Uses of Lemon Water: ఉదయాన్నే లెమన్ వాటర్ తాగుతున్నారా? ఈ విషయాలను ఖచ్చితంగా తెలుసుకోవాల్సిందే..

Uses of Lemon Water: ప్రతిరోజు ఉదయం టీ లేదా కాఫీలకు బదులుగా లెమన్ వాటర్ తాగితే ఆరోగ్యానికి ఎంతో మంచిది. నిమ్మకాయలో విటమిన్ సి పుష్కలంగా లభిస్తుంది. దీన్ని ప్రతిదినం తీసుకోవడం వల్ల ఎన్నో వ్యాధులను తొందరగా నయం చేసే రోగ నిరోధక శక్తి పెరగడంతో పాటుగా శరీర బరువును కూడా ఈజీగా తగ్గించుకోవచ్చు.   

lemon water

Uses of Lemon Water: నిమ్మకాయలు ఆరోగ్యానికి ఎంతో మేలు చేస్తాయి. ప్రతి రోజూ దీన్నిఉపయోగించే వారికి విటమిన్ సి లోపం తలెత్తే అవకాశమే ఉండదు. అంతేకాదు ఈ సిట్రస్ ఫ్రూట్ లో సిట్రిక్ యాసిడ్ మెండుగా లభిస్తుంది. ఇది ఆరోగ్యానికే కాదు..  కాంతివంతమైన చర్మానికి కూడా ఎంతో సహాయపడుతుంది. అందుకే ప్రతిరోజూ పరిగడుపున టీ లేదా కాఫీలకు బదులుగా నిమ్మరసాన్ని తాగితే మంచిదని ఆరోగ్య నిపుణులు సూచిస్తుంటారు. ఇంతకీ లెమన్ వాటర్ పరిగడుపున తాగడం వల్ల ఎటువంటి లాభాలు జరుగుతాయో ఇప్పుడు తెలుసుకుందాం.

ప్రస్తుత కాలంలో అధిక బరువుతో బాధపడే వారి సంఖ్య బాగా పెరిగిపోతోంది. దీనికి కారణాలు అనేకం. కానీ శరీర బరువు పెరగడంతో వాళ్లు ఎన్నో అనారోగ్య సమస్యలను ఎదుర్కోవాల్సి ఉంటుంది. అందుకే  బరువును తగ్గించుకోవాల్సిన అవసరం ఎంతైనా ఉంది. కాగా శరీర బరువును ఈజీగా తగ్గించుకోవడంలో నేచురల్ రెమెడీగా లెమన్ వాటర్ ఎంతో సహాయపడుతుంది. దీన్ని ప్రతి రోజూ పరిగడుపునే గోరువెచ్చని నీళ్లతో కలిపి తీసుకుంటే అధిక బరువు సమస్య నుంచి ఈజీగా బయటపడొచ్చు. ఈ నిమ్మలో ఉండే పాలీఫినాల్ అనే యాంటీ ఆక్సిడెండ్లు బరువు తగ్గేలా చేస్తాయి.  

క్రమం తప్పకుండా లెమన్ వాటర్ తాగడం వల్ల ఎన్నో అద్బుత ప్రయోజనాలు జరుగుతాయి. శ్వాస సంబంధిత సమస్యలను నివారించడమే కాదు లివర్ ను శుభ్రపరచడానికి కూడా నిమ్మరసం ఎంతో సహాయపడుతంది. అంతేకాదు వికారం వంటి సమస్యలు కూడా తలెత్తే అవకాశమే ఉండదు. ఇందులో ఉండే యాంటీ ఆక్సిడెంట్స్ మన శరీరానికి ఎంతో మేలును  కలిగిస్తాయి. ఈ నిమ్మపండు  రోగ నిరోధక శక్తినిన పెంచడంలో ముందుంటుంది.

చర్మం కాలాలతో సంబంధం లేకుండా మెరిసిపోవాలన్నా.. ముడతలు పడకుండా ఉండాలన్నా విటమిన్ సీ ఎంతో తోడ్పడుతుంది. ఈ విటమిన్ నిమ్మకాయల్లో పుష్కలంగా ఉంటుంది కాబట్టి ఇటువంటి సమస్యలకు చక్కటి చిట్కాలా నిమ్మరసం ఎంతో సహాయపడుతుంది. అంతేకాదు సూర్య కిరణాల వల్ల చర్మం కందిపోకుండా చేసే శక్తిని కూడా నిమ్మకాయ కలిగి ఉంటుంది. ఇంతేకాదు మలబద్దకం సమస్యతో బాదపడేవారికి ఇది చక్కటి చిట్కాలా కూడా సహాయపడుతుంది. అజీర్థి సమస్యను కూడా తగ్గిస్తుంది. జీర్ణవ్యవస్థను మెరుగుపరచడంలో కూడా ఈ పండు ముందుంటుంది. దగ్గు, జలుబు,  అలర్జీలు, ఆస్తమా వంటి సమస్యను తగ్గించడంలో ఇది దివ్య ఐషదంలా పనిచేస్తుంది.