Brother Married Sister: చెల్లిని పెళ్లి చేసుకన్న అన్న.. అధికారుల సమక్షంలోనే.. ఫొటోలు వైరల్‌ కావడంతో..

ఓ యువకుడు తన సోదరిని పెళ్లి చేసుకున్నాడు. అయితే ఇది రహస్యంగా జరిగిందని అనుకుంటే పొరపాటే.. ఎందుకంటే ప్రభుత్వం జరిపిన సాముహిక వివాహాల్లో భాగంగా ఈ పెళ్లి జరిగింది. అయితే ఆ తర్వాత అసలు విషయం తెలిసిన అధికారులు షాక్ తిన్నారు. 

అసలేం జరిగిందంటే.. ఉత్తరప్రదేశ్‌లోని ఫిరోజాబాద్‌లోని తుండ్లాలో శనివారం ముఖ్యమంత్రి సామూహిక కళ్యాణోత్సవం నిర్వహించారు. ఇందులో 51 జంటలు వివాహం చేసుకున్నాయి. వీరందరికీ పెళ్లి ఖర్చులను ప్రభుత్వమే భరించింది. ఈ వేడుకలో వివాహ బంధంతో ఒక్కటైన జంటలకు గృహోపకరణాలు, దుస్తులు, ఇతర నిత్యావసరాలను అందించారు.

అయితే ఆ వివాహ వేడుకలో ఓ యువకుడు తన చెల్లిని (బాబాయ్ కూతురిని) వివాహం చేసుకున్నాడు. ముఖ్యమంత్రి సామూహిక వివాహ వేడుకకు సంబంధించిన కొన్ని ఫొటోలు, వీడియోలు గ్రామ పెద్దలు ఆశ్చర్యపోయారు. ఫొటోలు చూసిన గ్రామ పెద్దలు.. మొత్తం నాలుగు ఫోర్జరీ కేసులు ఉన్నట్టుగా గుర్తించారు. అందులో ఓ యువకుడు తన సోదరినే పెళ్లి చేసుకన్నట్టుగా గుర్తించారు.

దీంతో అధికారులు అప్రమత్తమయ్యారు. విచారణ జరపగా యువకుడు తన సోదరిని పెళ్లి చేసుకన్నట్టుగా తేలింది. ఉన్నతాధికారులు దృష్టికి కూడా ఈ విషయం చేరింది. విచారణ అనంతరం సాంఘిక సంక్షేమ శాఖ సహాయ అభివృద్ధి అధికారి చంద్రభన్ సింగ్ ఇందుకు సంబంధించి పోలీస్ స్టేషన్‌లో ఫిర్యాదు చేశారు. 

ఈ ఘటనతో అప్రమత్తమైన అధికారులు ఇతర జంటల వివరాలను కూడా క్షుణంగా పరిశీలిస్తున్నారు. మరోవైపు వివాహం కోసం జంటలను ధ్రువీకరించిన అధికారుల నుంచి వివరణ కోరినట్టుగా  బ్లాక్‌ డెవలప్‌మెంట్‌ అధికారి నరేష్‌కుమార్‌ తెలిపారు. అధికారుల నుంచి సంతృప్తికరమైన వివరణ రాకుంటే వారిపై చర్యలు తీసుకుంటామని తెలిపారు. 

ఇక, డబ్బుపై అత్యాశతోనే యువకుడి తండ్రి ఈ విధంగా చేశాడని అక్కడి వారు తెలిపారు. బాలికకు కూడా వస్తువులు ఇస్తామనే ఆశ చూపినట్టుగా ప్రాథమికంగా తెలుస్తోంది.