రూ. 7కు చేరిన గుడ్డుధర.. ఎగ్ కు బదులు ఇవి తినొచ్చు..

గుడ్డును కొనలేని పరిస్థితుల్లో ఆహారంలో ఎలాంటి పదార్థాలను చేర్చడం వల్ల దాన్ని రీప్లేస్ చేయచ్చో తెలుసుకుంటే.. గుడ్డు ధర దిగిచ్చేవరకు కాస్త ఆదుకుంటుంది. 

గుడ్డు ధరకు రెక్కలొచ్చాయి. ఆల్ టైం హైకి చేరుకుంది. ఒక్కో గుడ్డు ధర రూ.7 లు లభిస్తుంది. దీంతో సామాన్యుడు బెంబేలెత్తుతున్నాడు. పోషకాల కేరాఫ్ అడ్రస్ అయిన గుడ్డు అందనంత ఎత్తుకు ఎగరడంతో ప్రత్యామ్నాయం వైపు దృష్టి సారిస్తున్నారు. 

రోజుకో గుడ్డు తినడం వల్ల శరీరానికి కావాల్సిన పోషకాలు అందుతాయని  వైద్యులు, ఆరోగ్య నిపుణులు చెబుతారు. రోజువారి ఆహారంలో ఉడికించిన గుడ్డును తినడం మంచిది. గుడ్డులో ఉన్న పోషకాలు ఎన్నో రకాల జబ్బులకు చెక్ పెడతాయి. ఆరోగ్యాన్ని అందిస్తాయి. పోషకాలకు  కేరాఫ్ అడ్రస్ గా గుడ్డును చెప్పొచ్చు. గుడ్డులో ప్రోటీన్ తో పాటు ఇతర పోషకాలు కూడా ఎక్కువ స్థాయిలో ఉంటాయి. ఒక్క గుడ్డులో ఏడు గ్రాముల ప్రోటీన్,  1.6 గ్రాముల సంతృప్త కొవ్వు, ఐదు గ్రాముల కొవ్వు, 75 కేలరీలు, ఐరన్,  ఖనిజాలు, విటమిన్స్ మెండుగా ఉంటాయి. అందుకే.. రోజుకో గుడ్డు తినడం వల్ల శరీరానికి కావలసిన ఈ అన్ని రకాల పోషకాలు అందుతాయి.

ఇప్పుడే ఎందుకుపెరిగాయంటే...
నేటి వరకు కార్తీక మాసం కారణంగా చాలామంది నాన్ వెజ్ కు దూరంగా ఉన్నారు. గుడ్డు కూడా ముట్టలేదు. కానీ నేటితో కార్తీకమాసం ముగుస్తుంది.. ఇక రానున్నవన్నీ పండగ దినాలే. క్రిస్మస్, న్యూ ఇయర్ సెలబ్రేషన్స్  వీటిని నేపథ్యంలో కోడిగుడ్డు ధర ఒక్కసారిగా ఆకాశాన్ని అంటుతోంది. ఆల్ టైం హయ్యర్ రికార్డును  అందుకుంది. ఒక్కో గుడ్డు ధర ఎన్నడూ లేనంతగా రూ.7కు  చేరుకుంది.  హోల్సేల్ వ్యాపారులైతే టోకుగా 100 గుడ్లు కొంటే రూ. 580 రూపాయలకు ఇస్తున్నారు.

ఈ లెక్కన చూసుకున్న హోల్ సెల్ లోనే  గుడ్డు ధర దాదాపుగా ఈ ఆరు రూపాయలు పలుకుతుంది. అయితే ఈ ధర కేవలం తెలుగు రాష్ట్రాల్లో మాత్రమే కాదు పశ్చిమబెంగాల్, నార్త్ ఇండియాల్లో కూడా కోడిగుడ్లకు డిమాండ్ పెరిగిందని దీనివల్లే ఇక్కడ కూడా రేట్లు పెరిగాయని వ్యాపారులు చెబుతున్నారు. 

గుడ్డుకు ప్రత్యామ్నాయాలు

గుడ్డును కొనలేని పరిస్థితుల్లో ఆహారంలో ఎలాంటి పదార్థాలను చేర్చడం వల్ల దాన్ని రీప్లేస్ చేయచ్చో తెలుసుకుంటే.. గుడ్డు ధర దిగిచ్చేవరకు కాస్త ఆదుకుంటుంది. గుడ్డుకు ప్రత్యామ్నాయంగా ఆహారంలో అరటిపండును, చిక్కీ లేదా పల్లీపట్టీని చేర్చుకోవచ్చు. ఇక వంటకాల్లో ముఖ్యంగా బేకింగ్ లో గుడ్డుకు బదులుగా ఫ్లాక్ సీడ్స్ వాడుకోవచ్చు. ఫ్లాక్ సీడ్స్ లేదా అవిసె గింజల్లో ఉండే ఆల్ఫా లినోలెనిక్ యాసిడ్ గుండెకు కూడా చాలా మంచింది.

అరటిపండు లేదా యాపిల్ సాస్ లను వాడొచ్చు. అరటిపండు ప్రయోజనాలు తెలిసిందే. ఇక, టోఫును  గుడ్డుకు ప్రత్యామ్నాయంగా వాడుకోవచ్చు. కుకీస్ లో వీటిని వాడుకోవడం వల్ల గుడ్డు వాడని లోటు తెలియదు.