కష్టపడి సంపాదించిన డబ్బును ఎప్పుడు ఎలా ఖర్చు చేయాలో క్లారిటీ ఉండి.. సరిగా ఆదా చేస్తే... మనం కూడా ధనవంతులమవ్వచ్చు. అయితే.. చాలా మందికి డబ్బు ఆదా చేయాలనే ఉన్నా.. ఎలా చేయాలో తెలియక సతమతమౌతుంటారు. అందుకే.. ఎలా డబ్బులు ఆదా చేయాలో ఇప్పుడు నిపుణులు మనకు చెబుతున్నారు.
డబ్బులు సంపాదించాలనే కోరిక చాలా మందిలో ఉంటుంది. దాని కోసం రాత్రి, పగలు అనే తేడా లేకుండా చాలా మంది తమ రెక్కలు ముక్కలు చేసుకొని మరీ కష్టపడుతుంటారు. అలా కష్టపడి సంపాదిస్తారు. అయితే.. డబ్బు సంపాదించగానే సరిపోదు.. దానిని నిలపెట్టుకోవాలి. నిల పెట్టుకోవాలంటే ఆదా చేయాలి. డబ్బు చాలా మంది సంపాదిస్తారు.. కానీ.. సంపాదించిన దానిని ఆదా చేయడం కూడా తెలిసిన వారే ఐశ్వర్యవంతులౌతారు. కష్టపడి సంపాదించిన డబ్బును ఎప్పుడు ఎలా ఖర్చు చేయాలో క్లారిటీ ఉండి.. సరిగా ఆదా చేస్తే... మనం కూడా ధనవంతులమవ్వచ్చు. అయితే.. చాలా మందికి డబ్బు ఆదా చేయాలనే ఉన్నా.. ఎలా చేయాలో తెలియక సతమతమౌతుంటారు. అందుకే.. ఎలా డబ్బులు ఆదా చేయాలో ఇప్పుడు నిపుణులు మనకు చెబుతున్నారు. మరి ఆ టిప్స్ ఏంటో ఓసారి మనమూ చూసేద్దామా..
1. ఉద్యోగాలు చేసేవారికి ప్రతి సంవత్సరం కంపెనీలు బోనస్ లు ఇస్తూ ఉంటాయి. మన నెల నెలా జీతం కాకుండా.. సంవత్సరానికి ఒకసారి వచ్చే బోనస్ ని వెంటనే ఖర్చు చేయకూడదట. ఆ డబ్బులను దాచి పెట్టాలి. లేదంటే.. భవిష్యత్తుకు ఉపయోగపడేలా ఎందులో అయినా ఇన్వెస్ట్ చేయాలి.
2.అలా కాదు అంటే.. రికరింగ్ డిపాజిట్ చేయవచ్చు. మీ బ్యాంక్ ఖాతాకి ప్రతినెలా.. ఫిక్స్డ్ ఎమౌంట్ పెట్టుకోవాలి. ప్రతినెలా అవి కట్ అవుతాయి. భవిష్యత్తులో అవి పెరిగి మీకు పెద్ద మొత్తంగా కనపడతాయి. ఎక్కువ మొత్తం ఆదా చేసిన వారు కూడా అవుతారు.
3.షాపింగ్ కి వెళ్లినప్పుడు మనకు అవసరం ఉందా లేదా అని చూసుకోకుండా చాలా వస్తువులను కొనేస్తూ ఉంటాం. అలా కాకుండా.. షాపింగ్ వెళ్లడానికి ముందే.. ఏం కావాలి అని లిస్టు రాసుకోవాలి. అవి మాత్రమే తీసుకురావాలి ఫిక్స్ అవ్వాలి. అప్పుడు వేరే వాటి జోలికి వెళ్లకుండా ఉంటారు. అనవసరపు ఖర్చు చేయకుండా ఉంటారు.
4.ఇక రెస్టారెంట్ కి వెళ్లి ఫుడ్ తినాలి అనే కోరికను తగ్గించుకోవాలి. ఆన్ లైన్ లో ఫుడ్ ఆర్డర్స్ కూడా తగ్గించాలి. ఇంట్లోనే వంట చేసుకోని తినాలి. ఇలా చేయడం వల్ల చాలా వరకు జేబుకు చిల్లు పడకుండా జాగ్రత్తపడగలం. బయట ఆహారాలపై మోజు ఎంత తగ్గిస్తే.. అంత ఆదాచేయవచ్చు.
5.డబ్బు ఆదాచేయాలి కదా అని సరదాలు చంపుకోవాల్సిన అవసరం లేదు. మన అవసరాలను కూడా పక్కన పెట్టకూడదు. అయితే.. వాటిని కొనే సమయాన్ని మార్చాలి. దాదాపు సంవత్సరం మొత్తంలో చాలా సార్లు డిస్కౌంట్ సేల్స్, ఆఫర్స్ పెడుతూ ఉంటారు. అలాంటప్పుడు కాస్త తక్కువ ధరకు వచ్చే అవకాశం ఉంటుంది. కాబట్టి.. ఆ సమయంలో కొనుగోలు చేయడం మంచిది.
6.మన సంపాదనలో దేనిపై ఎక్కువగా ఖర్చు పెడుతున్నాం అనే విషయాన్ని ముందుగా తెలుసుకోవాలి. ఆ తర్వాత.. దానికి అంత ఖర్చు అవసరం లేదా అని చూడాలి. లేదు అనుకుంటే.. దాంట్లో కాస్త తగ్గించుకుంటే.. డబ్బు ఆదా చేయవచ్చు.
6.మన సంపాదనలో దేనిపై ఎక్కువగా ఖర్చు పెడుతున్నాం అనే విషయాన్ని ముందుగా తెలుసుకోవాలి. ఆ తర్వాత.. దానికి అంత ఖర్చు అవసరం లేదా అని చూడాలి. లేదు అనుకుంటే.. దాంట్లో కాస్త తగ్గించుకుంటే.. డబ్బు ఆదా చేయవచ్చు.
7.టైమ్ కలిసొస్తుంది కదా అని మనలో చాలా మంది ఆన్ లైన్ షాపింగ్ పై ఎక్కువ దృష్టి పెడుతూ ఉంటారు. అయితే... ఈ ఆన్ లైన్ షాపింగ్ వల్ల మనకు తెలియకుండానే ఎక్కువ ఖర్చు చేస్తుంటాం. కాబట్టి.. ఆ షాపింగ్స్ ని కాస్త పక్కకు పెట్టడం మంచిది.
8.నెలకు ఇంత బడ్జెట్ అని మీ సంపాదన నుంచి కేటాయించాలి. ఆ తర్వాత.. ఆ బడ్జెట్ కి తగినట్లుగా ఇతర అవసరాలు తీర్చుకుంటూ ఉండాలి. ఇలా చేయడం వల్ల.. డబ్బు ఆదా ఎక్కువగా చేయవచ్చు.