Killer Movie Review: కిల్లర్ మూవీ రివ్యూ.. సైఫై థ్రిల్లర్‌ మూవీ ఎలా ఉందంటే?
పూర్వాజ్ దర్శకత్వం వహిస్తూ, నిర్మిస్తూ, ప్రధాన పాత్రలో నటించిన చిత్రం `కిల్లర్`. సైఫై థ్రిల్లర్‌గా తెరకెక్కిన ఈ చిత్రం నేడు విడుదలైంది. మరి సినిమా ఎలా ఉంది? ఆకట్టుకుందా లేదా అనేది రివ్యూలో తెలుసుకుందాం.
విభిన్నమైన, ప్రయోగాత్మక చిత్రాలు తీసే దర్శకుడు పూర్వాజ్ ఇప్పుడు మరో ప్రయోగాత్మక చిత్రం `కిల్లర్`తో ఆడియెన్స్ ముందుకు వచ్చాడు. ఈ చిత్రంలో జ్యోతి పూర్వాజ్ హీరోయిన్‌గా నటించింది. ఇంకా చెప్పాలంటే తనే మెయిన్‌ లీడ్‌. పూర్వాజ్ సినిమాకి దర్శకత్వం వహించడంతోపాటు ప్రధాన పాత్రలో నటించి నిర్మించాడు. థింక్‌ సినిమా, ఏయూ అండ్ ఐ స్టూడియోస్‌ పతాకాలపై పూర్వాజ్, పద్మనాభరెడ్డి. ఏ నిర్మించారు. ఉర్వీశ్‌ పూర్వాజ్ సమర్పకులు. ఇందులో మనీష్ గిలాడ, చంద్రకాంత్ కొల్లు, అయినాబత్తిన దశరథ మాధవ్, విశాల్ రాజ్, అర్చన అనంత్, గౌతమ్ చక్రధర్ కొప్పిశెట్టి వంటి వారు ఇతర పాత్రలు పోషించారు. సినిమా చూసి సెకండాఫ్‌లోని ట్విస్ట్ ని ఇంటర్వెల్‌లో గెస్ చేసి చెబితే కోటీ రూపాయలు ఇస్తామని దర్శకుడు మొన్న ప్రకటించారు. దీంతో సినిమాపై అంచనాలు ఏర్పడ్డాయి. గురువారం రాత్రినే ఈ సినిమాని ప్రదర్శించారు. నేడు శుక్రవారం(అక్టోబర్ 30) విడుదలైన ఈ చిత్రం ఎలా ఉంది? ఆడియెన్స్ ని ఆకట్టుకుందా? దర్శకుడు సక్సెస్‌ అయ్యాడా? జ్యోతి పూర్వాజ్ మెప్పించిందా? అనేది రివ్యూలో తెలుసుకుందాం.