చాలా మంది రాత్రిపూట ఒకసారి రెండు సార్లు కాదు ఏకంగా నాలుగైదు సార్లు మూత్రవిసర్జన చేస్తూనే ఉంటారు. దీనివల్ల వారికి తెల్లవార్లూ నిద్ర ఉండదు. అయితే ఇలా మూత్రం రావడం వెనుక బలమైన కారణమే ఉందంటున్నారు నిపుణులు.
మన శరీరంలోని విషపదార్థాలు, వేస్ట్ అంతా మూత్రం ద్వారానే బయటకు పోతుంది. ఈ ముచ్చట అందరికీ తెలిసిన విషయమే. మూత్రం అంటే శరీరంలోని మురికి ద్రవం అని అర్థం. మన మూత్రంలో నీటితో పాటుగా.. పొటాషియం, ఉప్పు, భాస్వరం,యూరిక్ యాసిడ్, యూరియా వంటి ఎలక్ట్రోలైట్ రసాయనాలు ఉంటాయి. అందుకే మూత్రాన్ని ఆపుకోకూడదు. ఎప్పటికప్పుడు మూత్ర విసర్జన చేయడం చాలా ముఖ్యం. మూత్ర విసర్జన మంచిదే కానీ అదేపనిగా మూత్ర విసర్జన చేయడమే మంచిది కాదు. కొంతమంది పగటిపూట మాత్రమే తరచుగా మూత్రవిసర్జన చేస్తే.. ఇంకొంత మంది మాత్రం రాత్రిపూట తరచుగా మూత్రవిసర్జన చేస్తుంటారు. రాత్రిపూట రెండు సార్ల కంటే ఎక్కువ సార్లు మూత్ర విసర్జన చేయడం మంచి సంకేతం కాదు. ఇది ఎన్నో వ్యాధులకు కారణం కావొచ్చు.
రాత్రిపూట తరచుగా మూత్రవిసర్జన చేయడానికి కారణం మేంటో తెలుసా?
రాత్రిపూట తరచుగా మూత్రవిసర్జన చేయడం వల్ల నిద్రసరిగ్గాపోరు. అంటే వీరు రాత్రి పూట 8 గంటలు హాయిగా పడుకోలేరన్నమాట. రాత్రిపూట నాలుగైదు సార్లు మూత్ర విసర్జన చేయడానికి ఎన్నో కారణాలున్నాయి. అవేంటో తెలుసుకుందాం పదండి..
వృద్ధుల్లో ఈ సమస్య ఎక్కువగా కనిపిస్తుంది
రాత్రిపూట తరచుగా మూత్రవిసర్జన చేయడాన్ని నోక్టురియా అంటారు. అయితే ఈసమస్య 50 ఏండ్ల వారికంటే తక్కువ వయసు ఉన్నవారికి ఉంటే తప్పకుండా డాక్టర్ ను సంప్రదించాలి. ఎందుకంటే ఇది కొన్ని వ్యాధులకు సంకేతం. అతి చురుకైన మూత్రాశయం (OAB),ప్రోస్టేట్ కణితులు, మూత్రపిండాల సంక్రామ్యత, మూత్రాశయం, డయాబెటీస్, దిగువ కాలు వాపు, ఆందోళన, అవయవ వైఫల్యం, రోలాజికల్ డిజార్డర్, మూత్రనాళ సంక్రామ్యత వల్ల తరచుగా మూత్రం వస్తుంది.
మాత్రలు తీసుకోవడం వల్ల నోక్టేరియాకు దారితీసే అవకాశం ఉంది
అధిక రక్తపోటును ఎదుర్కొంటున్న వ్యక్తులకు ఇచ్చే మూత్రవిసర్జన మాత్ర కూడా నోక్టోరియా సమస్యకు దారితీస్తుంది. దీంతో పాటుగా రాత్రిపూట తరచుగా మూత్రవిసర్జన చేయడానికి మన జీవనశైలి కూడా మరొక కారణం. ఇది ద్రవాలను ఎక్కువగా తీసుకోవడం వల్ల వస్తుంది. కెఫిన్, ఆల్కహాల్ పానీయాలు ఈ సమస్యను మరింత ఎక్కువ చేస్తాయి. ఆల్కహాల్ ను ఎక్కువగా తాగినా.. కెఫిన్ ను ఎక్కువగా తీసుకున్నా.. రాత్రిపూట మూత్రవిసర్జన ఎక్కువగా చేస్తారు. ఇవి శరీరంలో ఎక్కువ మూత్ర ఉత్పత్తికి దారితీస్తాయి.
తరచుగా మూత్రవిసర్జన చేసే సమస్యకు పరిష్కారం
ఈ సమస్య తలెత్తినప్పుడు వెంటనే వైద్యుడిని సంప్రదించి వారి సలహాలను తీసుకోవడం చాలా ముఖ్యం. వారు సజెస్ట్ చేసిన మెడిసిన్స్ ను ఉపయోగించండి. వీటితో పాటుగా మీ జీవనశైలిలో కొన్ని మార్పులను కూడా చేసుకోండి. రాత్రి పడుకునే 2 నుంచి 4 గంటల ముందే తాగునీరు తాగండి. ఆ తర్వాత తాగడం మానుకోండి. ఇక ఉదయం లేచిన వెంటనే వీలైతే రెండు గ్లాసుల వేడినీటిని తాగండి. లేదంటే నార్మల్ వాటర్ నైనా తాగండి. కెఫిన్, ఆల్కహాల్ వంటి వాటిని తాగే అలవాటును తగ్గించండి. ఇకపోతే పడుకునే ముందు మూత్రవిసర్జన ఖచ్చితంగా చేయండి. అలాగే కొన్ని చిన్న చిన్న వ్యాయామాలు, యోగాను క్రమం తప్పకుండా చేయండి. వీటివల్ల మీ కండరాలు బలోపేతం అవుతాయి. మనస్సు కూడా ప్రశాంతంగా ఉంటుంది.నిద్రకూడా హాయిగా పడుతుంది.