DIY Hacks: మీ ఛార్జింగ్ వైర్ తొందరగా విరిగిపోతోందా? అయితే… తక్కువ ఖర్చుతో.. ఆ ఛార్జర్ విరిగిపోకుండా చేయచ్చు. అంతేకాకుండా.. దానిని అందంగా కూడా మార్చేయచ్చు. కేవలం ఐదు నిమిషాల్లో చేయగల ఈ సింపుల్ హ్యాక్ ఇప్పుడు తెలుసుకుందాాం….
చాలా మంది ఒక్కసారి ఫోన్ కొంటే.. నాలుగైదు సంవత్సరాలు అయినా వాడుతున్నారు. కానీ, ఆ ఫోన్ తో పాటు వచ్చిన ఛార్జర్లు మాత్రం వెంటనే పాడైపోతున్నాయి. ఛార్జరే కదా అని ఎక్కడ పడితే అక్కడ పడేయడం వల్ల.. అవి తొందరగా పాడైపోతూ ఉంటాయి. ముఖ్యంగా ఛార్జింగ్ కేబులు విరిగిపోతూ ఉంటుంది. దీని వల్ల .. ప్రతిసారీ కేబుల్ మార్చాల్సి వస్తుంది. అయితే, పదే పదే వీటిని కొనే బదులు.. ఇంట్లోనే దొరికే వస్తువులతో ఛార్జర్ విరిగిపోకుండా కాపాడొచ్చు. అంతేేకాకుండా.. దానిని అందంగా కూడా మార్చేయచ్చు. అదెలాగో ఇప్పుడు చూద్దాం..
24
పాత పెన్ను తో.. ఛార్జర్ కి కొత్త అందం..
మీ ఇంట్లో పనికిరాని పాత పెన్నులు ఉన్నాయా? దానితో మీ ఛార్జింగ్ కేబుల్ కి కొత్త అందం తీసుకురావచ్చు. మీ పాత బాల్ పెన్ లో ఉండే స్ప్రింగ్ ను తీసి కేబుల్ చివర్లకు చుట్టాలి. ఇలా చేయడం వల్ల ఛార్జింగ్ కేబుల్ వంగిపోదు. వైర్ తెగిపోయే ప్రమాదం కూడా ఉండదు. మీరు ప్రతిసారీ ఛార్జర్ కొనాల్సిన అవసరం కూడా రాదు.
34
స్టైలిష్ లుక్ ఇవ్వాలంటే...
మీరు కేవలం ఛార్జర్ పాడవ్వకుండా కాపాడటమే కాకుండా… మీ ఛార్జర్ అందంగా కనిపించాలంటే.. ఈ హ్యాక్ ప్రయత్నించొచ్చు. క్రోచెట్ కేబుల్ కవర్లు ఇప్పుడు చాలా ట్రెండింగ్ లో ఉన్నాయి. మీకు నచ్చిన రంగుల్లో ఉన్ని లేదా దారం తీసుకొని.. కేబుల్ పై క్రోచెట్ ర్యాప్ చేస్తే సరిపోతుంది. మంచి స్టైలిష్ గా కనపడుతుంది. చాలా అందంగా ఉంటుంది.. కేబుల్ వైర్ ఇరిగిపోయే ప్రమాదం కూడా ఉండదు.
మీ దగ్గర పాత జ్యూస్ స్ట్రా ఉంటే.. దానితో మీ ఛార్జర్ కేబుల్ ని కాపాడుకోవచ్చు. మీరు స్ట్రాన్ ని మధ్యలో కట్ చేసి, కేబుల్ కి పెట్టాలి. ఇప్పుడు హెయిర్ డ్రైయ్యర్ తో కొద్దిగా వేడి చేస్తే.. కేబుల్ కి అతుక్కుపోతుంది. దీని వల్ల కేబుల్ విరిగిపోదు.. అంతేకాకుండా.. మంచి కలర్ ఫుల్ లుక్ కూడా వస్తుంది.
రంగు రంగుల రిబ్బన్లతో…
మీకు ఇంకాస్త ఓపిక ఎక్కువగా ఉన్నా… ఛార్జింగ్ కేబుల్ ని అందంగా మార్చుకోవాలనే తపన ఉంటే…కలర్ ఫుల్ రిబ్బన్లు తెచ్చి… ఛార్జింగ్ కేబుల్ కి చుట్టేయచ్చు. చివరల్లో బో ఆకారంలో ముడివేస్తే చూడటానికి చాలా అందంగా కనపడతాయి. దీని వల్ల ఛార్జింగ్ ఎక్కువ రోజులు పాడవ్వకుండా ఉంటుంది.
