ముఖంపై నల్ల మచ్చలు, మొటిమలు పోవట్లేదా? అయితే ఓసారి ఈ టమాటా ఫేస్ ప్యాక్ ను ట్రై చేయండి

టమాటాలు విటమిన్ సి, ఇతర యాంటీ ఆక్సిడెంట్లకు గొప్ప మూలం. టమాటా ఫేస్ ప్యాక్  మన చర్మానికి ఎంతో మేలు చేస్తుంది. ఇది ముఖంపై మచ్చలు, మొటిమలను పోగొడుతుంది.   

టమాటాలు ఎన్నో ప్రయోజనాలున్న కూరగాయ. టమాటాల్లో విటమిన్ ఎ, విటమిన్ సి, విటమిన్ కె, విటమిన్ బి 6, ఫోలేట్, పొటాషియం, మాంగనీస్, మెగ్నీషియం, ఫాస్పరస్, రాగి, ఫైబర్, ప్రోటీన్, లైకోపీన్ పుష్కలంగా ఉంటాయి. దీనిలోని విటమిన్ సి, ఇతర యాంటీ ఆక్సిడెంట్ల మన ఆరోగ్యానికి ఎంతో ప్రయోజనకరంగా ఉంటాయి. టమాటాలు ఆరోగ్యానికే కాదు చర్మ ఆరోగ్యానికి మంచి మేలు చేస్తాయి. టమాటాలతో చేసిన ఫేస్ ప్యాక్ చర్మ సంరక్షణకు బాగా సహాయపడుతుంది. టమాటాతో తయారుచేసిన ఫేస్ ప్యాక్స్ ముఖంపై నల్లటి మచ్చలు, ముడతలు వంటి చర్మ సమస్యలను పోగొట్టి ముఖాన్ని కాంతివంతంగా చేయడానికి సహాయపడుతుంది. ఇందుకోసం ఏం చేయాలంటే?

1. రెండు టేబుల్ స్పూన్ ల టమాటా జ్యూస్ లో ఒక టీస్పూన్ తేనె ను వేసి కలపండి. ఈ మిశ్రమాన్ని ముఖానికి అప్లై చేసి 15 నిమిషాల తర్వాత కడిగేయండి. తర్వాత చల్లటి నీటితో కడిగేయండి. ఈ ప్యాక్ చర్మాన్ని మృదువుగా, తేమగా మార్చడానికి సహాయపడుతుంది.

2. ఒక టేబుల్ స్పూన్ టమాటా జ్యూస్ లో ఒక టేబుల్ స్పూన్ కీరదోసకాయ రసం, ఓట్ మీల్ వేసి బాగా కలపండి. తర్వాత ఈ మిశ్రమాన్ని ముఖానికి అప్లై చేసి మసాజ్ చేయండి. 10 నిమిషాల తర్వాత ముఖాన్ని నీట్ గా కడగండి. ఈ ప్యాక్ మొటిమల వల్ల అయ్యే మచ్చలను పోగొడుతుంది. 

tomato

3. టమాటా జ్యూస్ లో ఒక టీస్పూన్ పంచదారను వేసి కలపండి. ఆ తర్వాత ఈ మిశ్రమాన్ని ముఖానికి అప్లై చేసి కాసేపు రుద్దండి. 15-20 నిమిషాల తర్వాత కడిగేయండి. బయటకు వెళ్లినప్పుడు ఇలా చేయడం వల్ల ముఖంపై మొటిమలు తొలగిపోతాయి. ముఖం కాంతివంతంగా కనిపిస్తుంది. 

4.  కొద్దిగా పెరుగు తీసుకుని అందులో రెండు టేబుల్ స్పూన్ల టమాటా రసాన్ని వేసి  కలిపి ముఖానికి అప్లై చేయండి. దీనివల్ల ముఖంపై ఉన్న ఎరుపుదనం పోతుంది. అలాగే బ్లాక్ హెడ్స్ కూడా తొలగిపోతాయి. 

tomato face pack

5. రెండు టేబుల్ స్పూన్ల టమాటా జ్యూస్ లో రెండు టేబుల్ స్పూన్ల బొప్పాయి గుజ్జును వేసి కలపండి. ఈ మిశ్రమాన్ని ముఖానికి అప్లై చేసి 20 నిమిషాల తర్వాత కడిగేయండి. ఈ ప్యాక్ చర్మంపై ముడతలను తగ్గించడానికి సహాయపడుతుంది.

tomato

6. రెండు టేబుల్ స్పూన్ల టమాటా జ్యూస్ లో ఒక టేబుల్ స్పూన్ నిమ్మరసాన్ని వేసి బాగా కలపండి. ఈ మిశ్రమాన్ని ముఖానికి అప్లై చేయండి. 20 నిమిషాల తర్వాత నీట్ గా కడిగేయండి.