హాల్, బెడ్ రూం, బాత్ రూం అనే తేడా లేకుండా.. బల్లుల్లు అంతటా ఉంటాయి. ఈ బల్లులు చిరాకు తెప్పిస్తాయి. వీటిని బయటకు పంపడానికి ఎన్నో ప్రయత్నాలు చేసి విసిగిపోయిన వారు ఉన్నారు. కానీ మీరు ఒక చిన్న పనితో ఇంట్లో ఒక్క బల్లీ కూడా లేకుండా చేయొచ్చు. అదెలాగో ఇప్పుడు తెలసుకుందాం పదండి..
వర్షాకాలం రాగానే ఎక్కడ చూసినా నీరు, మురికి పేరుకుపోతాయి. దీనివల్ల అక్కడ పురుగులు, కీటకాలు పెరగడం స్టార్ట్ అవుతుంది. ఈ పురుగులు, కీటకాలను తింటూ ఇంట్లో బల్లులు స్వేచ్చగా తిరుగుతుంటాయి. ఈ బల్లులు ఇంటిని మురికిగా మార్చేస్తాయి. అలాగే ఆహారపదార్థాలపైకి కూడా వెళుతుంటాయి. అంతేకాదు ఒక్కోసారి ఇవి మనల్ని అనారోగ్యం బారిన కూడా పడేస్తాయి. మీకు తెలుసా? బల్లి మలం, లాలాజలంలో సాల్మొనెల్లా అనే బ్యాక్టీరియా ఉంటుంది. ఇది ఫుడ్ పాయిజనింగ్ కు కారణమవుతుందని ఆరోగ్య నిపుణులు చెబుతున్నారు. అలాగే వంటింట్లో ఉండే బల్లులు ఆహారంలో పడితే ఆహారం విషతుల్యంగా మారి ఆ వ్యక్తి మరణానికి కూడా కారణమవుతుంది. అందుకే ఇంట్లో ఒక్క బల్లి కూడా ఉండకూడదంటే ఏం చేయాలో ఇప్పుడు తెలుసుకుందాం పదండి.
పేపర్ స్ప్రే
బల్లులను ఇంట్లో నుంచి తరిమికొట్టడంలో పెప్పర్ స్ప్రే చాలా ఎఫెక్టీవ్ గా పనిచేస్తుంది. దీనిని ఉపయోగించి మీరు చాలా అంటే చాలా సులువుగా మీ ఇంట్లో ఒక్క బల్లి కూడా లేకుండా చేయొచ్చు. ఇందుకోసం నల్ల మిరియాల పొడిని నీళ్లలో కలపండి. ఈ వాటర్ ను స్ప్రే బాటిల్ లో నింపి బల్లులపై చల్లండి. ఈ పేపర్ స్ప్రే బల్లుల శరీరాన్ని చికాకు పెడుతుంది. దీంతో అది మీ ఇంట్లో నుంచి పారిపోతుంది.
నెమలి ఈకలు
బల్లులను ఇంట్లోకి రాకుండా చేసే ఈ చిట్కా మన అమ్మమ్మ కాలం నుంచి కొనసాగుతోంది తెలుసా? అవును మీరు నెమలి ఈకలను ఉపయోగించి కూడా ఇంట్లో బల్లులు లేకుండా చేయొచ్చు. ఇందుకోసం టేప్ సహాయంతో నెమలి ఈకలను గోడలకు అతికించండి. లేదా బల్లులు ఎక్కడైతే ఎక్కువగా ఉంటాయో.. అక్కడ నెమలి ఈకలను పెట్టండి.
వెల్లుల్లి
అవును మనం కూరలో ఉపయోగించే వెల్లుల్లితో కూడా ఇంట్లో ఒక్క బల్లి కూడా లేకుండా చేయొచ్చు.బల్లులను ఇంటి నుంచి తరిమికొట్టాలంటే వెల్లుల్లి మొగ్గలను పొట్టు తీసి బల్లులు ఉండే చోట పెట్టండి. వెల్లుల్లి వాసన బల్లులకు అస్సలు నచ్చదు. దీంతో కొద్ది సేపటికే మీ ఇంట్లో నుంచి బల్లుల్లు పారిపోతాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి