weight loss diet: ఫాస్ట్ గా బరువు తగ్గించే వెజిటుల్స్ ఇవే...

weight loss diet: కొన్ని రకాల ఆహారాలు శరీర బరువును పెంచితే.. మరికొన్ని ఆహారాలు బరువును తగ్గిస్తాయి. అందులో ప్రోటీన్ ఎక్కువగా ఉండే ఫుడ్స్ తీసుకుంటే ఈజీగా ఓవర్ వెయిట్ నుంచి బయటపడొచ్చంటున్నారు నిపుణులు. 

శరీరక ఆరోగ్యంతో పాటుగా మానసిక ఆరోగ్యం బాగుండటానికి పోషకాహారం ఎంతో అవసరం. అందులోనూ కొన్నిఆరోగ్య కరమైన ఆహారాలతో సులువుగా బరువు తగ్గొచ్చు. ఒకవేళ మీరు శాఖాహారాలైతే కొన్ని రకాల ప్రోటీన్ ఫుడ్స్ మీ బరువు తగ్గే ప్రాసెస్ ను మరింత సులువు చేస్తాయంటే నమ్మండి. 

weight loss

ప్రోటీన్ ఫుడ్ ముఖ్యమైన పోషకం. ఇది శరీరానికి శక్తిని అందించడానికి ఎంతో సహాయపడుతుంది. అలాగే కణాలను మరమ్మత్తు చేయండంతో పాటుగా కొత్త వాటిని కూడా తయారుచేయడానికి మన శరీరానికి సహాయపడుతుంది. ఇలాంటి ఆహారం.. ఆహారాన్ని ఎక్కువగా తీసుకోవాలన్న కోరికలను తగ్గిస్తాయి. చికెన్, మటన్ వంటి నాన్ వెజ్ ఐటమ్స్ తినని వారిలో ప్రోటీన్ లోపం ఏర్పడకుండా ఉండటానికి ప్రోటీన్, ఇతర పోషకాలు ఎక్కువగా ఉండే మొక్కల ఆధారిత ఆహారాలు మీకెంతో సహాయపడతాయి. 

బచ్చలి కూర.. బచ్చలి కూర, బ్రోకలీ వంటి ఆకు పచ్చ కూరగాయల్లో ప్రోటీన్స్  ఎక్కువగా ఉంటాయి. ఇవి మన ఆరోగ్యానికి ఎంతో మేలు చేస్తాయి కూడా. వండిన ఒక కప్పు బచ్చలికూరలో 6 గ్రాముల ప్రోటీన్ ఉంటుంది. అలాగే ఇందులో విటమిన్ ఎ, విటమిన్ సి, విటమిన్ కె, ఐరన్, ఫోలేట్, పొటాషియం పుష్కలంగా ఉంటాయి. అంతేకాదు దీనిలో ఫైబర్ కూడా అధికంగా ఉంటుంది. ఇవి మన ఆరోగ్యానికే కాదు బరువు తగ్గడానికి కూడా ఎంతో సహాయపడతాయి. 

అదే విధంగా వండిన ఒక పప్పు బ్రోకలీలో 5 గ్రాముల ప్రోటీన్ ఉంటుంది. అలాగే ఫైబర్, కాల్షియం, ఐరన్, సెలీనియం, విటమిన్ సి, విటమిన్ కె వంటివి పుష్కలంగా ఉంటాయి. 

బాదం పప్పులు.. బరువు తగ్గేందుకు బాదం పప్పులు బెస్ట్ ఫుడ్ అనే చెప్పొచ్చు. 1/4 కప్పు బాదం పప్పుల్లో 7 గ్రాముల ప్రోటీన్ ఉంటుంది. ఇందులో ప్రోటీన్లు అధికంగా ఉండటంతో పాటుగా యాంటీ ఆక్సిడెంట్లు కూడా పుష్కలంగా ఉంటాయి. ఇవి ఫ్రీ రాడికల్స్ ప్రేరిత ఆక్సీకరణ ఒత్తిడి నుంచి శరీరాన్ని రక్షిస్తాయి. 

lentils

కాయధాన్యాలు.. అన్ని రకాల కాయధాన్యాలు(పప్పులు) అంటే ఆకుపచ్చ లేదా ఎరుపు పప్పుల్లో ప్రోటీన్ ఎక్కువ మొత్తంలో ఉంటాయి. వండిన 1/2 కప్పులో పప్పులో 8.84 గ్రాముల ప్రోటీన్ ఉంటుంది. ఇది శాకాహారాల్లో బెస్ట్ అని చెప్పొచ్చు. ఈ పప్పు కూరలను అన్నం లేదా రోటీతో తినొచ్చు.

Quinoa Upma

క్వినోవా.. క్వినోవా గ్లూటెన్ లేని ధాన్యాలు. వీటిలో ప్రోటీన్ ఎక్కువ మొత్తంలో ఉంటుంది. ఒక కప్పు వండిన క్వినోవాలో 8 గ్రాముల ప్రోటీన్ ఉంటుంది. అలాగే ఇందులో ఫైబర్, మెగ్నీషియం, ఇనుము, మాంగనీస్ తో పాటుగా ఇతర పోషకాలు కూడా పుష్కలంగా ఉంటాయి. 

roasted chickpeas

చిక్పీస్.. చనాస్ అని పిలువబడే చిక్పీస్ బరువు తగ్గేందు బెస్ట్ ఆప్షన్. ఇందులో ప్రోటీన్ అధిక మొత్తంలో ఉంటుంది. లాగే ఫైబర్, సంక్లిష్ట పిండి పదార్థాలు, ఇనుము, ఫోలేట్, పొటాషియం, మాంగనీస్ , భాస్వరం వంటివి పుష్కలంగా ఉంటాయి. వండిన 1/2 కప్పు చిక్పీస్ లో 1.23 గ్రాముల ప్రోటీన్ ఉంటుంది.