Relationship:భార్యభర్తల మధ్య గొడవలు రావద్దంటే ఏం చేయాలి?

ఒకరిని మరొకరు సరిగా అర్థం చేసుకోకపోవడం వల్లే.. దంపతుల మధ్య సమస్యలు రావడానికి కారణం కావచ్చు.  అసలు.. భార్యభర్తల మధ్య సమస్యలు రాకుండా ఉండాలంటే ఏం చేయాలి అనే విషయం  ఇప్పుడు తెలుసుకుందాం...  

couple fight

దాంపత్య జీవితం బాగుండాలని ప్రతి ఒక్కరూ కోరుకుంటారు. కానీ.. భార్యభర్తల మధ్య తరచుగా గొడవలు జరుగుతూనే ఉంటాయి. పెద్దలు కుదర్చిన వివాహంలో ఒకరి గురించి మరొకరికి తెలియకపోవడం వల్ల గొడవలు వస్తుంటాయి అని అనుకుంటారు. కానీ, ఒకరినొకరు సంవత్సరాలుగా ప్రేమించుకొని పెళ్లి చేసుకున్న వారి మధ్య కూడా గొడవలు జరగడం చాలా సాధారణం అయిపోయింది. ఒకరిని మరొకరు సరిగా అర్థం చేసుకోకపోవడం వల్లే.. దంపతుల మధ్య సమస్యలు రావడానికి కారణం కావచ్చు.  అసలు.. భార్యభర్తల మధ్య సమస్యలు రాకుండా ఉండాలంటే ఏం చేయాలి అనే విషయం  ఇప్పుడు తెలుసుకుందాం...

మాట్లాడుకోవాలి...
ఏ బంధం అయినా సరిగ్గా ఉండాలి అంటే వారి మధ్య కమ్యూనికేషన్ గ్యాప్ రాకుండా చూసుకోవాలి.  ఒకరితో మరొకరు బహిరంగంగా, నిజాయితీగా మాట్లాడుకోవాలి. మీ ఆలోచనలు, భావాలు, ఆందోళనలను వారితో మీరు పంచుకోవాలి. మీ భాగస్వామి మీతో చెప్పినా కూడా మీరు ఓపికగా వినాలి. ఇలా చేయడం వల్ల ఒకరిని మరొకరు అర్థం చేసుకునే అవకాశం ఉంటుంది. అపార్థాలు తొలగిపోతాయి. మాట్లాడే సమయంలో వాడే పదాలు కూడా చాలా జాగ్రత్తగా వాడాలి.

చిన్న చిన్న ప్రశంసలు..

ప్రతి వ్యక్తి  తమ పార్ట్ నర్ నుంచి  ప్రశంసలు , గౌరవం పొందాలని కోరుకుంటారు. మీ భర్త లేదా భార్య మీ కోసం చేసే పనులకు, అది చిన్నదైనా లేదా పెద్దదైనా మీ కృతజ్ఞతను వ్యక్తపరచడానికి సమయం కేటాయించండి. ధన్యవాదాలు చెప్పడం, అభినందించడం లేదా ఆప్యాయత చూపించడం వంటివి బంధంలో చాలా అవసరం.

కలిసి సమయం గడపండి:

నేటి  ప్రపంచంలో, పని, కుటుంబ బాధ్యతలు,  ఇతర పనులలో చిక్కుకోవడం సులభం. మీ భాగస్వామితో క్రమం తప్పకుండా గడపడానికి నాణ్యమైన సమయాన్ని కేటాయించాలని నిర్ధారించుకోండి. డేట్ నైట్‌లో డిన్నర్‌కి వెళ్లడం, కలిసి నడవడం లేదా ఇంట్లో కూర్చుని మాట్లాడుకోవడం వంటివి అయినా, కలిసి సమయం గడపడం మీ బంధాన్ని బలోపేతం చేస్తుంది. మిమ్మల్ని సంతోషంగా ఉంచడంలో సహాయపడుతుంది.

మద్దతుగా ఉండండి:

మంచి సమయాల్లో , చెడు సమయాల్లో మీ భాగస్వామికి మద్దతు ఇవ్వడం బలమైన బంధాన్ని కొనసాగించడానికి కీలకం. బర్త్ డే లాంటివి సెలబ్రేట్ చేసుకోండి. కష్టాల్లో ఉన్నప్పుడు ఒకరికి మరొకరు తోడుగా ఉండాలి.

తేడాలను గౌరవించండి:

ఇద్దరు వ్యక్తులు ఒకేలా ఉండరు, ఒకరి తేడాలను ఒకరు గౌరవించడం, అంగీకరించడం , అభినందించడం ముఖ్యం. మీ భాగస్వామిలోని ప్రత్యేకమైన విషయాలను గుర్తించి అభినందించాలి. వారు ఎలా ఉన్నా... మీరు ప్రేమను పంచడం అలవాటు చేసుకోవాలి.