Potato Water: బంగాళాదుంపలు ఉడకబెట్టిన నీళ్లను ఇలా వాడితే వెండి వస్తువులు మెరిసిపోతాయ్

Potato Water: బంగాళదుంపల కూరకి అభిమానులు ఎక్కువ. వాటిని ఉడకబెట్టాక ఆ నీటిని పారబోసేయకండి. ఆ నీళ్లు చాలా పవర్‌ఫుల్. వాటితో మీ ఇంట్లోని వెండి వస్తువులకు కొత్త మెరుపు తీసుకురావచ్చు. ఎలా వాడాలో తెలుసుకోండి.

బంగాళాదుంపల నీటితో అద్భుతాలు

బంగాళదుంపల్ని ఉడకబెట్టాక ఆ నీరు పడేస్తున్నారా? వాటితో ఎన్ని ఉపయోగాలో తెలిస్తే ఈసారి అలా చేయరు. దుంపలు ఉడికాక ఆ నీటిని తీసి పక్కన పెట్టండి.  నల్లగా మారిన మీ వెండి నగలు, పాత్రలను ఈ నీటితో మెరిసేలా చేయవచ్చు.

ఈ నీళ్లు ఎలా పనిచేస్తాయి?

ఉడకబెట్టిన బంగాళదుంప నీటిలో స్టార్చ్ అధికంగా ఉంటుంది. ఈ నీటికి కొద్దిగా వైట్ వెనిగర్ కలిపితే, ఆ మిశ్రమం వెండి వస్తువులపై ఉన్న మురికిని, నలుపుదనాన్ని వదిలిస్తుంది. అందుకే చాలామంది వెండి నగలు, పాత్రలను శుభ్రం చేయడానికి ఈ చిట్కానే పాటిస్తారు.

ఏమేం కావాలి?

బంగాళదుంప ఉడకబెట్టిన నీటిలోనే ఎన్నో శక్తివంతమైన సమ్మేళనాలు ఉంటాయి. వెండి వస్తువులను తోమడం కోసం మార్కెట్లో దొరికే ఖరీదైన సిల్వర్ క్లీనర్లు కొనాల్సిన పనిలేదు. కేవలం బంగాళాదుంపలు ఉడికించిన నీళ్లు, ఒక టీస్పూన్ వైట్ వెనిగర్ కలుపుకుంటే చాలు. ఒక గిన్నెలో ఆలు ఉడికించిన నీటిని తీసుకోండి. దానికి ఒక చెంచా వెనిగర్ కలపండి. నల్లబడిన వెండి నగలు లేదా పాత్రలను ఈ నీటిలో నానబెట్టండి. అవి పూర్తిగా మునిగేలా చూసుకోండి. పావుగంట పాటూ అలా వదిలేయండి. తర్వాత వాటిని తీసి మెత్తటి వస్త్రంతో తుడవండి. కొద్ది నిమిషాల్లోనే తేడా గమనిస్తారు.