Relationship : వీడెవడండీ బాబు.. పెళ్లాం కోసం అత్తారింటికి వెళ్లి అందమైన అత్తనే లేపుకెళ్లాడా..!

ఉత్తరప్రదేశ్‌లో ఓ విచిత్ర ఘటన జరిగింది. ఓ యువకుడు ఏకంగా తనకు పిల్లనిచ్చిన అత్తనే పెళ్ళాడాడు. ఇద్దరూ మ్యారేజ్ సర్టిఫికెట్‌తో ఉన్న వీడియో సోషల్ మీడియాలో వైరల్ కావడంతో ఈ విషయం బయటకు వచ్చింది. ఈ వింత బంధంపై ఇప్పుడు పెద్ద చర్చే నడుస్తోంది.

ఇదెక్కడి వింత ఘటన..

Relationship : ఇది నిజంగా కలికాలమే అని నిరూపించారు ఓ అత్తా అల్లుడు. కట్టుకున్న భార్యతో కలిసి అత్తవారింటికి వెళ్లిన ఓ యువకుడు అందమైన అత్తపై కన్నేశాడు. ఆ అత్తకూడా కూతురి సంసారాన్ని పట్టించుకోకుండా అల్లుడిని ఇష్టపడింది. చివరకు ఈ అత్తాఅల్లుడు ఎంతకు బరితెగించారంటే సమాజం ఏమనుకుంటే తమకేం అనుకుని లేచిపోయారు... ఏకంగా కోర్టులోనే పెళ్లి చేసుకున్నారు. ఈ విచిత్ర ఘటన ఉత్తర ప్రదేశ్ లో చోటుచేసుకుంది.

అత్తను పటాయించిన అల్లుడు

కాన్పూర్‌ దేహత్ పరిధిలోని అక్బర్పూర్ నుంచి వచ్చిన ఓ పెళ్లి వార్త ఇప్పుడు సోషల్ మీడియాను షాక్‌కు గురిచేస్తోంది. ఇక్కడ ఓ యువకుడు ఏకంగా తనకంటే వయసులో చాలా పెద్దదైన అత్తను పటాయించాడు... ఆమెను లేపుకెళ్ళాడు... కోర్టుకు తీసుకెళ్లి చట్టబద్ధంగా పెళ్లి చేసుకున్నాడు. ఇద్దరూ కోర్టులో దండలు మార్చుకోవడం, పెళ్లి సర్టిఫికెట్‌ చేతిలో పట్టుకుని నిలబడటం వంటి దృశ్యాలు సోషల్ మీడియాలో వైరల్ కావడంతో ఈ విషయం బయటపడింది.

అత్తను పెళ్లాడిన అల్లుడు

అత్త, అల్లుడి మధ్య ఉన్న ఈ వింత బంధం గురించిన వీడియో బయటకు రావడంతో జనం నుంచి తీవ్రమైన స్పందనలు వస్తున్నాయి. వీరిద్దరూ చాలా కాలంగా ప్రేమలో ఉన్నారని, పరస్పర అంగీకారంతోనే కలిసి జీవించాలని నిర్ణయించుకున్నారని వార్తలు వస్తున్నప్పటికీ, దీనిపై అధికారికంగా ఎలాంటి ధ్రువీకరణ లేదు.

ఈ పెళ్లికి సంబంధించి కుటుంబ సభ్యులు గానీ, మరెవరైనా గానీ ఇప్పటివరకు పోలీసులకు ఎలాంటి ఫిర్యాదు చేయలేదని తెలుస్తోంది. ఏదేమైనా సంప్రదాయ కుటుంబ సంబంధాల విలువలను ప్రశ్నించేలా ఉన్న ఈ ఘటన స్థానికంగా పెద్ద చర్చకు దారితీసింది. అయితే ఈ అత్తాఅల్లుడు ఇష్టపూర్వకంగానే పెళ్లాడినట్లు వెల్లడించారు... తమ ఇష్టాన్ని గౌరవించి అందరూ పెళ్లిని అంగీకరించాలని కోరుతున్నారు.