Kitchen Sink: మీ కిచెన్ సింక్ మురికిగా మారిందా..? దీనితో క్లీన్ చేస్తే కొత్తదానిలా మెరిసిపోతుంది..!

 Kitchen Sink: మీ వంటగదిలో సింక్ బాగా మురికిగా మారిందా? ఎంత శుభ్రం చేసినా, ఆ మురికి వదలడం లేదా? అయితే.. కొన్ని పదార్థాలతో శుభ్రం చేస్తే.. మీ సింక్ కొత్త దానిలా మెరుస్తుంది. 

కిచెన్ సింక్...

వంటగదిలో సింక్ చాలా ముఖ్యమైన భాగం. ఈ సింక్ ఎప్పుడూ శుభ్రంగా ఉంచుకోవాలి. లేదంటే ఆరోగ్య సమస్యలు ఎక్కువగా వచ్చే ప్రమాదం ఉంటుంది. అయితే.. మనం సింక్ రోజూ వాడే కొద్దీ అది మురికిగా మారుతుంది. వెంటనే శుభ్రం చేయకపోతే.. మొండి మరకలు పెరిగే అవకాశం ఉంది. అలా మురికిగా మారడం వల్ల శుభ్రం చేయడం మరింత కష్టం అవుతుంది. అయితే... మీరు సింపుల్ చిట్కాలను ఫాలో అయితే.. సింక్ కొత్త దానిలా మెరిసేలా చేయచ్చు...

1.అమ్మెనియా పొడి..

మీ సింక్ మరకలను తొలగించడానికి మీరు అమ్మోనియా పొడిని ఉపయోగించొచ్చు. ఒక కప్పు నీటిలో 2 టీ స్పూన్ల వెనిగర్ కలపాలి. ఆ తర్వాత, ఈ నీటిని సింక్ పై పోయాలి. దానిపై అమోనియా పొడిని చల్లాలి. 5 నిమిషాల తర్వాత వెనిగర్ ద్రావణాన్ని మళ్లీ స్ప్రే చేయాలి. ఆ తర్వాత శుభ్రం చేస్తే.. మీ సింక్ కొత్త దానిలా మెరుస్తూ కనపడుతుంది.

2.సోడాను ఉపయోగించండి..

మీరు సోడాను ఉపయోగించి మీ సింక్ ను శుభ్రం చేయవచ్చు. మీ సింక్ శుభ్రం చేయడానికి, ముందుగా సోడా తీసుకోండి. ఆ తర్వాత మీరు దానిని నీరు, నిమ్మరసంతో కలిపి పేస్టులాగా చేయాలి. ఈ పేస్టును సింక్ మొత్తం చల్లాలి. కొంత సమయం తర్వాత, అన్ని మరకలను తొలగించడానికి స్క్రబ్బర్ ఉపయోగించాలి.

పటిక

మురికిగా ఉన్న సింక్‌ను శుభ్రం చేయడానికి మీరు పటికను కూడా ఉపయోగించవచ్చు. నీటిలో పటికను కలిపి ద్రావణాన్ని తయారు చేయండి. ఈ నీటిని 10 నిమిషాల పాటు మరిగించండి. ఆ తర్వాత, ఈ పేస్ట్‌ను సింక్‌కు పూసి, అంతటా పరచండి. కొంత సమయం తరువాత, బ్రష్‌తో సింక్‌ను శుభ్రం చేయండి.

నిమ్మకాయ , ఉప్పు

మీ సింక్ మురికిగా ఉంటే, మీరు నిమ్మకాయ , ఉప్పును ఉపయోగించవచ్చు. మురికిగా ఉన్న సింక్‌ను శుభ్రం చేయడానికి, 5 నుండి 6 నిమ్మ తొక్కలను తీసుకోండి. ఆ తొక్కలను ఉప్పుతో బాగా రుబ్బండి. ఈ పేస్ట్‌ను సింక్‌కు పట్టించండి. బ్రష్‌తో సింక్‌ను రుద్దండి. ఇలా చేస్తే.. మీ సింక్ కొత్త దానిలా మెరిసిపోతుంది.