హుజూరాబాద్ అసెంబ్లీ ఉప ఎన్నికల్లో పోటీ చేసే అభ్యర్ధి ఎంపిక విషయంలో కాంగ్రెస్ పార్టీ ఇంకా మీన మేషాలు లెక్కిస్తోంది. ఈ స్థానంలో ఆ పార్టీకి అభ్యర్ధి లేడు. అభ్యర్ధి కోసం ఆ పార్టీ అన్వేషిస్తోంది. ఈ నెల 10వ తేదీ తర్వాత అభ్యర్ధి ఎంపిక విషయమై ఆ పార్టీ నుండి స్పష్టత వచ్చే అవకాశం ఉంది.
హుజూరాబాద్ అసెంబ్లీ ఉప ఎన్నికల్లో పోటీ చేసే అభ్యర్ధి ఎంపికలో కాంగ్రెస్ పార్టీ ఇంకా మీనమేషాలు లెక్కపెడుతోంది. ఈ నెల 10వ తేదీ తర్వాత అభ్యర్ధి ఎంపిక విషయమై ఓ స్పష్టత వచ్చే అవకాశం ఉంది.
గత ఏడాది జరిగిన దుబ్బాక అసెంబ్లీ ఎన్నికల సమయంలో కూడ కాంగ్రెస్ పార్టీ చివరి నిమిషంలో అభ్యర్ధిని ప్రకటించింది. ఆ సమయంలో టీఆర్ఎస్‌లో ఉన్న చెరుకు ముత్యం రెడ్డి తనయుడు చెరుకు శ్రీనివాస్ రెడ్డి కాంగ్రెస్ పార్టీలో చేరాడు. శ్రీనివాస్ రెడ్డికే కాంగ్రెస్ పార్టీ టికెట్టును కేటాయించింది.
దుబ్బాక అసెంబ్లీ ఉప ఎన్నికల్లో టీఆర్ఎస్ టికెట్టును చెరుకు శ్రీనివాస్ రెడ్డి ఆశించాడు. అయితే అనారోగ్యంతో మరణించిన దుబ్బాక రామలింగారెడ్డి సతీమణి సుజాతకే టీఆర్ఎస్ సీటిచ్చింది
దీంతో చెరుకు శ్రీనివాస్ రెడ్డి టీఆర్ఎస్ ను వీడి కాంగ్రెస్ పార్టీలో చేరారు. ఈ ఎన్నికల్లో బీజేపీ అభ్యర్ధి రఘునందన్ రావు విజయం సాధించారు. కాంగ్రెస్ పార్టీ మూడో స్థానానికే పరిమితమైంది.
హుజూరాబాద్ అసెంబ్లీ స్థానంలో కాంగ్రెస్ పార్టీ అభ్యర్ధి కోసం ఇంకా అన్వేషిస్తోంది. ఈ స్థానం నుండి 2018 ఎన్నికల్లో పోటీ చేసిన కౌశిక్ రెడ్డి కాంగ్రెస్ పార్టీని వీడి టీఆర్ఎస్ లో చేరారు. దీంతో మరో అభ్యర్ధి కోసం కాంగ్రెస్ అన్వేషణ ప్రారంభించింది.
మాజీ ఎంపీ పొన్నం ప్రభాకర్ పోటీకి ఆసక్తి చూపడం లేదు. దీంతో కృష్ణారెడ్డి, మాజీ మంత్రి కొండా సురేఖ తదితరుల పేర్లను కాంగ్రెస్ పార్టీ నాయకత్వం పరిశీలిస్తోంది.
కాంగ్రెస్ పార్టీ ముఖ్యుల సమావేశం రెండు రోజుల క్రితం హైద్రాబాద్ లో జరిగింది.ఈ సమావేశంలో అభ్యర్ధి ఎంపిక విషయమై
చర్చించారు.
అయితే ఉమ్మడి కరీంనగర్ జిల్లాకు చెందిన మాజీ మంత్రులు జీవన్ రెడ్డి, శ్రీధర్ బాబు, మాజీ ఎంపీ పొన్నం ప్రభాకర్ ల అభిప్రాయ సేకరణ తర్వాతే ఎఐసీసీకి నివేదికను పంపాలని కాంగ్రెస్ నేతలు సూచించారు
దీంతో మాజీ మంత్రి దామోదర రాజనర్సింహ, సీఎల్పీ నేత మల్లు భట్టి విక్రమార్కలకు నేతల అభిప్రాయాలను తీసుకొనే బాధ్యతను అప్పగించారు.మరో వైపు ఈ స్థానం నుండి పోటీ చేసేందుకు ఆసక్తిగా ఉన్న నేతల నుండి కాంగ్రెస్ పార్టీ ధరఖాస్తులను ఆహ్వానిస్తోంది.
దుబ్బాక అసెంబ్లీ స్థానానికి జరిగే ఉప ఎన్నికల్లో కూడ ఆఖరి నిమిషంలో కాంగ్రెస్ అభ్యర్ధిని బరిలోకి దింపింది.హుజూరాబాద్ స్థానంలో కూడ కాంగ్రెస్ పార్టీ అభ్యర్ధిని చివరి నిమిషంలోనే బరిలోకి దింపే అవకాశం ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి