టమాటా, ఉల్లి తగ్గింది.. పచ్చిమిర్చీ ఘాటెక్కింది : హైదరాబాద్ అత్యధిక ధరలున్న కూరగాయలివే

టమాటా, ఉల్లి ధరలు తగ్గాయని హ్యాపీగా వున్న సామాన్యూడిని ఇప్పుడు మరికొన్ని కూరగాయల ధరలు బెంబేలెత్తిస్తున్నాయి. ముఖ్యంగా ఇప్పుడు పచ్చిమిర్చి ధర పెరిగింది. హైదరాబాద్ లో కిలో పచ్చిమిర్చి ధర ఎంతుందో తెలుసా?  

Vegetable Prices

టమాటా, ఉల్లిపాయల ధరలు ఇటీవల భారీ ధర పలికిన విషయం తెలిసిందే. కిలో వంద రూపాయలు పలికిన ఈ కూరగాయలు ఇప్పుడు నేలకు దిగివచ్చాయి. వీటి ధరలు ప్రస్తుతం తెలుగు రాష్ట్రాల్లో చాలా తక్కువగా వున్నాయి. తెలంగాణ రాజధాని హైదరాబాద్ మార్కెట్లలో కిలో టమాటా రూ.20 వస్తోంది. ఇక ఉల్లిపాయల కిలో 30 కి లభిస్తున్నాయి. 

వ్యాపారుల దగ్గరే టమాటా ఈ ధర పలికితే రైతుల దగ్గర ఎలా వుంటుందో అర్థం చేసుకోవచ్చు. రైతులకు కిలోకు రూ.5 కూడా రావడంలేదు. రవాణా ఖర్చులు కూడా సరిపోక పొలాల్లోనే టమాటా పంటను వదిలేస్తున్నారు రైతులు. ఒకప్పుడు కిలో వందరూపాయలకు పైనే అమ్మిన రైతులు ఇప్పుడు తలలు పట్టుకుంటున్నారు. టమాటా పంటతో లక్షలు అర్జించినవారు ఇప్పుడు వందలు కూడా రాాక ఇబ్బందిపడుతున్నారు. హారం

ప్రస్తుతం మార్కెట్ లో టమాటా, ఉల్లిపాయ ధరలు తగ్గాయని సామాన్యులు ఆనందిస్తుంటే కొన్ని కూరగాయల ధరలు వాటిస్థాయిలో పైపైకి ఎగబాాకుతున్నాయి. ఇలా వంటింట్లో అత్యధికంగా  ఉపయోగించే మిర్చి ధర ఘాటెక్కింది. హైదరాబాద్ లో కిలో పచ్చి మిర్చి ధర రూ.60 కి చేరింది. మంచి క్వాాలిటి మిర్చి రూ.60-70 పలికితే నాసిరకం మిర్చి రూ.40-50 పలుకుతోంది.

పచ్చిమిర్చితో పాటు చాలా కూరగాయలు కిలో రూ.50 కంటే ఎక్కువ ధర వున్నాయి. ఇలా హైదరాబాద్ లో అత్యధిక ధర పలుకుతున్న కూరగాయలేంటో చూద్దాం. 

బీట్ రూట్ - రూ.54-60 

ఆలుగడ్డ - రూ.40-50 (మంచి క్వాలిటీ రూ.50 పైనే)

క్యాప్సికమ్ - రూ.50-55

బీరకాయ - రూ.58‌-64

పెద్ద చిక్కుడు - రూ. 52-57

బీన్ - రూ.55-60

క్యారెట్ - 52-55 

వంకాయలు -రూ.41-46

బెండకాయలు - రూ.40-50