మెత్తటి, దూదిలాంటి ఇడ్లీల కోసం సింపుల్ టిప్స్ ఇవిగో!

దూదిలాంటి మెత్తటి ఇడ్లీలంటే ఇష్టపడని వారుండరు. అలాంటి ఇడ్లీల కోసం పాటించాల్సిన కొన్ని టిప్స్ మీకోసం.

ఇడ్లీల కోసం బియ్యాన్ని మూడు నుంచి నాలుగు గంటల వరకు  నానబెడితే చాలు. ఎక్కువ సేపు నానబెట్టకూడదు.

మినపప్పును రెండు గంటల నుంచి మూడు గంటల వరకు నానబెట్టాలి. అంతకంటే ఎక్కువ సేపు నానబెడితే పిండి పులిసిపోయి ఇడ్లీలు గట్టిగా వస్తాయి.

ఇడ్లీ పిండిని గ్రైండర్లో రుబ్బేటప్పుడు చల్లటి నీటిని ఉపయోగించడం వల్ల పిండి మెత్తగా వస్తుంది. దీంతో ఇడ్లీలు మృదువుగా ఉంటాయి.

బియ్యం రుబ్బేటప్పుడు నీటిలో నానబెట్టిన మెంతులు, కొద్దిగా అన్నం కూడా వేసి రుబ్బితే ఇడ్లీలు మరింత సాఫ్ట్‌గా వస్తాయి.

ఇడ్లీ పిండి మెత్తగా ఉండటానికి నానబెట్టిన అటుకులను కూడా కలిపి రుబ్బుకోవచ్చు. దీనివల్ల ఇడ్లీలు చాలా మృదువుగా వస్తాయి.