కొత్త ఫోన్ కొనేందుకు ప్లాన్ చేస్తున్నారా... మీ బడ్జెట్ 20వేలలోపు అయితే ఈ స్మార్ట్ ఫోన్స్ పై ఓ లుక్కేయండి. మంచి ఫీచర్స్, గొప్ప బ్యాటరీ లైఫ్ ఇంకా మల్టి టాస్కింగ్, అద్భుతమైన ఫోటోగ్రఫీ, స్ట్రీమింగ్ అనుభవాన్ని కూడా అందిస్తాయి. మీరు రూ. 20,000లోపు కొనగల 5 బెస్ట్ స్మార్ట్‌ఫోన్‌లు ఇదిగో...
రియల్‌మీ నార్జో 70 ప్రో:
రియల్‌మీ నార్జో 70 ప్రో మిడ్-రేంజ్ స్మార్ట్‌ఫోన్ సెగ్మెంట్‌లో మంచి పోటీ ఉన్న ఫోన్. సూపర్ పర్ఫార్మెన్స్, గొప్ప బ్యాటరీ లైఫ్, క్లియర్ డిస్ ప్లేని అందిస్తుంది. ఇందులో 50-మెగాపిక్సెల్ సోనీ IMX890 నైట్ విజన్ కెమెరా ఉంది. ఈ సెన్సార్ దాని విభాగంలో అతిపెద్దది.
6.67-అంగుళాల AMOLED డిస్ ప్లే, 120Hz రిఫ్రెష్ రేట్‌, షార్ప్ & స్మూత్ వ్యూ అనుభవం కోసం 2,412x1,080 పిక్సెల్‌ల ఫుల్ HD+ రిజల్యూషన్‌ అందిస్తుంది. నార్జో 70 ప్రో మల్టి టాస్క్‌, అప్లికేషన్‌లకు అనువైన పోటీ పర్ఫార్మెన్స్ అందిస్తుంది. ఇంకా 67W ఫాస్ట్ ఛార్జింగ్ సపోర్ట్, 5,000mAh బ్యాటరీతో వస్తుంది. కేవలం 11 నిమిషాల్లో 50 శాతం ఛార్జ్ అవుతుంది. నార్జో 70 ప్రో ప్రత్యేక ఫీచర్స్ లో ఒకటి దాని ఎయిర్ గెస్చర్ కెపాసిటీ.
పోకో X6:
పోకో X6 Snapdragon 7s Gen 2 మొబైల్ గొప్ప పర్ఫార్మెన్స్ అందిస్తుంది. 2.4GHz క్లాక్ స్పీడ్‌తో 4nm ప్రాసెస్‌లో నిర్మించబడింది. 16GB RAM, LPDDR4X+UFS 2.2 స్టోరేజ్‌తో వస్తుంది. డాల్బీ విజన్‌తో స్క్రీన్ 68 బిలియన్ కంటే ఎక్కువ కలర్స్ కు సపోర్ట్ చేస్తుంది.
1800 నిట్స్ పీక్ బ్రైట్ నెస్, 94% స్క్రీన్-టు-బాడీ రేషియో, కార్నింగ్ గొరిల్లా గ్లాస్ విక్టస్ ప్రొటెక్షన్ అందిస్తుంది. డిస్ప్లే 1920Hz PWM డిమ్మింగ్, 2160Hz ఇన్‌స్టంట్ టచ్ శాంప్లింగ్ రేట్‌ కూడా ఉంది. POCO X6 5Gలో 64-మెగాపిక్సెల్ OIS ట్రిపుల్ రియర్ కెమెరా సెటప్ ఉంది. 2x ఇన్-సెన్సర్ జూమ్, 4K వీడియో రికార్డింగ్‌కు సపోర్ట్ చేస్తుంది.
దీనిని 67W ఫాస్ట్ ఛార్జింగ్‌కు సపోర్ట్ ఇచ్చేలా తయారుచేయబడింది. 5,100mAh బ్యాటరీ, డస్ట్ & స్ప్లాష్‌ కోసం IP54 ప్రొటెక్షన్, 3.5mm హెడ్‌ఫోన్ జాక్, డాల్బీ అట్మాస్‌తో కూడిన డ్యూయల్ స్టీరియో స్పీకర్లు, మెరుగైన హాప్టిక్ ఫీడ్‌బ్యాక్ కోసం X-యాక్సిస్ లీనియర్ వైబ్రేషన్ మోటార్ ఉన్నాయి.
రెడ్ మీ నోట్ 13:
రెడ్ మీ నోట్ 13 అల్ట్రా-నారో బెజెల్స్‌తో 6.67-అంగుళాల ఫుల్ HD+ LED డిస్ప్లే, 120Hz రిఫ్రెష్ రేట్‌ ఉంది. కార్నింగ్ గొరిల్లా గ్లాస్ 5 ప్రొటెక్షన్, స్క్రీన్ స్పష్టమైన కలర్స్ , 1000 నిట్స్, పీక్ బ్రైట్ నెస్ అందిస్తుంది. Redmi Note 13 కొత్త MediaTek డైమెన్సిటీ 6080 ప్రాసెసర్‌తో రన్ అవుతుంది.
6nm ఆక్టా-కోర్ చిప్సెట్ ద్వారా శక్తిని పొందుతుంది. కెమెరా సెటప్‌లో 3X ఇన్-సెన్సార్ జూమ్‌తో 108-మెగాపిక్సెల్ మెయిన్ సెన్సార్, 8-మెగాపిక్సెల్ అల్ట్రా-వైడ్ సెన్సార్, 2-మెగాపిక్సెల్ మాక్రో కెమెరా ఉన్నాయి. టైప్-సి పోర్ట్ ద్వారా 33W ఫాస్ట్ ఛార్జింగ్‌కు సపోర్ట్ చేసే 5,000mAh బ్యాటరీ గొప్ప బ్యాకప్ ఇస్తుంది.
వన్ ప్లస్ నార్డ్ CE 3:
వన్ ప్లస్ నార్డ్ CE3 5G 120Hz రిఫ్రెష్ రేట్‌తో 6.7-అంగుళాల AMOLED డిస్ప్లే, స్క్రీన్ HDR10+, sRGBతో 10-బిట్ కలర్‌తో వస్తుంది. Qualcomm Snapdragon 782G, ఆండ్రాయిడ్ 13.1 ఆక్సిజన్‌ఓఎస్ 13పై రన్ అవుతుంది. Nord CE3 5G బ్యాటరీ పర్ఫార్మెన్స్ అద్భుతమైనది. ఒక్కసారి ఛార్జ్ చేస్తే రోజంతా ఉంటుంది.
Nord CE3 5Gsలో సోనీ IMX890 సెన్సార్, ఆప్టికల్ ఇమేజ్ స్టెబిలైజేషన్ (OIS)తో కూడిన 50-మెగాపిక్సెల్ ప్రైమరీ కెమెరా, 112-డిగ్రీ ఫీల్డ్ ఆఫ్ వ్యూతో 8-మెగాపిక్సెల్ అల్ట్రావైడ్ కెమెరా, 2-మెగాపిక్సెల్ మాక్రో లెన్స్ ఉన్నాయి. 16-మెగాపిక్సెల్ ఫ్రంట్ కెమెరా సెల్ఫీలకు సరైనది. కెమెరా ఫీచర్లలో అల్ట్రా స్టెడీ మోడ్, డ్యూయల్-వ్యూ వీడియో, HDR, నైట్‌స్కేప్, వివిధ పోర్ట్రెయిట్ మోడ్‌లు ఉన్నాయి.
iQoo Z9:
iQoo Z9 దాని ధరల విభాగంలో టాప్ పెర్ఫార్మర్‌, MediaTek డైమెన్సిటీ 7200 చిప్సెట్, ఈ చిప్సెట్ 2.8GHz క్లాక్ స్పీడ్‌తో అద్భుతమైన పర్ఫార్మెన్న్ ఇస్తుంది. పవర్ ఫుల్ విజువల్స్ కోసం HDR ప్లేబ్యాక్ సపోర్ట్‌తో 16.9cm (6.67-అంగుళాల) 120Hz ఫుల్ HD+ AMOLED డిస్ప్లే ఉంది. iQoo Z9 5G 1,800 నిట్స్ పీక్ బ్రైట్‌నెస్, DT స్టార్2-ప్లస్ గ్లాస్ ప్రొటెక్షన్‌తో ప్రీమియం వ్యూ అనుభవాన్ని ఇస్తుంది. 50-మెగాపిక్సెల్ Sony IMX882 OIS కెమెరాతో iQoo Z9 5G ఆకట్టుకునే ఫోటోగ్రఫీ, సూపర్ నైట్ మోడ్, 2x పోర్ట్రెయిట్ జూమ్ వంటి ఫీచర్లు కెమెరా సెటప్ పెంచుతాయి. 44W ఫ్లాష్‌ఛార్జ్ టెక్నాలజీతో కూడిన 5,000mAh బ్యాటరీ సూపర్ రీఛార్జ్ అందిస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి