వయసు మీద పడుతున్న కొద్దీ వచ్చే తెల్ల వెంట్రుకలను సహజంగా నల్లగా చేయడం కష్టం. కానీ చిన్నవయసులో వచ్చిన తెల్లవెంట్రుకలను మాత్రం సులువుగా నల్లగా చేయొచ్చు.
ప్రస్తుత కాలంలో చాలా మందికి చిన్న వయసులోనే తెల్లజుట్టు వస్తోంది. దీనికి తోడు హెయిర్ ఫాల్, జుట్టు పగిలిపోవడం, డ్రై హెయిర్ వంటి సమస్యలు సర్వ సాధారణంగా మారిపోయాయి. ఇక ఈ సమస్యలను పోగొట్టడానికి మార్కెట్ లోకి ఎన్నో కొత్త కొత్త ప్రొడక్ట్స్ వస్తూనే ఉన్నాయి. కానీ వాటిలో ఉండే కెమికల్స్ జుట్టును దెబ్బతీస్తాయి. అందుకే వీటిని యూజ్ చేయని వారు చాలా మందే ఉన్నారు. అయితే జుట్టును బాగు చేయడానికి మార్కెట్ లో ఉండే ప్రొడక్ట్స్ నే పెట్టక్కర్లేదు.. సహజసిద్దంగా ఉండే కొన్ని వస్తువులను జుట్టుకు అప్లై చేసినా.. జుట్టు నల్లగా మారుతుంది. కొబ్బరి నూనెలో కొద్దిగా నిమ్మరసం కలిగి జుట్టుకు అప్లై చేయడం వల్ల తెల్ల జుట్టు నల్లగా మారడంతో పాటుగా హెయిర్ ఫాల్ సమస్య కూడా ఆగిపోతుంది. ఇది మీ జుట్టును ఆరోగ్యంగా ఉంచడానికి సహాయపడుతుంది.
మార్కెట్ లోకి ఎన్నో రకాల హెయిర్ ఆయిల్స్ వచ్చినా.. కొబ్బరి నూనెను వాడే వారు చాలా మందే ఉన్నారు. ఇది జుట్టుకు కావాల్సిన పోషణను అందిస్తుంది. కొన్ని రాష్ట్రాల్లో అయితే కొబ్బరినూనెను వంటల్లో కూడా ఉపయోగిస్తుంటారు. అయితే నెత్తిలో చుండ్రును వదిలించుకోవడానికి జుట్టుకు నిమ్మరసం అప్లై చేసేవారు చాలా మందే ఉన్నారు. అయితే కొబ్బరి నూనెలో నిమ్మరసం కలిపి జుట్టుకు అప్లై చేయడం వల్ల తెల్లజుట్టు నల్లగా మారుతుందన్న సంగతి మాత్రం చాలా తక్కువ మందికే తెలుసు. అవును నిమ్మరసం కలిపిన కొబ్బరి నూనెను జుట్టుకు పెట్టడం వల్ల కొద్దిరోజుల్లోనే తెల్లజుట్టు నల్లగా మారుతుంది.
మెలనోసైట్లు జుట్టు కుదుళ్లలోని వర్ణద్రవ్య కణాలు. మన శరీరంలో మెలనిన్ ఉత్పత్తి ఆగిపోయినప్పుడు.. జుట్టు తెల్లబడటం ప్రారంభమవుతుంది. వయసు పెరుగుతున్న కొద్దీ జుట్టు తెల్లబడుతుంది. అయితే అయితే వయసు పెరిగే కొద్దీ తెల్లగా మారిన వెంట్రుకలను నల్లగా మార్చడం సాధ్యం కాదు. కానీ చిన్నవయసులోనే జుట్టు తెల్లగా మారితే మాత్రం దాన్ని ఆపొచ్చు.
తెల్ల జుట్టును నల్లగా మార్చేందుకు కొబ్బరినూనె, నిమ్మరసం అద్భుతమైన కాంబినేషన్. ఇది జుట్టు తెల్లబడటాన్ని నిరోధిస్తుంది. అయితే ఈ నూనెను అప్లై చేసినా.. మీ జుట్టు మునపటిలా.. నల్లగా ఉండకపోవచ్చు. కానీ జుట్టు పూర్తిగా తెల్లగా మారకుండా ఆపుతుంది. మీ జుట్టు సహజరంగును పొందేలా చేస్తుంది.
కొబ్బరినూనెలో నిమ్మరసం మిక్స్ చేసి దాన్ని జుట్టుకు అప్లై చేయడం వల్ల.. ఆ నూనెలో ఉండే ఖనిజాలు, విటమిన్ల వల్ల సెబమ్ ఏర్పడి మాడును శుభ్రపరుస్తాయి. ఇవి రక్తప్రవాహాన్ని మెరుగుపరుస్తాయి. ఇది జుట్టును మృదువుగా, మెరిసేలా చేస్తుంది.