Holidays: తెలంగాణలో కొత్త విద్యా సంవత్సరం ప్రారంభమైన కొద్ది రోజులకే విద్యార్థులకు ఓ శుభవార్త అందింది. స్కూళ్లు ప్రారంభమైన వారం రోజులకే వరుసగా మూడు రోజుల విరామం లభించే అవకాశం లభించింది. ఇది విద్యార్థులతో పాటు ఉద్యోగులకు కూడా కలిసొస్తుంది.
తెలంగాణలో పాఠశాలలు అధికారికంగా జూన్ 15 నుంచి ప్రారంభమయ్యాయి. అయితే అదే రోజు అమావాస్య కావడంతో చాలామంది తల్లిదండ్రులు పిల్లలను స్కూళ్లకు పంపలేదు. ఆ తర్వాత జూన్ 16న మంగళవారం కావడం, కొన్ని ప్రాంతాల్లో ఉన్న సెంటిమెంట్ కారణంగా కూడా హాజరు శాతం తక్కువగానే నమోదైంది. దీంతో చాలా చోట్ల జూన్ 17 నుంచే విద్యార్థులు పూర్తిస్థాయిలో తరగతులకు హాజరవుతున్నారు.
25
మొహరం సెలవుతో మూడు రోజుల విరామం
ఈ నెల 26వ తేదీన మొహరం పండుగ సందర్భంగా ప్రభుత్వ సెలవు ఉంది. ఈసారి ఆ సెలవు శుక్రవారం రావడం విశేషం. దాని తర్వాతి రోజు శనివారం, ఆ వెంటనే ఆదివారం రావడంతో చాలా మంది విద్యార్థులకు వరుసగా మూడు రోజుల సెలవులు లభించే అవకాశం ఉంది. ముఖ్యంగా శనివారాల్లో తరగతులు నిర్వహించని పాఠశాలలు, విద్యాసంస్థల్లో చదివే విద్యార్థులు ఈ లాంగ్ వీకెండ్ను ఆస్వాదించనున్నారు.
35
ఉద్యోగులకు కూడా కలిసొచ్చే అవకాశం
విద్యార్థులతో పాటు ప్రభుత్వ ఉద్యోగులు, బ్యాంకు సిబ్బంది, కొన్ని ప్రైవేట్ సంస్థల్లో పనిచేసే వారికి కూడా ఈ సెలవులు ఉపయోగపడే అవకాశం ఉంది. శుక్రవారం మొహరం సెలవు, తర్వాత వారాంతం కలిసి రావడంతో కుటుంబ సభ్యులతో సమయం గడిపేందుకు లేదా చిన్న ప్రయాణాలు ప్లాన్ చేసుకునేందుకు అనుకూలంగా మారనుంది.
వేసవి సెలవులు ముగిసి కొత్త విద్యా సంవత్సరం ప్రారంభమైన తర్వాత వచ్చే తొలి లాంగ్ వీకెండ్ ఇదే కావడం విశేషం. దీంతో చాలామంది కుటుంబాలు సమీప పర్యాటక ప్రాంతాలకు వెళ్లే అవకాశం ఉంది. మరికొందరు బంధువులను కలవడం లేదా ఇంట్లోనే విశ్రాంతి తీసుకోవాలని భావిస్తున్నారు. అయితే పాఠశాలలు, కళాశాలలు, కార్యాలయాల సెలవుల విషయంలో ఆయా సంస్థలు విడుదల చేసే అధికారిక ప్రకటనలను ఒకసారి పరిశీలించడం మంచిది.
55
విద్యార్థుల్లో ఆనందం.. తల్లిదండ్రులకు రిలీఫ్
కొత్త విద్యా సంవత్సరం ప్రారంభమైన వెంటనే వరుసగా మూడు రోజుల విరామం రావడం విద్యార్థులకు ఉత్సాహాన్నిస్తుండగా, తల్లిదండ్రులకు కూడా కొంత ఉపశమనం కలిగిస్తోంది. మొత్తానికి జూన్ 26 నుంచి ప్రారంభమయ్యే ఈ లాంగ్ వీకెండ్ చాలామందికి చిన్న సెలవుల పండుగలా మారే అవకాశముంది.
