తెలంగాణ ప్రభుత్వం నిరుపేద మహిళల కోసం ప్రత్యేక పథకాన్ని అమలుచేస్తోంది. కేవలం దరఖాస్తు చేసుకుంటే ఉచితంగానే కుట్టుమిషన్లు అందిస్తోంది... అయితే ఈ దరఖాస్తు కోసం మహిళలు కొన్ని అర్హతలు కలిగివుండాలి. అవేంటో చూద్దాం.
Free Sewing Machine : తెలంగాణలో చాలామంది మహిళలు ఇంట్లో వుంటూనే కుటుంబ అవసరాల కోసం డబ్బులు సంపాదిస్తుంటారు. ఇందుకోసం చాలా పనులు వున్నాయి... బీడీలు చుట్టడం నుండి బట్టలు కుట్టడం వరకు ఎన్నో చేస్తుంటారు. ఇలా స్వయం ఉపాధి ద్వారా కుటుంబానికి ఆర్థికంగా అండగా వుండాలని ఇంకా చాలామంది మహిళలు కోరుకుంటారు. అలాంటి నిరుపేద మైనారిటీ వర్గాల మహిళలకు తెలంగాణ ప్రభుత్వం సాయానికి ముందుకొచ్చింది.
మైనారిటీ అంటే ముస్లిం, సిక్కు,బౌద్ద,జైన, పార్సీ వర్గాలకు చెందిన మహిళలకు స్వయం ఉపాధి కల్పించేందుకు రేవంత్ సర్కార్ ప్రయత్నిస్తోంది. ఇందిరమ్మ మహిళా శక్తి పథకంలో భాగంగా మైనారిటీ వర్గాల్లోని పేదింటి ఆడబిడ్డకు పూర్తి ఉచితంగా కుట్టు మిషన్లు అందిస్తోంది. తెలంగాణ మైనారిటీ ఫైనాన్స్ కార్పోరేషన్ ఇప్పటికే అర్హులైన మహిళల నుండి దరఖాస్తులు ఆహ్వానిస్తోంది. మీరు కూడా మైనారిటీ వర్గానికి చెందినవారై, ఈ కింద పేర్కొన్న అర్హుతలు కలిగివుంటే వెంటనే దరఖాస్తు చేసుకొండి.
ఉచిత కుట్టుమిషన్ పొందేందుకు కావాల్సిన అర్హతలు :
18 ఏళ్ల నుండి 55 ఏళ్ళలోపు నిరుద్యోగ మైనారిటీ మహిళలు ఈ ఉచిత కుట్టుమిషన్లు పొందేందుకు అర్హతలు. అయితే మహిళలు కనీసం 5వ తరగతి చదివివుండి కుట్టడంలో ఆల్రెడీ ట్రైనింగ్ తీసుకుని వుండాలి.
ఇక ఈ ఉచిత కుట్టుమిషన్ కోసం మహిళ కుటుంబ వార్షిక ఆదాయాన్నికూడా పరిగణలోకి తీసుకుంటారు. గ్రామాల్లో అయితే రూ.1.5 లక్షలు, పట్టణాల్లో అయితే రూ.2 లక్షల వార్షిక ఆదాయం కలిగిన కుటుంబాలకు చెందిన మైనారిటీ మహిళలే అర్హులు. ఇలా అన్ని అర్హతలు కలిగిన మహిళలు దరఖాస్తు చేసుకోవచ్చు.
దరఖాస్తు ప్రక్రియ :
ఇప్పటికే ఉచిత కుట్టుమిషన్ల కోసం దరఖాస్తు ప్రక్రియ ప్రారంభమయ్యింది. ఈ నెల డిసెంబర్ 16న ప్రారంభమైన దరఖాస్తు ప్రక్రియ డిసెంబర్ 31 వరకు కొనసాగుతుంది. కుట్టు పనిపై ఆసక్తిగత మైనారిటీ మహిళలు తెలంగాణ మైనారిటీ ఫైనాన్స్ కార్పోరేషన్ కు చెందిన https://tgobmms.cgg.gov.in/ ద్వారా దరఖాస్తు చేసుకోవచ్చు.
ఆన్ లైన్ లో వ్యక్తిగత వివరాలును ఫీల్ చేసి కుల దృవీకరణ, టైలరింగ్ సర్టిపికేట్ జతచేసి దరఖాస్తును సబ్మిట్ చేయాలి. ఆ దరఖాస్తు కాపీని ప్రింట్ తీసుకోవాలి... అవసరమైన పత్రాలు (వయసు, విద్యా దృవపత్రాలు, అడ్రస్ ఫ్రూఫ్స్ వంటివి) జతచేసి జిల్లా మైనారిటీ సంక్షేమ శాఖ అధికారికి సమర్పించాలి.
కుట్టు మిషన్ ఎప్పుడు వస్తుంది?
మైనారిటీ మహిళల దరఖాస్తులను పరిశీలించేందుకు మైనారిటీ సంక్షేమ శాఖ అధికారులు కొంత సమయం తీసుకుంటారు. అన్ని అర్హుతలు కలిగివున్న మహిళల జాబితాను తయారుచేస్తారు. వీరికోసం కుట్టు మిషన్లను రెడీ చేస్తారు. ఇలా ఈ ప్రక్రియ మొత్తం జరగడానికి కొంత సమయం పడుతుంది.
అంతా రెడీ అయ్యాక అధికారులు కుట్టు మిషన్లు పోందేందుకు అర్హులైన మహిళలకు సమాచారం అందిస్తారు. స్థానిక ప్రజాప్రతినిధులు, అధికారుల సమక్షంలో ఈ కుట్టు మిషన్లను మహిళలకు అందిస్తారు. దరఖాస్తులు పూర్తయ్యాకే అర్హుల ఎంపిక ప్రారంభం అవుతుంది... అంటే వచ్చే ఏడాది 2025 లో ఈ కుట్టుమిషన్ల పంపిణీ కార్యక్రమం వుంటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి