Rashmika Wedding Saree: రష్మిక పెళ్లిలో కట్టుకున్న చీర ధర ఎంతో తెలుసా?

 Rashmika Wedding Saree: రష్మిక, విజయ్ పెళ్లి ఫుల్ గ్రాండ్ గా ఇటీవల జరిగిన సంగతి తెలిసిందే. మరి, ఈ పెళ్లిలో రష్మిక కట్టుకున్న చీర నెట్టింట ట్రెండింగ్ గా మారంది. మరి, ఈ చీర ధర ఎంతో తెలుసా? 

Rashmika Vijay

టాలీవుడ్ స్టార్స్ రష్మిక మందన్న, విజయ్ దేవర కొండల వివాహం ఫిబ్రవరి 26వ తేదీన ఉదయ్ పూర్ లో చాలా గ్రాండ్ గా జరిగింది. వీరిద్దరూ ఎన్నో సంవత్సరాలుగా ప్రేమలో ఉన్నారంటూ ఎప్పటి నుంచో వార్తలు వస్తూనే ఉన్నాయి. కానీ వీరిద్దరూ ఏ రోజు ఈ విషయంపై స్పందించలేదు. డైరెక్ట్ గా పెళ్లి చేసుకొని షాక్ ఇచ్చారు. అయితే.. వీరి పెళ్లి చూసి అభిమానులు మాత్రం చాలా ఖుషీ అయ్యారు. పెళ్లి దుస్తుల్లో ఇద్దరూ చాలా అందంగా, చూడ ముచ్చటగా ఉన్నారంటూ అందరూ కామెంట్స్ చేశారు.

ఉదయ్ పూర్ లో వీరి వివాహం జరగగా, హైదరాబాద్ లో సినీ, రాజకీయ ప్రముఖుల కోసం గ్రాండ్ రిసెప్షన్ ఏర్పాటు చేశారు.దీనికి సంబంధించిన ఏర్పాట్లు చాలా గ్రాండ్ గా జరుగుతున్నాయి. ఈ క్రమంలో.. విజయ్, రష్మికలు తమ పెళ్లికి ధరించిన దుస్తులు, జ్యూవెలరీకి సంబంధించి రోజుకో వార్త నెట్టింట చక్కర్లు కొడుతోంది.

రష్మిక పెళ్లి చీర..

రష్మిక తన పెళ్లి రోజున భారీ జరీ వర్క్ తో కూడిన ఆరెంజ్ కలర్ చీర ధరించి.. అందరినీ ఆకర్షించింది. కాగా.. ఈ చీర ధర దాదాపు రూ.12లక్షల ఉంటుందని నివేదికలు చెబుతున్నాయి. ఈ చీర చూడటానికి సింపుల్ గా అనిపించినా.. చాలా క్లిష్టమైన ఎంబ్రాయిడరీ, సీక్వెన్స్ వర్క్ చేయించారు. అటు సంప్రదాయ బద్దంగానూ.. ఇటు ట్రెండీగానూ ఈ చీర కనిపించడం విశేషం. ఇక.. బ్లౌజ్ డిజైన్ మాత్రం మరింత ఎక్కువగా ఆకట్టుకునేలా ఉండటం విశేషం.ఇక, పెళ్లి లో రష్మిక ధరించిన నగల విలువ రూ.2 కోట్ల నుంచి రూ.5.5 కోట్లు ఉంటుందని సమాచారం.

ఇదిలా ఉండగా, పెళ్లికి ముందు జరిగిన మెహందీ , సంగీత వేడుకల ఫోటోలు కూడా సోషల్ మీడియాలో చక్కర్లు కొడుతున్నాయి. చాలా మంది అభిమానులు , సినీ ప్రముఖులు తమ శుభాకాంక్షలు తెలియజేస్తున్నారు. ఈ వివాహం ఇప్పటికే 2026లో అత్యంత చర్చనీయాంశమైన సెలబ్రిటీ వివాహాలలో ఒకటిగా మారింది.