రోజూ తుడుచుకునే టవల్ మీద ఎన్ని సూక్ష్మక్రిములు ఉంటాయో మీరెప్పుడైనా ఆలోచించారా? స్నానం చేసిన తరువాత లేదా చేతులు కడుక్కున్న తరువాత టవల్ తో తుడుచుకున్నప్పుడు మీ ఒంటిమీది కొన్ని సూక్ష్మక్రిములు బట్టకు అంటుకుంటాయి. టవల్ మీది తేమ సూక్ష్మ జీవి పెరగడానికి, దాన్నుంచి బ్యాక్టీరియా పెంపొందడానికి అద్భుతమైన వాతావరణాన్ని ఏర్పరుస్తుంది.
మీరు టవల్ ను ఎన్నిసార్లు ఉతుకుతున్నారు? వారానికి ఎన్నిసార్లు వాషింగ్ మెషీన్ లో వేస్తారు? తడి టవల్ పూర్తిగా ఆరిన తరువాతే వాడుతున్నారా? స్నానం చేసి తుడుచుకున్నాక టవల్ ను ఎండలో వేస్తున్నారా? ఇవన్నీ ఎందుకంటే సరిగా శుభ్రం చేయని టవల్ తో ఎన్నో అనారోగ్య సమస్యలు వస్తాయని మీకు తెలుసా..? రెగ్యులర్ గా వాడే టవల్‌ను క్రమం తప్పకుండా ఉతకకపోతే ఏమి జరుగుతుంది? టవల్ ను ఎంత తరచుగా ఉతకాలో తెలిసి ఉంటే సమస్య చిన్నదేనని తెలుసా?
వినడానికి ఆశ్చర్యంగా ఉన్నా ఇది నిజం. ప్రస్తుతం కరోనా మన జీవితాల్లో ఎన్నో మార్పులు తీసుకువచ్చింది. ఆరోగ్యం మీద ఎంతో శ్రద్ధ వహిస్తున్నారు. శుభ్రత-పరిశుభ్రత మీద చాలా అవగాహన పెరిగింది. దీంతో తరచుగా చేతులు కడగడం, మాస్క్ పెట్టుకోవడం. రీ యూజ్ మాస్క్ అయితే దాన్నీ తరచుగా శుభ్రం చేస్తుండడం, బైటికి వెళ్లిరాగానే ఆ బట్టలు విడిచేసి.. స్నానం చేయడం, ఇల్లు, పరిసరాలు శుభ్రంగా ఉంచుకోవడం చేస్తున్నారు.
అయితే మీరు రోజూ తుడుచుకునే టవల్ మీద ఎన్ని సూక్ష్మక్రిములు ఉంటాయో మీరెప్పుడైనా ఆలోచించారా? స్నానం చేసిన తరువాత లేదా చేతులు కడుక్కున్న తరువాత టవల్ తో తుడుచుకున్నప్పుడు మీ ఒంటిమీది కొన్ని సూక్ష్మక్రిములు బట్టకు అంటుకుంటాయి. టవల్ మీది తేమ సూక్ష్మ జీవి పెరగడానికి, దాన్నుంచి బ్యాక్టీరియా పెంపొందడానికి అద్భుతమైన వాతావరణాన్ని ఏర్పరుస్తుంది. అందుకే రోజూ ఒకే టవల్‌ని ఉపయోగించడం వల్ల మీ చర్మానికి హాని కలుగుతుంది.
ఇక స్నానం చేసి, తువ్వాలతో తుడుచుకున్నప్పుడు, చేతులు, శరరానికి అంటుకున్న బ్యాక్టీరియా, మృతకణాలు నీటితో పాటు తడి టవల్ కు అంటుకుంటాయి. మృతకణాలు, తేమ సూక్ష్మ జీవులకు ఆహారంగా మారి వాటి పెరుగుదలకు దోహదపడతాయి. దీంతో అవి రెట్టింపవుతాయి. చర్మం విడుదల చేసే కొన్ని రకాల అమ్లాలు సూక్ష్మజీవులు పెరగకుండా, హాని కలిగించకుండా నిరోధిస్తుంది.
అయితే, టవల్ తడిగా ఉంటే, మురికిగా ఉంటే.. దాన్నే మీరు తిరిగి ఉపయోగిస్తే, ఇన్ఫెక్షన్లు, చర్మ సంబంధిత సమస్యలను ఆహ్వానించనట్టే అవుతుంది. ఇక ఇంటిల్లిపాది ఒకే టవల్ ను వాడితే ఈ ప్రమాదం మరింత పెరుగుతుంది. టవల్ ను ఎక్కువగా శుభ్రం చేయకపోవడం వల్ల, డెడ్ స్కిన్ టవల్ మీద పేరుకుపోయి, వాటిని తిరిగి వాడినప్పుడు మృత చర్మ కణాలు, సూక్ష్మజీవులు మీ చర్మానికి బదిలీ చేయబడి, ఫోలిక్యులిటిస్‌ను అడ్డుకుంటాయి.
దీనివల్ల మొటిమలు వచ్చే అవకాశం ఉంటుంది. అంతేకాదు చర్మ సంబంధమైన సమస్యలు అంటే తామర, దద్దుర్లు, రింగ్వార్మ్ వంటి వాటికి దారితీస్తుంది. దీనివల్ల మీరు ఎంత శుభ్రంగా ఉన్నా అనారోగ్యానికి గురి కావాల్సి వస్తుంది. ఈ విషయం అర్థం కాక ఎందుకు రోగాల బారిన పడుతున్నామా అని మధన పడుతుంటారు. ఇక ఇప్పటికే చర్మ సమస్యలతో బాధపడుతుంటే మురికి టవల్‌ని మళ్లీ మళ్లీ ఉపయోగించడం వల్ల లక్షణాలను మరింత తీవ్రతరం చేయవచ్చు.
చర్మ సమస్యల నుండి మిమ్మల్ని మీరు సురక్షితంగా ఉంచుకోవడానికి సరైన మార్గం మీ టవల్‌ను తరచుగా శుభ్రం చేయడమే. నిపుణుల అభిప్రాయం ప్రకారం మూడుసార్లు వాడిన తరువాత టవల్ ను ఉతికేయాలి. కాబట్టి, మీరు ప్రతిరోజూ స్నానం చేస్తే, వారానికి రెండుసార్లు మీ టవల్‌ని ఉతకాలి. అంతేకాదు టవల్ ను పదే పదే ఉపయోగిస్తున్నప్పుడు అది పొడిగా ఉందా, లేదా అనేది నిర్థారించుకోవాలి. ఈ సింపుల్ చిట్కాలు ఈ మిమ్మల్ని చర్మ సంబంధిత రుగ్మతల నుండి దూరంగా ఉంచుతాయి.