Wedding: పెళ్లి చేసుకుంటూ డబ్బులు సంపాదించవచ్చు.. విదేశాల నుంచి వస్తారు, తలా రూ. 30 వేలు ఇస్తారు. ఎలాగంటే.?

వివాహం అనేది ప్రస్తుతం ఖర్చుతో కూడుకున్న వ్యవహారంగా మారింది. మధ్య తరగతి వారు కూడా ఆడంబరంగా వివాహాలను నిర్వహిస్తున్నారు. కొందరు అప్పులు చేసి మరీ వివాహాలు చేసుకుంటున్నారు. అయితే మనం పెళ్లి చేసుకుంటూ కూడా డబ్బులు సంపాదించవచ్చని మీకు తెలుసా.?   

JoinMyWedding

జీవితంలో ఒకేసారి జరుపుకోవాలని కోరుకునే గొప్ప వేడుక వివాహం. అందుకే స్థోమతకు మించి వివాహాన్ని జీవితంలో ఎప్పటికీ మరిచిపోలేని మధురానుభూతిగా మార్చుకోవాలని చాలా మంది భావిస్తున్నారు. ప్రీ వెడ్డింగ్‌ షూట్స్, హల్దీ, సంగీత్‌ ఇలా లక్షలు కుమ్మరిస్తున్నారు. అయితే పెళ్లి అంటే కేవలం ఖర్చు పెట్టడం మాత్రమే కాదని, డబ్బు సంపాదించుకోవచ్చని మీకు తెలుసా.? ఇందుకోసం ఆన్‌లైన్‌ వేదికగా ఓ సేవ అందుబాటులో ఉంది. 

జాయిన్‌ మై వెడ్డింగ్‌ పేరుతో ఆన్‌లైన్‌లో ఓ సేవ అందుబాటులో ఉంది. ఇందులో మీ పెళ్లికి సంబంధించిన వివరాలను, పెళ్లి జరిగే తేదీ, స్థలం లాంటి అంశాలను అందించాల్సి ఉంటుంది. విదేశాల్లో ఉండే వారు రూ. 30 వేలు చెల్లించి మరీ మీ పెళ్లి వేడుకకు వస్తారు. విదేశీయులు ఏంటి.? డబ్బులు ఇచ్చీ మరీ పెళ్లికి ఎందుకు వస్తారని ఆలోచిస్తున్నారు.? కదూ ! ఈ స్టోరీలోకి వెళ్లాల్సిందే.. 

ఏంటీ జాయిన్‌ మై వెడ్డింగ్‌.. 

భారతీయ వివాహ వేడుకల అనుభవాలను విదేశీయులతో పంచుకునేందుకు రూపొందించిన ఒక వేదికే ఈ జాయిన్‌ మై వెడ్డింగ్‌. ఈ వేదిక ద్వారా, ప్రపంచం నలుమూలల నుంచి భారత్‌కు వచ్చే టూరిస్టులు వివాహ వేడుకల్లో పాల్గొని, మన సంస్కృతి, ఆచారాలను నేరుగా చూస్తారు. భారతీయ వివాహాల్లో ఉండే ఆచారాలు, సంప్రదాయాలు, సంగీతం, నృత్యాల వంటివి విదేశీ అతిథులను ఎంతగానో ఆకర్షిస్తాయి. 

అలాగే భారతీయ వంటకాలు, పెళ్లిలో చేసే వెరైటీ ఫుడ్‌ను ఆస్వాదించేందుకు మొగ్గు చూపుతుంటారు. వివాహాం చేసుకునే వారు లేదా వారి కుటుంబ సభ్యుల వివాహానికి సంబంధించిన వివరాలను జాయిన్‌ మై వెడ్డింగ్ వెబ్‌సైట్‌లోకి వెళ్లి ఫిల్‌ చేయాల్సి ఉంటుంది. ఆసక్తి ఉన్న టూరిస్టులు ఆ వేడుకలకు టికెట్లు బుక్ చేసుకుంటారు.