Pimples on Face: అబ్బాయిలకు మొటిమలు వస్తే ఏం చేయాలి?

మొటిమలు అమ్మాయిలకు మాత్రమే కాదు.. అబ్బాయిలకు కూడా వస్తూ ఉంటాయి. మరి, ఆ మొటిమలు పోవాలి అంటే అబ్బాయిలు ఏం చేయాలి?

మొటిమలు అనగానే ముందు అమ్మాయిల ప్రస్తావేనే వస్తుంది. యుక్త వయసు వచ్చిన దగ్గరి నుంచి అమ్మాయిల్లో ఈ పింపుల్స్ రావడం మొదలౌతుంది. వాటిని పోగొట్టుకోవడానికి చాలా ప్రయత్నాలు చేస్తూ ఉంటారు. కానీ.. ఈ మొటిమలు అమ్మాయిలకు  మాత్రమే కాదు...అబ్బాయిలకు కూడా వస్తూ ఉంటాయి. ఒకటి రెండు వచ్చినా.. ముఖ సౌందర్యం మొత్తం పాడు చేసేస్తాయి. మరి, అబ్బాయిలు ఈ సమస్య నుంచి ఎలా బయటపడాలి అనే విషయం ఇప్పుడు తెలుసుకుందాం...

మొటిమల సమస్యకు కారణం:

సాధారణంగా మొటిమల సమస్య నూనె, చనిపోయిన చర్మ కణాలు, హార్మోన్లు, ఆహారపు అలవాట్లు, ఒత్తిడి వంటి వాటి వల్ల వస్తుంది.

మానసిక ఒత్తిడి: మానసిక ఒత్తిడి మొటిమలను మరింత తీవ్రతరం చేస్తుంది. ఉదాహరణకు, మీరు ఎక్కువ భయం, ఆందోళన, ఒత్తిడికి గురైనప్పుడు, ఒత్తిడి హార్మోన్లు ఎక్కువగా ఉత్పత్తి అవుతాయి. దీనివల్ల మొటిమలు పెరుగుతాయి.

శారీరక ఒత్తిడి: మీ శరీరంలో కలిగే శారీరక ఒత్తిడి హార్మోన్ల మార్పులు, బలహీనమైన రోగనిరోధక శక్తి, మంటను కలిగిస్తుంది. ఇవన్నీ మొటిమలు రావడానికి కారణం అవుతాయి.

వీటి గురించి జాగ్రత్త:

మీరు షేవింగ్ చేసుకునేటప్పుడు మీ ముఖం మీద వెంట్రుకలు పడకుండా చూసుకోండి. ఎందుకంటే ముఖం మీద వెంట్రుకలు పడితే అది మొటిమలను పెంచుతుంది.   మీకు చుండ్రు సమస్య ఉంటే ఎక్కువ మొటిమలు వస్తాయి, కాబట్టి దాన్ని వెంటనే పరిష్కరించుకోండి. మొటిమల సమస్య నుంచి బయటపడాలంటే వీలైనంత వరకు నూనె పదార్థాలకు దూరంగా ఉండండి. ఎందుకంటే అవి ముఖం మీద మొటిమలను పెంచుతాయి.

గుర్తుంచుకోండి:

మీ ముఖాన్ని వీలైనంత శుభ్రంగా ఉంచుకోండి. రోజుకు కనీసం రెండు నుంచి మూడు సార్లు మీ ముఖాన్ని కడుక్కోండి. ముఖం కడుక్కునేటప్పుడు కెమికల్ లేని ఫేస్ వాష్ వాడండి.  

రాత్రి పడుకునే ముందు మీ ముఖాన్ని బాగా కడుక్కుని మాయిశ్చరైజర్ రాసుకోండి. ఇది మీ ముఖం మీద ఉన్న మొటిమలను క్రమంగా తగ్గించడానికి సహాయపడుతుంది.