ఎండాకాలంలో చెమట ఎక్కువగా పట్టకూడదంటే..!

శరీర వేడి, పొడి, తేమ వాతావరణం, విపరీతమైన ఎండల వల్ల చెమట ఎక్కువగా పడుతుంది. కానీ దీనివల్ల శరీరం నుంచి బ్యాడ్ స్మెల్ కూడా వస్తుంది.   

summer sweat

సమ్మర్ సీజన్ లో రుచికరమైన ఐస్ క్రీం, కుల్ఫీ, చల్లని సమ్మర్ ఫ్రూట్స్ ను  బాగా తినొచ్చు. కానీ ఈ సీజన్ లో చెమట ఎక్కువగా పడుతుంది. చెమటతో చొక్కాలు తడిసిపోయే వారు కూడా ఉన్నారు. కానీ చెమట ఎక్కువగా  పడితే శరీరం నుంచి చెడు వాసన వస్తుంది. అంతేకాదు చెమట మరకలు కూడా బట్టలపై స్పష్టంగా కనిపిస్తాయి. చెమట ఎక్కువగా పట్టేవారు రోజుకు రెండు సార్లు స్నానం చేయాలి. అలాగే తరచుగా యాంటిపెర్స్పిరెంట్ ను వాడాలి. అయితే మనం తినే కొన్ని ఆహారాలు కూడా చెమట ఎక్కువగా పట్టేలా చేస్తాయి. అయితే కొన్ని సింపుల్ టిప్స్ తో అధిక చెమటను నివారించొచ్చంటున్నారు నిపుణులు. అదెలాగంటే..

సమ్మర్ డ్రింక్స్

మీ శరీరం చెమట ద్వారా కోల్పోయే నీటిని భర్తీ చేయడానికి ఎండాకాలంలో నీటిని ఎక్కువగా తాగాలి. ఎప్పుడూ నీళ్లే కాకుండా.. సత్తు, మజ్జిగ, జల్జీరా వంటి సమ్మర్ దేశీ కూల్ డ్రింక్స్ ను తాగండి. ఇవి మీ  శరీరాన్ని చల్లగా, హైడ్రేట్ గా ఉంచుతాయి. డీహైడ్రేషన్ ను నివారిస్తాయి. అలాగే మిమ్మల్ని ఆరోగ్యంగా కూడా ఉంచుతాయి. 

కెఫిన్ మానుకోండి

చాలా మంది ఉదయం లేవగానే బెడ్ కాఫీని తాగుతుంటారు. కానీ కాఫీని ఎక్కువగా తాగడం మంచిది కాదు. దీనివల్ల బాడీ టెంపరేచర్ బాగా పెరుగుతుంది. కెఫిన్ అడ్రినల్ గ్రంథులను ఉత్తేజపరుస్తుంది. దీంతో మన అరచేతులు, పాదాలు, అండర్ ఆర్మ్స్ లో ఎక్కువ చెమట పడుతుంది. అందుకే కాఫీని మోతాదులోనే తాగండి. 

spicy food

స్పైసీ ఫుడ్ మానేయండి

స్పైసీ ఫుడ్ కూడా చెమట ఎక్కువ పట్టేలా చేస్తుంది. చాలా మంది కూరల్లో ఎక్కువ కారం, పచ్చిమిరపకాయలను వేస్తుంటారు. మీరు గమనించారో లేదో.. కారంగా ఉన్న ఆహారాన్ని తిన్న తర్వాత చెమట పక్కాగా పడుతుంది. ఎందుకంటే మీ శరీరం వేడికి స్పందిస్తుంది.

యాంటిపెర్స్పిరెంట్స్ స్ప్రే ఉపయోగించండి

యాంటీపెర్స్పిరెంట్స్ చెమటను తగ్గించడానికి తయారుచేయబడ్డాయి. అందుకే చెడు చెమట ఎక్కువగా పట్టి దుర్వాసన వస్తుంటే వీటిని ఖచ్చితంగా ఉపయోగించండి. ఇవి మీ నుంచి చెడు వాసన రాకుండా చూస్తాయి. 

ప్రశాంతంగా ఉండండి

మీరు భయపడినప్పుడు లేదా ఒత్తిడికి గురైనప్పుడు మీ శరీరంలోని చెమట గ్రంథులు సక్రియం అవుతాయి. దీనివల్ల మీకు చెమట ఎక్కువగా పడుతుంది. అధిక చెమటను నివారించడానికి మీరు ప్రశాంతంగా ఉండండి.