ఇందిరమ్మ ఇల్లు కోసం అప్లై చేసుకున్నారా.? లిస్ట్‌లో మీ పేరు ఉందా ఇలా చెక్‌ చేసుకోండి.

Indiramma Illu: జనవరి 26వ తేదీన పలు పథకాలను అమలు చేసేందుకు తెలంగాణ ప్రభుత్వం సిద్ధమవుతోన్న విషయం తెలిసిందే. ఇప్పటికే రేషన్‌ కార్డు పొందిన వారి జాబితా సిద్ధమైంది. కాగా ఇందిరమ్మ ఇల్ల లబ్ధిదారులకు కూడా జనవరి 26వ తేదీన ఇళ్లు కేటాయింపు ప్రారంభించాలని ప్రభుత్వం నిర్ణయం తీసుకుంది.. 

ఈ పథకంలో భాగంగా లబ్ధిదారులకు ప్రభుత్వం ఇంటి నిర్మాణం కోసం రూ. 5 లక్షలు ఆర్థిక సాయం అందించనుంది. ఈ పథకం కోసం తెలంగాణ ప్రభుత్వం రూ. 22,000 కోట్లు ఖర్చు చేయాలని లక్ష్యంగా పెట్టుకుంది. ఇప్పటికే ఇందిరమ్మ ఇల్లకు కొందరు ఎంపికయ్యారు. ఈ జాబితాను ప్రభుత్వం ఆన్‌లైన్‌లో అందుబాటులో ఉంచింది. ఇంతకీ ఈ జాబితాలో మీ పేరు ఉందో లేదో ఎలా తెలుసుకోవాలో ఇప్పుడు చూద్దాం.. 

స్టెప్ 1: ముందుగా అధికారిక వెబ్‌సైట్‌లోకి వెళ్లాలి. 

స్టెప్‌ 2: అనంతరం అప్లికేషన్ సెర్చ్‌ ఆప్షన్‌ను సెలక్ట్ చేసుకోవాలి. 

స్టెప్‌ 3: ఇందులో మొబైల్‌ నెంబర్‌, అప్లికేషన్‌ నెంబర్‌, ఆధార్‌ నెంబర్‌ లేదా రేషన్‌ కార్డ్‌ నెంబర్‌ ఎంటర్ చేసి సెర్చ్‌ చేసుకోవచ్చు. 

స్టెప్‌ 4: వివరాలను ఎంటర్‌ చేసి సబ్‌మిట్‌పై నొక్కాలి. వెంటనే మీరు పథకానికి ఎంపికయ్యారో లేదో తెలుస్తుంది. 

ఈ పథకానికి ఎవరు అర్హులు.?

* ఈ పథకానికి దరఖాస్తు చేసుకునే వారు తెలంగాణకు చెందిన వారై ఉండాలి.

* దరఖాస్తుదారులు ఆర్థికంగా వెనుకబడి ఉండాలి. 

డిప్యూటీ సీఎం కీలక ప్రకటన

ఇదిలా ఉంటే లబ్ధిదారులకు సంంధించి విడుదల చేసిన లిస్టులో తమ పేరు లేదంటూ చాలా మంది ఆందోళన వ్యక్తం చేస్తున్న నేపథ్యంతో డిప్యూటీ సీఎం బట్టి విక్రమార్క కీలక ప్రకటన చేశారు. లిస్టులో పేరు వచ్చినంత మాత్రాన ఇందిరమ్మ ఇళ్లు, రేషన్ కార్డులు వచ్చినట్లు కాదని, ఆ లిస్టులో ఉన్నది దరఖాస్తు చేసుకున్న వారి పేర్లు మాత్రమేనని అన్నారు. 

ఇంకా ఎవరైనా అప్లయ్ చేసుకోని వారుంటే వారు కూడా అప్లయ్ చేసుకుంటారనే ఉద్దేశ్యంతో లిస్టు విడుదల చేసినట్లు చెప్పుకొచ్చారు. ఎన్ని దరఖాస్తులు వచ్చినా చిట్ట చివరి లబ్ధిదారులకు కూడా పథకాలు ఇవ్వలన్నేది తమ ఆలోచన అని తేల్చి చెప్పారు ఇక రేషన్‌ కార్డుల ప్రక్రియ అనేది నిరంతర ప్రకియ అని ఆయన తేల్చి చెప్పారు.