Bread Omelette: ఈ ఉరుకుల పరుగుల జీవితంలో చాలామంది త్వరగా తయారయ్యే బ్రేక్ఫాస్ట్ కి ఎక్కువ ప్రాధాన్యం ఇస్తున్నారు. అలాంటి వాటిలో బ్రెడ్ ఆమ్లెట్ ఒకటి. దీన్ని చాలా ఈజీగా, ఫాస్ట్గా రెడీ చేసుకోవచ్చు. కానీ దీన్ని రోజూ తినడం మంచిదో, కాదో.. తెలుసుకుందాం.
ఉదయం బ్రేక్ఫాస్ట్ అనేది రోజులో చాలా ముఖ్యమైన ఆహారం. ఈ హడావిడి లైఫ్స్టైల్లో, నిమిషాల్లో రెడీ అయ్యే బ్రెడ్ ఆమ్లెట్ చాలామందికి ఫస్ట్ ఛాయిస్ అయిపోయింది. స్కూల్ కి వెళ్లే పిల్లలు, కాలేజీ స్టూడెంట్స్, ఆఫీస్కు వెళ్లేవాళ్లు, ఒంటరిగా ఉండేవారు... ఇలా చాలామంది దీన్ని రోజూ తింటుంటారు. కానీ, రోజూ బ్రెడ్ ఆమ్లెట్ తినడం నిజంగా ఆరోగ్యానికి మంచిదా? లేక ఏమైనా సైడ్ ఎఫెక్ట్స్ ఉంటాయా? నిపుణులు ఏం చెబుతున్నారో ఇక్కడ వివరంగా తెలుసుకుందాం.
26
గుడ్డులోని పోషకాలు
బ్రెడ్ ఆమ్లెట్లో గుడ్డు చాలా ముఖ్యమైంది. ఒక గుడ్డులో హై-క్వాలిటీ ప్రోటీన్, విటమిన్ D, విటమిన్ B12, సెలీనియం, ఐరన్, కోలిన్ వంటి పోషకాలుంటాయి. ఇవి కండరాల పెరుగుదలకు, ఎముకల ఆరోగ్యానికి, మెదడు పనితీరుకు, రోగనిరోధక శక్తికి సహాయపడతాయి. ఉదయాన్నే ప్రోటీన్ ఫుడ్ తింటే ఎక్కువసేపు ఆకలి వేయదు. దీనివల్ల అనవసరమైన స్నాక్స్ తినకుండా ఉండొచ్చు. బరువు తగ్గాలనుకునే వారికి ఇది మంచి ఆప్షన్.
36
బ్రెడ్ రకాన్ని బట్టి ఆరోగ్యం
బ్రెడ్ ఆమ్లెట్ ఆరోగ్యానికి మంచిదా కాదా అనేది మనం వాడే బ్రెడ్ రకంపై ఆధారపడి ఉంటుంది. మైదాతో చేసిన వైట్ బ్రెడ్లో ఫైబర్ తక్కువగా ఉంటుంది. ఇది త్వరగా జీర్ణమై రక్తంలో చక్కెర స్థాయిలను వేగంగా పెంచుతుంది. దీనివల్ల కొన్ని గంటల్లోనే మళ్లీ ఆకలి వేయవచ్చు. దానికి బదులుగా హోల్ వీట్, మల్టీగ్రెయిన్ లేదా మిల్లెట్ బ్రెడ్లను వాడితే ఫైబర్ ఎక్కువగా లభిస్తుంది. జీర్ణక్రియ మెరుగుపడటంతో పాటు, కడుపు నిండిన ఫీలింగ్ ఎక్కువసేపు ఉంటుంది.
సరైన పద్ధతిలో తయారుచేసిన బ్రెడ్ ఆమ్లెట్ను మితంగా తింటే శరీరానికి చాలా ప్రయోజనాలుంటాయి. ప్రోటీన్ అందడం వల్ల కండరాలు బలపడతాయి. రోజంతా యాక్టివ్గా ఉండటానికి కావాల్సిన శక్తి లభిస్తుంది. ఆకలి కంట్రోల్లో ఉండటం వల్ల ఎక్కువ కేలరీలున్న ఫుడ్ తినే అలవాటు కూడా తగ్గుతుంది. కానీ, వెన్న, చీజ్, ఎక్కువ నూనె వేసుకుని రోజూ తింటే శరీరంలో అనవసర కొవ్వు పేరుకుపోయే ప్రమాదం ఉంది. ఇలా ఎక్కువ కేలరీలు తీసుకోవడం వల్ల బరువు పెరిగే అవకాశం కూడా ఉంటుంది.
56
పోషకాలు రెట్టింపు కావాలంటే?
ఆమ్లెట్లో ఉల్లిపాయ, టమాటా, పాలకూర, క్యాప్సికమ్, క్యారెట్, పుట్టగొడుగుల వంటి కూరగాయలు కలపడం చాలా మంచిది. దీనివల్ల ఫైబర్, యాంటీ-ఆక్సిడెంట్లు, విటమిన్లు పెరుగుతాయి. ఇది జీర్ణక్రియను మెరుగుపరచడమే కాకుండా గుండె ఆరోగ్యానికి కూడా సహాయపడుతుంది. అయితే బయట తయారుచేసే బ్రెడ్ ఆమ్లెట్లో ఎక్కువ వెన్న, సాస్, మళ్లీ మళ్లీ వాడిన నూనె వాడే అవకాశం ఉంటుంది. ఇవి ట్రాన్స్ ఫ్యాట్, సోడియం స్థాయిలను పెంచుతాయి. అందుకే ఇంట్లో శుభ్రంగా, తక్కువ నూనెతో చేసుకుని తినడం మంచిది.
66
ఎవరు జాగ్రత్తగా ఉండాలి?
డయాబెటిస్, ఊబకాయం, అధిక కొలెస్ట్రాల్ సమస్యలు ఉన్నవాళ్లు వైట్ బ్రెడ్కు బదులుగా హోల్ వీట్ బ్రెడ్ను ఎంచుకోవడం మంచిది. అలాగే ఎక్కువ వెన్న లేదా చీజ్ కలపకుండా చూసుకోవాలి. డాక్టర్ లేదా న్యూట్రిషనిస్ట్ సలహా మేరకు డైట్ ప్లాన్ ఫాలో కావడం ఉత్తమం. బ్రెడ్ ఆమ్లెట్ హెల్దీ బ్రేక్ఫాస్ట్ అయినప్పటికీ రోజూ ఒకే రకమైన ఆహారం తినడం కూడా మంచి పద్ధతి కాదు. శరీరానికి కావాల్సిన అన్ని పోషకాలు అందాలంటే రకరకాల ఆహారాలను మార్చి మార్చి తీసుకోవడం మంచిది.
