కోరుట్ల దీప్తి మృతదేహంపై గాయాలు? పోస్టు మార్టం రిపోర్ట్ లోనే అసలు మేటరంతా..!

కోరుట్లలో మందు పార్టీ చేసుకున్న అక్కాచెల్లెల్లలో ఒకరు అనుమానాస్పద రీతిలో మృతిచెందడం, ఇంకకరు భాయ్ ప్రెండ్ తో పరారవడంతో సంచలనం సృష్టించింది.

Korutla

జగిత్యాల : కోరుట్ల పట్టణంలో సాప్ట్ వేర్ ఇంజనీర్ దీప్తి అనుమానాస్పద మ‌ృతి తెలంగాణలో సంచలనం సృష్టించింది. తల్లిదండ్రులు ఇంట్లో లేని సమయంలో భాయ్ ప్రెండ్ తో కలిసి చెల్లి చందన అక్కను చంపివుంటుందని అనుమానిస్తున్నారు. తాజాగా అనుమానితురాలు చందనతో పాటు ఆమె భాయ్ ప్రెండ్ పట్టుబడినట్లు ప్రచారం జరుగుతోంది. అయితే పోలీసులు మాత్రం ఈ విషయంపై క్లారిటీ ఇవ్వడంలేదు.  

Korutla

అక్కతో కలిసి ఇంట్లోనే మద్యం సేవించిన చందన భాయ్ ప్రెండ్ పరారయ్యింది. ఏమయ్యిందో తెలీదుగానీ అక్క దీప్తీ మృతిచెందడం, చెల్లి నగదు, బంగారంతో పరారవడంపై అనుమానాలు కలుగుతున్నాయి. ఈ నేపథ్యంలో ఇవాళ బయటకురానున్న దీప్తి పోస్టుమార్టం రిపోర్ట్ కీలకం కానుంది. దీప్తి మృతిపై నెలకొన్న అనుమానాలపై ఈ పోస్టుమార్టం రిపోర్ట్ తో కొంత క్లారిటీ రానుంది. దీప్తిది హత్యా? ఆత్మహత్యా? అన్నది తేలనుంది. 

Korutla

 ఇక అక్కను తాను చంపలేదంటూ చందన తమ్ముడికి పంపిన వాయిస్ మెసేజ్ ఆధారంగా పోలీసులు దర్యాప్తు ప్రారంభించారు. అందుబాటులో వున్న సాంకేతిక పరిజ్ఞానాన్ని ఉపయోగించి చందన ఎక్కడుందో పోలీసులు గుర్తించినట్లు సమాచారం. భాయ్ ప్రెండ్ తో కలిసి హైదరాబాద్ చేరుకున్నట్లు తేలడంతో ప్రత్యేక పోలీస్ బృందాలు అక్కడికి వెళ్లి గాలింపు చేపట్టారు. దీంతో భాయ్ ప్రెండ్, చందన పట్టుబడినట్లు ప్రచారం జరుగుతోంది. 

Korutla

దీప్తి మృతదేహంపై గాయాలను కుటుంబసభ్యులు గుర్తించినట్లు సమాచారం. దీంతో హత్యకు ముందు ఆమెపై ఏదయినా అఘాయిత్యం జరిగిందా అన్న అనుమానాలు కలుగుతున్నాయి. అక్కను తాను చంపలేదని... ఇంట్లోంచి వెళ్లిపోయే సమయంలో ఆమె మద్యంమత్తులో పడిపోయి వుందని చందన చెబుతోంది. దీంతో చెల్లి వెళ్లిపోయాక ఇంకెవరైనా ఆ ఇంటికి వచ్చారా అన్న అనుమానాలు కూడా కలుగుతున్నాయి. 

Korutla

 అక్క దీప్తిని తానేమీ చేయలేదంటూ తమ్ముడికి చందన వాయిస్ మెసేజ్ పంపింది. అలాగే ఇంట్లోని రూ.2 లక్షల నగదు, 50 తులాల బంగారం మాయమయ్యాయి. డబ్బులు తీసుకెళ్లినట్లు ఒప్పుకున్న చందన బంగారం గురించి ప్రస్తావించలేదు. కాబట్టి బంగారం కోసం మరెవరైనా దీప్తిని హతమార్చారా అన్న అనుమానాలు కలుగుతున్నాయి. 

Korutla

ఇదిలావుంటే కోరుట్ల బస్టాండ్ లోని సిసి ఫుటేజీలో వున్నది చందన, ఆమె భాయ్ ప్రెండ్ కాదని పోలీసులు నిర్దారించారు. చందన తన క్లాస్ మేట్ తో కలిసి కారులో వెళ్లిపోయినట్లు పోలీసులు గుర్తించారు. నగదుతో పాటు నగలు కూడా చందన తీసుకెళ్లిందా లేక ఇంకెవరైన నగలు తీసుకెళ్లారా అన్నది తెలియాల్సి వుంది.