పురాతన నగరం హైదరాబాద్ లో చారిత్రక అందాలకు ప్రసిద్ది. చార్మినార్ నుండి సాలార్ జంగ్ మ్యూజియం వరకు నగరవాసులు ఒక్కరోజులో చుట్టివచ్చే టాప్ 5 ప్రదేశాలివే.
చారిత్రాత్మక నగరం హైదరాబాద్‌లో సందర్శనీయ గొప్ప ప్రదేశాలు అనేకం ఉన్నాయి. ఆనాటి రాజులు పాలనా వైభవానికి నిదర్శనంగా నిలిచిన గోల్కొండ కోటే కాదు రాజవంశీకుల సమాధులు కూడా పర్యాటక ప్రదేశాలే. రామోజీ ఫిల్మ్ సిటీ, సాలార్ జంగ్ మ్యూజియం, బిర్లా టెంపులు, ట్యాంక్ బండ్... ఇలా అనేక పర్యాటక ప్రదేశాలకు హైదరాబాద్ నిలయం.
మక్కా మసీదు భారతదేశంలోని పురాతన, అతిపెద్ద మసీదులలో ఒకటి. దాని పక్కనే నిలువెత్తుగా నిలిచిన చార్మినార్, దానిచుట్టూ వెలిసిన చిరు వ్యాపారాలు అన్నీ చూడదగ్గవే. ఇలా హైదరాబాద్ లోని చరిత్ర, సంస్కృతిని తెెలియజేసే అనేక ప్రదేశాలున్నారు. ఇలా సెలవురోజు లేదంటే ఆదివారం ఇలావెళ్లి అలా తిరిగిరావచ్చు.
13వ శతాబ్దం నాటి రాజులు గోల్కొండ కోటను కట్టించారు. అందులో ఆకట్టుకునే శబ్ధ వ్యవస్థ, డ్రైనేజ్ సిస్టమ్, నీటి సరఫరా వ్యవస్థ ఎంతో ఆకట్టుకుంటాయి. అంతెత్తు గోడలతో ఒకప్పటి హైదరాబాద్ వైభవానికి నిలువుటద్దంలా నిలిచింది ఈ ప్రాచీన కోట.
హైదరాబాద్ ను పాలించిన కుతుబ్ షాహీల సమాధులు కూడా సందర్శనీయ ప్రదేశాలే. గోల్కొండ కోట సమీపంలో ఉన్న ఈ సమాధులు పర్షియన్ నిర్మాణ శైలిలో వున్నాయి. ఇక్కడ ప్రశాంత వాతావరణం పర్యాటకులను ఎంతగానో ఆకట్టకుంటుంది.
భారతదేశంలోని అన్ని సినీ పరిశ్రమలు హైదరాబాద్ లోని రామోజీ ఫిల్మ్ సిటీవైపు చూస్తాయి. ఇది ప్రపంచంలోనే అతిపెద్ద ఫిల్మ్ సిటీ. ఇందులో సినిమాల నిర్మాణంకోసం వేసిన సెట్‌లు ఎంతగానో ఆకట్టుకుంటాయి. గ్రీనరీ కూడా అద్భుతంగా వుంటుంది. సినిమాలను ఇష్టపడేవారికి రామెజీ ఫిల్మ్ సిటీ ఎంతగానో నచ్చుతుంది. .
భారతదేశంలోని అతిపెద్ద పురాతన వస్తువుల సేకరణలలో కేంద్రమే సాలార్ జంగ్ మ్యూజియం. వివిధ సంస్కృతులను తెలియజేసే శిల్పాలు, అనేక కళాకండాలు, పెయింటింగ్‌లతో సహా విభిన్న రకాల వస్తువులు ఇక్కడ భద్రపర్చి వున్నాయి. మూసీనది ఒడ్డున గల ఈ మ్యూజియం పర్యాటకులకు హైదరాబాద్ గత వైభవాన్ని తెలియజేస్తుంది.
భారతదేశంలోని అతిపెద్ద, పురాతన మసీదుల్లో మక్కా మసీదు ఒకటి. దాని ఆకట్టుకునే నిర్మాణ శైలి, చారిత్రాత్మక ప్రాముఖ్యతకు ప్రసిద్ధి చెందింది. మక్కా నుండి తీసుకువచ్చిన ప్రత్యేక రాళ్లతో ఈ మసీదును నిర్మించారు... అందువల్లే దీనికి మక్కా మసీదుగా పిలుస్తారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి