దీపావళిని దీపాల పండుగ అని ఎందుకు పిలుస్తారో తెలుసా?

Diwali 2023: దీపావళి పండుగను హిందువులు, జైనులు, సిక్కులు, కొంతమంది బౌద్ధులు జరుపుకునే ప్రధాన పండుగల్లో ఒకటి.  దీన్ని ప్రతి ఏడాది హిందూ చాంద్రమాన మాసం కార్తీక మాసంలో జరుపుకుంటారు. ఈ పండుగ సాధారణంగా అక్టోబర్ లేదా నవంబర్ లో వస్తుంది. ఈ పండుగను చీకటిపై వెలుగు లేదా చెడుపై మంచి, అజ్ఞానంపై జ్ఞానం సాధించిన విజయానికి ప్రతీకగా ఐదు రోజుల పాటు సెలబ్రేట్ చేసుకుంటారు. "దీపావళి" అనే పేరు వలీ నుంచి వచ్చింది. అంటే వరుస అని అర్థం. దీప అంటే మట్టి దీపాలు అని అర్థం. చీకటి నుంచి రక్షించే అంతర్గత కాంతికి చిహ్నంగా భారతీయులు తమ ఇళ్లలో వెలిగించే మట్టి దీపాలను ఇది సూచిస్తుంది.

దీపావళి పర్వదినాన్ని పురస్కరించుకుని దేవాళయాలను, ఇండ్లను, వ్యాపార సంస్థలను దీపాలతో అలంకరిస్తారు. చీకటి నుంచి మనల్ని రక్షించే అంతర్గత కాంతిని సూచించడానికి నూనెతో నిండిన చిన్న మట్టి దీపాలను వెలిగిస్తారు. ఈ దీపాలు ఈ పండుగ రాత్రంతా వెలుగుతూనే ఉంటాయి. అలాగే రావణుడి నుంచి సీతను రక్షించిన తర్వాత  శ్రీరాముడి, సీత తిరిగి ఇంటికి చేరుకోవడానికి ఈ దీపాలు సహాయపడ్డాయని నమ్ముతారు. 

దీపావళి నాడు  శ్రీకృష్ణుడు నరకాసురుడు అనే రాక్షసుడిని సంహరించాడని కూడా చెప్తారు. దీంతో జనాలు దీపాలు వెలిగించడం, బాణసంచా కాల్చడం ద్వారా చెడుపై మంచి సాధించిన ఈ విజయాన్ని జరుపుకుంటారని కూడా చెప్తారు. 

Dipawali 2023 dates

దీపావళి నాడు రాత్రి కాగానే జనాలు ఇంట్లో, దేవాలయాల్లో మట్టి దీపాలు, కొవ్వొత్తులు, విద్యుత్ దీపాలను వెలిగిస్తారు. అలాగే టపాసులను కూడా కాల్చుతారు. ఈ దృశ్యాన్ని చూడటానికి రెండు కళ్లూ చాలవు.  శ్రీరాముడు వనవాసం నుంచి తిరిగి అయోధ్యకు రావడానికి ఈ దీపాలు స్వాగతిస్తాయని కూడా నమ్ముతారు. వేలాది నూనె దీపాలు, విద్యుత్ దీపాలు చీకటి, అజ్ఞానంపై కాంతి,  జ్ఞానం విజయాన్ని సూచిస్తాయని చెబుతారు.

అందుకే దీపావళిని దీపాల పండుగ అని కూడా అంటారు. ఎందుకంటే ఈ పండుగకు  ఖచ్చితంగా దీపాలను వెలిగిస్తాం. ఈ పండుగలో ఇది చాలా ముఖ్యమైన ఆచారం. చీకటిలో ఉన్న మానవాళిని జ్ఞానం, శాంతి, శ్రేయస్సు వైపు నడిపించే అంతర్గత కాంతికి దీపాలు ప్రతీక. దీపావళి పండుగను 5 రోజుల పాటు జరుపుకుంటారు. ఐదు రోజుల్లో ప్రతి రోజూ ఎంతో ప్రాముఖ్యత ఉంది. 

diwali date 2023

ధనత్రయోదశి మొదటి రోజు నుంచి సంపద దేవత అయిన లక్ష్మీదేవిని  నిష్టగా పూజిస్తారు. ఇక ఈ రోజు నుంచే వ్యాపారాలు సంవత్సరానికి కొత్త అకౌంటింగ్ పుస్తకాలను ప్రారంభిస్తాయి. రెండో0 రోజు నరక చతుర్దశి. ఈ రోజు రాత్రంతా మేల్కొని ధార్మిక గీతాలను ఆలపిస్తారు. మూడూ రోజు ప్రధాన రోజు దీపావళి. ఈ రోజున జనాలు కొత్త సాంప్రదాయ దుస్తులను ధరిస్తారు. సాయంత్రం వేళల్లో ఇళ్లు, దేవాలయాలు, కార్యాలయాల్లో దీపాలు వెలిగిస్తారు. రాత్రిళ్లు క్రాకర్స్ కాలుస్తారు. అలాగే స్వీట్లు, బహుమతులను ఇచ్చిపుచ్చుకుంటారు. 

diwali 2023 date 06

నాల్గో రోజు గోవర్ధన పూజ.  ఈ రోజు శ్రీకృష్ణుడికి నైవేద్యాలు సమర్పిస్తారు. కృష్ణుడు ఇంద్రుడు అనే రాక్షసుడిని ఓడించిన రోజును సూచిస్తుంది. ఐదవ రోజు భాయ్ దూజ్. ఈ రోజు సోదరీమణులు తమ సోదరుల దీర్ఘాయువు,శ్రేయస్సు కోసం ప్రార్థిస్తారు.