Meal Maker Curry: చపాతీ, రైస్ దేనికైనా బెస్ట్ కాంబినేషన్ రెస్టారెంట్ స్టైల్ మీల్ మేకర్ కర్రీ.. 10 నిమిషాల్లో రెసిపీ రెడీ

Meal Maker Curry: ఇంట్లో కాయగూరలు ఏం లేనప్పుడు, బద్ధకంగా ఉండి వండుకోలేని పరిస్థితిలో ఉన్నప్పుడు, నోటికి రుచిగా తినాలి, నాన్ వెజ్ టేస్ట్ తో, రెస్టారెంట్ స్టైల్‍లో కావాలంటే ఈ కర్రీ మస్ట్ గా ట్రై చేయాల్సిందే. ప్లేట్ కడగాల్సిన పని లేదింకా..

మీల్ మేకర్ కర్రీ

ఆఫీస్ నుంచో, షాపింగ్ నుంచో, బయట నుంచో ఇంటికొచ్చాక కాస్త బద్ధకంగా ఉంటుంది. కానీ ఆకలేస్తుంది. అలాంటప్పుడు వంట చేయాలంటే ...అమ్మో నా వల్ల కాదు, అంత శ్రమ పడలేను అని వెంటనే ఫుడ్ ఆర్డర్ పెట్టేసుకుంటారు. అది తింటే కడుపు నిండదు సరికదా...దానికి తోడు డబ్బు వృథా. అందుకే ఆర్డర్ పెట్టుకునేముందు ఈ మీల్ మేకర్ కర్రీ ట్రై చేయండి. ప్లేట్ ఖాళీ చేయాల్సిందే. ఒక్క మెతుక్కూడా వదలరు. 

కావాల్సిన పదార్థాలు

మీల్ మేకర్ కూరకు కావాల్సిన పదార్థాలు: కప్పు మీల్ మేకర్ ఆయిల్, పోపు దినుసులు, కప్పు ఉల్లిపాయలు, 4 పచ్చిమిర్చి, అల్లం వెల్లుల్లిపేస్ట్, కొత్తిమీర, కరివేపాకు, కారం, ఉప్పు, ధనియాల పొడి, గరం మసాలా, రెండు టమాటాలు. అంతే చాలు. 10 నిమిషాల్లో మీరు ఫ్రెష్ అయ్యి వచ్చేలోపు కూర రెడీ. వేడివేడి అన్నంతో లాగించేయొచ్చు.

తయారీ విధానం

ముందుగా మీల్ మేకర్ నానబెట్టుకోవాలి. పోపు వేగి టమాటాలు మగ్గే టైంలో అవి నానబెట్టేస్తే సరి. ఇప్పుడు పాన్ పెట్టి అందులో కాస్త ఆయిల్ వేసి అందులో ఆవాలు, జీలకర్ర, కొంచెం శనగపప్పు వేసుకుని వేయించాలి. ఇప్పుడు అందులో కప్పు ఉల్లిపాయ, నాలుగు పచ్చిమిర్చి వేసి వేగాక అల్లం వెల్లుల్లి పేస్ట్ వేయాలి. అది పచ్చివాసన పోయాక కొత్తిమీర, కరివేపాకు వేసి జస్ట్ మెత్తబడ్డాక...అందులో టమాటాలు వేసి మగ్గించాలి. కాస్త ఉప్పు, పసుపు వేసుకుంటే త్వరగా మగ్గుతుంది. ముందే కొత్తిమీర, కరివేపాకు వేస్తే దాని ఫ్లేవర్ కూరకు అంటుకుంటుంది. టమాటాలు మగ్గాక దాంట్లో నానబెట్టుకున్న కప్పు మీల్ మేకర్ వేసుకుని కలుపుకోవాలి. కాసేపు మూత పెట్టి వదిలేయాలి. ఆ తర్వాత ఉప్పు, పసుపు, కారం, ధనియాల పొడి, గరం మసాలా వేసుకుని వాటికి పట్టేదాకా కలుపుతూ ఉండాలి. అవి వేగాక నూనె తేలుతుంటే అప్పుడు 2 కప్పుల నీళ్లు పోసుకుని ఉడికించుకోవాలి. అంతే..

ఘుమఘుమలాడే మీల్ మేకర్ కర్రీ రెడీ

xరుచిగా, ఘుమఘుమలాడే మీల్ మేకర్ కర్రీ రెడీ. ఒక్క ముద్దకే మీరు ఫట్. అంత బాగుంటుంది. కాస్త నెయ్యి వేసుకుని తింటే ఇంకా అదిరిపోద్ది. ఈసారి మీ ఇంట్లో కూరగాయలు ఉన్నా కూడా ఈ కర్రీ ట్రై చేయండి. ఇకపై కూరగాయలు తినరింక.