అందమైన ముఖానికి తేనె.. తేనెను ఇలా వాడితే మీ ముఖంపై ఒక్క మచ్చ కూడా ఉండదు..

Image: Freepik

తేనెలో ఎన్నో ఔషదగుణాలుంటాయి. దీనిని ఉపయోగించి ఎన్నో సమస్యలను తగ్గించుకోవచ్చు. తేనె మన చర్మానికి కూడా ఎంతో మేలు చేస్తుంది. దీనిలోని శక్తివంతమైన సమ్మేళనాలు ఎన్నో చర్మ సమస్యలను  తగ్గిస్తాయి. మీకు తెలుసా? తేనెను బ్యూటీ ప్రొడక్ట్స్ తయారీలో కూడా ఉపయోగిస్తారు. దీన్ని ఔషధాల్లోనే కాకుండా.. చర్మ సంరక్షణలో కూడా ఉపయోగిస్తారు. ఇందుకోసం తేనెను సరైన పద్దతిలోనే వాడాల్సి ఉంటుంది. 

చర్మంపై తేనె ఎలా పనిచేస్తుంది 

జర్నల్ ఆఫ్ ఫార్మకోగ్నోసీ రీసెర్చ్ లో అధ్యయనాలు.. తక్కువ మొత్తంలో తేమ, హైడ్రోజన్ పెరాక్సైడ్, సగటు పీహెచ్ 3.9 బ్యాక్టీరియాకు ప్రతికూలంగా ఉన్నాయని చూపిస్తున్నాయి. ఈ కారణంగా తేనెలో యాంటీ బాక్టీరియల్ లక్షణాలు ఉన్నాయి. ఇవి యాంటీ ఇన్ఫ్లమేటరీ. ఫ్రక్టోజ్, గ్లూకోజ్ వంటి కార్బోహైడ్రేట్లతో పాటుగా తేనెలో ప్రోటీన్లు, విటమిన్లు, ఖనిజాలు, ఎంజైమ్లు, పాలీఫెనాల్స్, పుప్పొడి ధాన్యాల నుండి పొందిన ఫ్లేవనాయిడ్లు పుష్కలంగా ఉంటాయి. ఇది చర్మానికి ఎంతో మేలు చేస్తుంది. దీన్ని పాలు, జెల్స్, మాయిశ్చరైజర్లు, లిప్ బామ్ లను శుభ్రపరచడానికి కూడా ఉపయోగిస్తారు.

చర్మానికి తేనె వల్ల కలిగే ప్రయోజనాలు 

స్కిన్ పిగ్మెంటేషన్

జర్నల్ ఆఫ్ ఫార్మకోగ్నోసీ రీసెర్చ్ ప్రకారం.. తేనె దీర్ఘకాలిక సూర్యరశ్మి వల్ల అయ్యే ముఖంపై పిగ్మెంటేషన్ ను తగ్గిస్తుంది. తేనె యూవీ కిరణాల వల్ల కలిగే స్కిన్ డ్యామేజ్ ను కూడా తగ్గిస్తుంది. ఎండలో ఎక్కువ సేపు గడిపితే తేనెతో తయారు చేసిన ఫేస్ మాస్క్ వాడొచ్చు. తేనెలో హైడ్రోజన్ పెరాక్సైడ్, ఏహెచ్ఏ (ఆల్ఫా హైడ్రాక్సీ యాసిడ్) ఉంటాయి. ఇది మొటిమలను తగ్గించడానికి సహాయపడుతుంది. ఇది ముఖంపై మచ్చలను కూడా తగ్గించడానికి సహాయపడుతుంది. 

honey

స్కిన్ అలర్జీలను తొలగిస్తుంది 

సున్నితమైన చర్మానికి తేనె ఎంతో ప్రయోజనకరంగా ఉంటుంాది. మీ చర్మం సున్నితంగా లేదా సౌందర్య ఉత్పత్తికి అలెర్జీగా ఉంటే మీ చర్మానికి తేనెను అప్లై చేయడం వల్ల ఈ సమస్య తగ్గుతుంది. తేనెలో ఎన్నో ఔషధ గుణాలున్నాయి. తేనెలో ఫ్రక్టోజ్, గ్లూకోజ్ లు ఎక్కువ మొత్తంలో ఉంటాయి. ఇది సహజ ఆర్ద్రీకరణ సమ్మేళనంగా మారుతుంది. ఇది నీటిని నిలుపుకుని చర్మాన్ని హైడ్రేట్ గా ఉంచుతుంది.

మొటిమలను నయం చేస్తుంది 

సెంట్రల్ ఏషియన్ జర్నల్ ఆఫ్ గ్లోబల్ హెల్త్ ప్రకారం.. శరీరం లేదా ముఖంపై ఫంగల్ మొటిమలు ఉంటే తేనెను ఖచ్చితంగా అప్లై చేయండి. ఇది యాంటీ ఫంగల్ పినోసాంబ్రిన్,  లైసోజైమ్ సమ్మేళనాలను కలిగి ఉంటుంది. తేనెలో ఉండే హైడ్రోజన్ పెరాక్సైడ్ యాంటీమైక్రోబయల్ లక్షణాలను కలిగి ఉంటుంది. ఇది మొటిమలను, మంటను తగ్గించడానికి సహాయపడుతుంది. ఇది రంధ్రాలను తెరవడానికి, కొత్త కణజాలాల పెరుగుదలకు సహాయపడుతుంది.

honey

చర్మానికి తేమను అందిస్తుంది 

పొడి చర్మం ఉన్నవారికి తేనె ఎంతో ప్రయోజనకరంగా ఉంటుంది. ఎందుకంటే తేనె ముఖాన్ని తేమగా ఉంచుతుంది. పలు పరిశోధన ప్రకారం.. తేనెలో ఎక్కువ మొత్తంలో ఫ్రక్టోజ్, గ్లూకోజ్ ఉంటాయి. ఇది మన చర్మాన్ని హైడ్రేట్ గా చేస్తుంది. ఇది నీటిని నిలుపుకుని చర్మాన్ని హైడ్రేట్ గా ఉంచుతుంది. తేనెలో ఉండే లాక్టిక్ యాసిడ్ ముఖంపై మృతకణాలను తొలగించి ముఖాన్ని మెరిసేలా చేస్తుంది.

తేనె మాస్క్ ను ఎలా తయారుచేయాలి

ముడి తేనె ఫేస్ మాస్క్

ముఖాన్ని బాగా శుభ్రం చేసుకున్న తర్వాత తేనెను నేనుగా ముఖానికి అప్లై చేయొచ్చు. దీన్ని చేతులతో కాకుండా కాటన్ సహాయంతో ముఖానికి బాగా పట్టించి అప్లై చేయాలి. 20 నిమిషాల పాటు అలాగే ఉంచి ఆ తర్వాత కడిగేయాలి. 

నిమ్మకాయ, తేనె ఫేస్ మాస్క్

నిమ్మకాయలో విటమిన్ సి ఉండటం వల్ల ఇది ఎసెన్షియల్ ఆయిల్ తేనెతో కలిసి గొప్పగా పనిచేస్తుంది. 1 టేబుల్ స్పూన్ తేనె, 1 టేబుల్ స్పూన్ నిమ్మరసం బాగా కలపాలి. ఈ మిశ్రమాన్ని ముఖానికి, మెడకు బాగా పట్టించాలి. అరగంట తర్వాత గోరువెచ్చని నీటితో కడిగేయాలి.

తేనె కలబంద జెల్ ఫేస్ మాస్క్

కలబందలో యాంటీ బ్యాక్టీరియల్, యాంటీ ఇన్ఫ్లమేటరీ లక్షణాలు పుష్కలంగా ఉంటాయి. కలబంద జెల్ చర్మానికి ఎంతో మేలు చేస్తుంది. 1 టేబుల్ స్పూన్ తేనె, 1 టేబుల్ స్పూన్ అలోవెరా జెల్ బాగా కలపాలి. వారానికి రెండుసార్లు అప్లై చేస్తే ముఖంపై మచ్చలు తగ్గిపోతాయి. 

పెరుగు 

పెరుగుకు ప్రోబయోటిక్ ఫుడ్. ఇది కూడా చర్మానికి ఎంతో మేలు చేస్తుంది. 1 టేబుల్ స్పూన్ తేనె, 1 టేబుల్ స్పూన్ పెరుగు బాగా కలపండి. ఈ మిశ్రమాన్ని వారానికి రెండుసార్లు అప్లై చేయాలి. క్రమం తప్పకుండా దీన్ని ఉపయోగించడం వల్ల చర్మం క్లియర్ అవుతుంది. మొటిమల మచ్చలు కూడా పోతాయి.