కారణమిదీ: స్వంత పార్టీ నేతలపై బీఆర్ఎస్ ఎమ్మెల్సీ కవిత వ్యాఖ్యలు
First Published | Jan 8, 2024, 6:37 PM ISTబీఆర్ఎస్ ఎమ్మెల్సీ కల్వకుంట్ల కవిత పార్టీ సమావేశంలో చేసిన వ్యాఖ్యలు ప్రస్తుతం స్వంత పార్టీలోనే చర్చకు దారి తీశాయి.
☰
k kavitha
భారత రాష్ట్ర సమితి ఎమ్మెల్సీ కల్వకుంట్ల కవిత నిజామాబాద్ పార్లమెంట్ నియోజకవర్గ సమీక్ష సమావేశంలో చేసిన వ్యాఖ్యలు చర్చకు దారి తీశాయి. 2014 లో నిజామాబాద్ పార్లమెంట్ సెగ్మెంట్ నుండి భారత రాష్ట్ర సమితి తరపున కల్వకుంట్ల కవిత పోటీ చేసి విజయం సాధించారు. 2019 పార్లమెంట్ ఎన్నికల్లో భారతీయ జనతా పార్టీ అభ్యర్ధి ధర్మపురి అరవింద్ చేతిలో బీఆర్ఎస్ అభ్యర్ధి కల్వకుంట్ల కవిత ఓటమి పాలయ్యారు.
Kalvakuntla Kavitha, BRS, kavitha
2019 పార్లమెంట్ ఎన్నికల సమయంలో కాంగ్రెస్ ప్రత్యక్షంగా, పరోక్షంగా బీజేపీకి సహకరించిందని బీఆర్ఎస్ నేతలు విమర్శించారు. మరోవైపు కవిత ఓటమికి భారత రాష్ట్ర సమితికి చెందిన కొందరు నేతలు నిర్లక్ష్యంగా వ్యవహరించారనే ఆరోపణలు కూడ అప్పట్లో వచ్చాయి.
kavitha
2014, 2018 అసెంబ్లీ ఎన్నికల్లో నిజామాబాద్ పార్లమెంట్ పరిధిలో దాదాపుగా అన్ని అసెంబ్లీ స్థానాల్లో భారత రాష్ట్ర సమితి అభ్యర్ధులు విజయం సాధించారు. కానీ 2023 అసెంబ్లీ ఎన్నికల్లో ఈ దఫా కేవలం మూడు స్థానాల్లో మాత్రమే బీఆర్ఎస్ అభ్యర్థులు విజయం సాధించారు.
kavitha
బీఆర్ఎస్ నిజామాబాద్ పార్లమెంట్ నియోజకవర్గ పరిధిలో 2019లో తాను ఓటమి పాలు కావడానికి పార్టీకి చెందిన ప్రజా ప్రతినిధుల వైఖరే కారణమని ఇవాళ జరిగిన సమావేశంలో కల్వకుంట్ల కవిత పరోక్ష వ్యాఖ్యలు చేశారు. పార్టీకి చెందిన ప్రజా ప్రతినిధుల వైఖరిని మార్చుకోవాలని ఆమె సూచించారు.
నిజామాబాద్ జిల్లాల్లో కల్వకుంట్ల చంద్రశేఖర్ రావు పర్యటించిన సమయంలో ఆయనను కార్యకర్తలు కలవకుండా స్థానిక ప్రజా ప్రతినిధులు అడ్డంకులు సృష్టించారని కవిత సమావేశంలో చెప్పారు. తాను జిల్లాల్లో పర్యటించిన సమయంలో కూడ ఇదే పరిస్థితి నెలకొందన్నారు. ఈ విషయమై తనకు ఫిర్యాదులు అందిన విషయాన్ని కవిత గుర్తు చేశారు.
Kalvakuntla kavitha
నిజామాబాద్ పార్లమెంట్ నియోజకవర్గంలోని ఏడు అసెంబ్లీ స్థానాల్లో నాలుగు అసెంబ్లీ స్థానాల్లో బీఆర్ఎస్ ఓటమి పాలైంది. మూడు స్థానాల్లో బీఆర్ఎస్ విజయం సాధించింది. మొత్తం ఏడు అసెంబ్లీ స్థానాల్లో బీఆర్ఎస్ కు వచ్చిన ఓట్లను చూస్తే బీజేపీ, కాంగ్రెస్ పార్టీల కంటే ఎక్కువగా ఉన్నట్టుగా ఆ పార్టీ నాయకత్వం గుర్తించింది. ఈ పార్లమెంట్ స్థానంపై ఫోకస్ పెట్టాలని కవిత పార్టీ నేతలకు సూచించారు.
నిజామాబాద్ పట్టణంలోనే తాను ఉంటానని తనను ఎవరైనా నేరుగా కలవొచ్చని కవిత పార్టీ సమావేశంలో స్పష్టం చేశారు.
2023 అసెంబ్లీ ఎన్నికల్లో గజ్వేల్ తో పాటు కామారెడ్డి అసెంబ్లీ స్థానం నుండి కల్వకుంట్ల చంద్రశేఖర్ రావు పోటీ చేశారు. కామారెడ్డి స్థానంలో కల్వకుంట్ల చంద్రశేఖర్ రావు ఓటమి పాలయ్యారు. ఈ స్థానంలో భారతీయ జనతా పార్టీ అభ్యర్ధి వెంకటరమణ రెడ్డి విజయం సాధించారు. 2019 పార్లమెంట్ ఎన్నికల్లో ఓటమి, 2023లో కామారెడ్డిలో కేసీఆర్ ఓటమి నేపథ్యంలో కవిత ఈ వ్యాఖ్యలు చేసి ఉంటారని రాజకీయ విశ్లేషకులు భావిస్తున్నారు.
d.srinivas
2018 అసెంబ్లీ ఎన్నికలకు కొన్ని రోజుల ముందు మాజీ ఎంపీ ధర్మపురి శ్రీనివాస్ పై చర్యలు తీసుకోవాలని నిజామాబాద్ జిల్లాకు చెందిన బీఆర్ఎస్ నేతలు కేసీఆర్ కు ఫిర్యాదు చేశారు. పార్టీ వ్యతిరేక కార్యకలాపాలకు పాల్పడుతున్నారని ధర్మపురి శ్రీనివాస్ పై నేతలు అప్పట్లో ఆరోపించారు. అయితే ఈ ఆరోపణలను ధర్మపురి శ్రీనివాస్ తోసిపుచ్చారు. ఈ విషయమై కేసీఆర్ ను కలిసి వివరణ ఇచ్చేందుకు ధర్మపురి శ్రీనివాస్ ప్రయత్నించారు.కానీ, కేసీఆర్ మాత్రం ధర్మపురి శ్రీనివాస్ కు అపాయింట్ మెంట్ ఇవ్వలేదు.
Latest Videos
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిclick me!