నుండి ఉపశమనం పొందడానికి వెల్లుల్లి నూనెను వాడవచ్చు. వెల్లుల్లి నూనెలో అన్ని సమస్యలకు మేలు చేసే గుణాలు ఉన్నాయి. వెల్లుల్లి నూనెను ఇంట్లోనే తయారు చేసుకోవచ్చు. కొన్ని వెల్లుల్లి రెబ్బలను పేస్ట్లా చేసి, ఆ పేస్ట్ను ఒక గిన్నెలో వేసి వేయించాలి. దానికి ఒక కప్పు కొబ్బరి నూనె లేదా ఆలివ్ నూనె కలిపి తక్కువ మంట మీద వేడి చేయాలి. నూనె చల్లారిన తర్వాత ఒక గాజు సీసాలో నిల్వ చేసి వాడాలి. రెండు స్పూన్ల నూనెను తీసుకుని తలకు మసాజ్ చేసి 30 నిమిషాలు అలాగే ఉంచి, తర్వాత మైల్డ్ షాంపూతో తలస్నానం చేయాలి. వారానికి రెండుసార్లు ఈ నూనెను వాడితే మంచి ఫలితం ఉంటుంది.
