Old Bedsheet Reuse: పాత, చినిగిపోయిన దుప్పట్లు పారేస్తున్నారా? ఇలా వాడేయండి..!

 Old Bedsheet Reuse: ఇంట్లో పాత దుప్పట్లు ఉంటే పారేస్తున్నారా? వాటిని ఇంట్లో ఎన్ని రకాలుగా వాడొచ్చో తెలిస్తే.. ఇక నుంచి ఎప్పుడూ అలాంటి పొరపాటు చేయరు. మరి ఎలా వాడాలో తెలుసుకుందామా.. 

Old Bed sheets Reuse

ప్రతి ఒక్కరి ఇంట్లో బెడ్ షీట్స్ ఉండటం చాలా కామన్. అవి పాతగా మారిపోయినా, రంగు వెలిసిపోయినా.. లేదా కొస్త చినిగినా అది పనికిరాదు అని పక్కన పడేస్తూ ఉంటారు. అయితే, కొద్దిపాటి క్రియేటివిటీ మీకు ఉంటే..ఆ పాత దుప్పట్లను ఇంట్లో చాలా రకాలుగా వాడేయచ్చు. ఇలా వాడటం వల్ల మనం డబ్బును ఆదా చేసుకోవచ్చు. అంతేకాదు.. పర్యావరణాన్ని కాపాడినవాళ్లం కూడా అవుతాం

కాటన్ దుప్పటి అయితే...

మీ ఇంట్లో పాత కాటన్ దుప్పటి ఉంటే... దానిని మీడియం సైజు ముక్కలుగా కత్తిరించుకోవాలి. ఇలా కత్తిరించిన వాటిని దాచిపెట్టి.. వాటితో.. మీ కిచెన్ కౌంటర్లు, బల్లలు, ఫ్యాన్లు, కిటికీలు, ఫర్నీచర్ లేదా.. కార్లను శుభ్రం చేయడానికి ఉపయోగించొచచ్చు. ఇలా పాత దుప్పట్లను వాడటం వల్ల... కొత్త వాటిని కొనుగోలు చేసే అవసరం రాదు.

షాపింగ్ బ్యాగ్స్ కుట్టేచ్చు..

మీరు మీ దగ్గర ఉన్న పాత దుప్పట్లను కట్ చేసి.. షాపింగ్ బ్యాగ్స్ లాగా కుట్టుకోవచ్చు. ఈ సంచులను కూరగాయలు, పండ్లు, ఇంట్లో సరుకులు, ఇతర రోజువారీ వస్తువులను తెచ్చుకోవడానికి ఉపయోగపడుతుంది. దీని వల్ల ప్లాస్టిక్ సంచులను వాడే అసవరం రాదు.

సోఫా లేదా టేబుల్ కవర్ గా వాడేయండి..

మీ దుప్పటి.. వెలిసిపోకుండా కాస్త చినిగినట్లు మీకు అనిపిస్తే.. దానిని మీరు సోఫా కవర్ గా లేదా డైనింగ్ టేబుల్ కవర్ గా లేదా డోర్ మ్యాట్ లాగా వాడొచ్చు. పండగల సమయంలో ఇంటిని శుభ్రం చేసేటప్పుడు.. ఇంట్లో సోఫాలు, డైనింగ్ టేబుల్స్ పై దుమ్ము పడకుండా ఉండాలంటే ఈ పాత దుప్పట్లు కప్పి ఉంచొచ్చు.

పాత దుప్పటితో కర్టెన్లు...

మీ లివింగ్ రూమ్ లేదా స్టోర్ రూమ్ కోసం కర్టెన్లు కూడా పాత దుప్పటిని ఉపయోగించొచ్చు. తక్కువ ఖర్చుతో ఇంటిని అందంగా మార్చేయచ్చు.

పిల్లలు ఆడుకొనేటప్పుడు మ్యాట్ గా..

రెండు, మూడు పాత దుప్పట్లు అన్నీ కలిసి ఒక బొంతలా కుట్టేయండి. దానిని మీరు పిల్లలు ఆడుకొనేటప్పుడు కింద పరిస్తే.. దాని మీద వాళ్లు ఆడుకుంటారు. పిక్నిక్ లాగా చిన్న టూర్ కి వెళ్లినప్పుడు దీనిని వెంట క్యారీ చేయవచ్చు.

ఎలక్ట్రానిక్స్ కోసం డస్ట్ కవర్లను తయారు చేయండి

మీ టీవీ, వాషింగ్ మెషీన్, ఫ్యాన్లు, కంప్యూటర్ లేదా చాలా కాలంగా ఉపయోగించని ఏదైనా ఫర్నిచర్‌ను కప్పడానికి దుప్పట్లను ఉపయోగించవచ్చు. ఇది దుమ్ము పేరుకుపోవడాన్ని తగ్గించి, వస్తువులను శుభ్రంగా ఉంచడంలో సహాయపడుతుంది.