Post Deliver Via Drone:మొదటిసారి డ్రోన్ ద్వారా మెయిల్ డెలివరీ.. గుజరాత్‌లో పైలట్ ప్రాజెక్ట్ కింద ట్రయల్..

మొదటి సారి పైలట్ ప్రాజెక్ట్ కింద గుజరాత్‌లోని కచ్ జిల్లాలో డ్రోన్‌ల సహాయంతో ఇండియన్ పోస్టల్ డిపార్ట్‌మెంట్ మెయిల్ డెలివరీ చేసింది. ఈ డ్రోన్ 25 నిమిషాల్లో 46 కిలోమీటర్ల దూరాన్ని చేరుకుందని చెబుతున్నారు. 

ఒక నివేదిక ప్రకారం, కేంద్ర కమ్యూనికేషన్స్ మంత్రిత్వ శాఖ మార్గదర్శకత్వంలో కచ్ జిల్లా భుజ్ తాలూకాలోని హబే గ్రామం నుండి భచౌ తాలూకాలోని నెర్ గ్రామానికి మెయిల్ డెలివరీ చేయబడింది. ఈ పైలట్ ప్రాజెక్ట్ విజయవంతం కావడంతో భవిష్యత్తులో డ్రోన్ల ద్వారా మెయిల్ డెలివరీ చేయడం సాధ్యమవుతుంది.

ఆధునిక సాంకేతిక పరిజ్ఞానానికి అనుగుణంగా, దేశంలోనే తొలిసారిగా డ్రోన్ల సాయంతో గుజరాత్‌లోని కచ్‌లో మెయిల్ డెలివరీని ప్రయోగాత్మకంగా  భారత పోస్టల్ శాఖ నిర్వహించిందని ఒక నివేదిక తెలిపింది. సమాచారం ప్రకారం, డ్రోన్ ప్రారంభమైన స్థానం నుండి 46 కిమీ దూరంలో ఉన్న గమ్యస్థానానికి పార్శిల్‌ను అందించడానికి 25 నిమిషాలు పట్టింది.

కేంద్ర కమ్యూనికేషన్స్ శాఖ  మంత్రి దేవుసిన్ చౌహాన్ ట్విట్టర్‌  సమాచారం ప్రకారం, పార్శిల్‌లో వైద్య సంబంధిత పరికరాలు ఉన్నాయి. పైలట్ ప్రాజెక్ట్ ప్రత్యేకంగా డ్రోన్ ద్వారా మెయిల్‌ను ఒక ప్రదేశం నుండి మరొక ప్రదేశానికి రవాణా చేయడానికి అయ్యే ఖర్చును అధ్యయనం చేసింది. దీనితో పాటు, మెయిల్ డెలివరీ చేసే పనిలో నిమగ్నమైన ఉద్యోగుల మధ్య సమన్వయం కూడా ఈ కాలంలో పరీక్షించబడింది.

ప్రకటన ప్రకారం, ఈ ప్రయోగం వాణిజ్యపరంగా విజయవంతమైతే, పోస్టల్ పార్శిల్ సర్వీస్ వేగంగా పని చేస్తుంది. ఇండియా డ్రోన్ ఫెస్టివల్ 2022ని జరుపుకుంటున్న సమయంలో పోస్టల్ శాఖ గుజరాత్‌లోని కచ్‌లో డ్రోన్ డెలివరీని విజయవంతంగా ప్రయోగాత్మకంగా నిర్వహించిందని దేవుసిన్ చౌహాన్  ట్వీట్ చేశారు. డ్రోన్ 30 నిమిషాల్లో 46 కిలోమీటర్ల వైమానిక దూరాన్ని విజయవంతంగా కవర్ చేసింది.

దేశంలోనే అతిపెద్ద డ్రోన్ ఫెస్టివల్ "భారత్ డ్రోన్ మహోత్సవ్ 2022"ను ప్రధాని నరేంద్ర మోడీ శుక్రవారం ప్రారంభించారు. ఇక్కడ వ్యవసాయం, క్రీడలు, రక్షణ అండ్ విపత్తు నిర్వహణ వంటి రంగాలలో డ్రోన్‌ల వినియోగం పెరుగుతుందని అన్నారు.