Richest Village : ఆసియాలోనే అత్యంత ధనిక గ్రామం ఇండియాదే... ఎంత డబ్బుందో తెలుసా?
ఆసియాలోనే అత్యంత ధనిక గ్రామం మన భారతదేశంలోనే ఉంది. ఆ గ్రామంలో ఎంత డబ్బుందో తెలిస్తే ఆశ్చర్యపోతారు.
☰
Madhapar
Richest Village in India : గ్రామం అనగానే మనకు ముందుగా గుర్తువచ్చేది వ్యవసాయం... పంటలు పండించి అహారం అందించడమే అక్కడి రైతులకు తెలుసు. అయితే వ్యవసాయంలో ఎప్పుడూ నష్టపోవడమే తప్ప లాభాలు కళ్లచూసే రైతులు చాలా అరుదు. అందుకే ఇప్పటికీ చాలా గ్రామాల్లో పూరిగుడిసెలు, చిరిగిన బట్టలతో నిరుపేద రైతులు కనిపిస్తారు. నెలకు కనీసం నాలుగైదువేల ఆదాయం కూడా లేని రైతులున్నారంటే ఆశ్చర్యంగా ఉంటుంది. ఇలాంటి భారతదేశంలో ఆసియాలోనే ధనిక గ్రామం ఉందంటే మీరు నమ్ముతారా? ఇలా రిచ్చెస్ట్ రైతులను కలిగిన విలేజ్ గురించి ఇక్కడ తెలుసుకుందాం.
Asias Richest Village
మధపర్ గ్రామంలో ఎన్నివేల కోట్లున్నాయో తెలుసా?
గుజరాత్ రాష్ట్రంలోని కచ్ జిల్లాలో ఉంది ఈ మధపర్ గ్రామం. ఒకప్పుడు ఇదికూడా దేశంలోని అన్ని గ్రామాల మాదిరిగానే ఉండేది. కానీ అక్కడి ప్రజలు తమ కష్టంతో తలరాతను మార్చుకున్నారు. తమ పిల్లలను బాగా చదివించి ప్రయోజకులను చేసారు... వారే ఇప్పుడు ఆ గ్రామాన్ని ప్రపంచ స్థాయిలో గుర్తింపు తీసుకువచ్చారు.
మధాపర్ గ్రామానికి చెందిన చాలామంది విదేశాల్లో స్థిరపడ్డారు. అక్కడ ఉద్యోగాలు, వ్యాపారాలు చేస్తూ మంచి స్థానంలో ఉన్నారు. ఏ దేశానికి వెళ్లినా తమ గ్రామాన్ని మాత్రం మరిచిపోలేదు... తల్లిదండ్రులు, కుటుంబసభ్యులకు డబ్బులు పంపించడమే కాదు గ్రామాభివృద్ధి తమవంతు సాయం చేస్తున్నారు. ఇలా ఎన్ఆర్ఐలు, గ్రామస్తులు కలిసికట్టుగా మధపర్ ను ఆదర్శ గ్రామంగా తీర్చిదిద్దారు.
ప్రస్తుతం మధపర్ గ్రామంలో ఆసియాలోనే ధనిక గ్రామంగా గుర్తింపుపొందింది. ఈ గ్రామంలో ఏకంగా రూ.70,00,000,000,00 ఫిక్సుడ్ డిపాజిట్లు ఉన్నాయి. ఇలా కేవలం భారతదేశంలోనే కాదు ఆసియాలోనే ధనిక గ్రామంగా నిలిచింది. ఓ గ్రామంలో ఇంత డబ్బు ఉందని తెలిసి యావత్ ప్రపంచమే ఆశ్చర్యపోతోంది.
Richest Village in India
ఈ చిన్న గ్రామంలో 17 బ్యాంకులు :
ఆసియాలోనే ధనిక గ్రామం... ఏకంగా రూ.70 వేల కోట్ల డిపాజిట్లు. ఇంత డబ్బున్న చోటికి బ్యాంకులు రాకుండా ఉంటాయా. కేవలం ఈ ఒక్క గ్రామంలో ఆర్థిక పరమైన సేవలు అందించేందుకు 17 బ్యాంకులు వెలిసాయి. ఇంచుమించు అన్ని ప్రభుత్వ, ప్రైవేట్ రంగ బ్యాంకులు ఇక్కడ ఉన్నాయని చెప్పవచ్చు.
కేవలం ఆర్థిక పరంగానే కాదు అభివృద్ధిలోనూ ఈ మధపర్ గ్రామం ముందుంది. గ్రామంలోని ప్రతి కుటుంబం పక్కా గృహాలను కలిగిఉన్నారు. ప్రతి ఇంటికి మంచినీటి సదుపాయం, కాలనీల్లో సిసి రోడ్లు ఉన్నాయి. ఇక విద్యార్థులు చదువుకునేందుకు ప్రభుత్వ, ప్రైవేట్ పాఠశాలలు కూడా ఉన్నాయి. లాభాపేక్ష లేకుండా ఓ ట్రస్ట్ ద్వారా నడిచే పాఠశాల కూడా ఈ గ్రామంలో ఉంది.
ఇలా అందమైన మధపర్ గ్రామం అత్యధిక డబ్బులు కలిగిన గ్రామంగా ప్రపంచస్థాయిలో గుర్తింపుపొందింది. దేశంలో ప్రతిగ్రామం ఇలాగే సుసంపన్నంగా ఉంటే భారతదేశం ప్రపంచానికే ఆదర్శనం నిలుస్తుంది... అత్యంత బలమైన ఆర్థిక శక్తిగా మారుతుంది.
Latest Videos
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
click me!